NG'THU K'THUUK~ 13:16 - Cho Bible Common Language 2016

¹⁶ Lang kha ciah chang gui cu a i kä ami bi pha ung angtäi sei ngaih-tüh ci gui. Cun ung phi chang gu ang naw a cheishoh nak cu dang sak ci.

NG'THU K'THUUK~ 13:16 Referans Kwoze

NG'THU K'THUUK~ 15:2

Cuivai chang ah ng’thu naw hmuhmat nak dang sak ci, cun ung phi chang shekha ah ng’thu cu akholä ah kyak ci.

EPHESIAN 5:17

Cun ah kyasei ak gu k’aang ah kä nami om men vai, Bawipa naw nami bi vai ang yak hlü cu k’tha nah ne nami shui vai nei.

ISAIAH 52:13

Bawipa naw pyen ci, “Ka changshäm cu a bilawh nak ung näng nak om khai; Ani cu a hlüngtai ah m’tam khah khai gui.

THUSHÄUTU 10:3

Chang shekha cu lam ah hmuk ciah chang gui naw phi, ani ah gu-ang nak cu hmat ci gui; ani naw amät a gu-ang cu chang päng am hmat sak ci.

ROMAN 16:19

Nang mi naw Thu Ni cu a i hlawk ah nami m’lung ung nami khän htek sak cu chang avan naw hmat ci nei. Cun ah kya sei nang mi ah hmawk ah ang htei ah ka yei ci. Nang mi cu ni kyom nak hmat ne lunglang ciah chang ah kya u ne, shetkat nak phiawn nak ciah nami kyak vai ah ka ng’ya hlük ci.

1 KORIN 14:20

Phäinau gui aw, ak hmawhta gui ah mäih ah kä nami kyak vai nei; ak hmawhta gui ah mäih ah shetkat nak phiawn tah u ne, ang vai pyi ah mäih ah nami ngaih-tüh vai.

MATTHE 10:16

‘Ngai vä! Hngei khli ah ng’lung ah htome hta chah ah mäih ah, kei naw ka ning tüi gui ci nei. Cun ah kyasei, k’phyu ah mäih ah theileh u ne, am äm kä om ciah müm kha ah mäh ah nami m’lung gei sä.

NG'THU K'THUUK~ 21:24

Chang k’om cicu na na m’nuh vai, yoshe nak ci, chang ah ng’shei ci, kho kä tä cicu ka ning m’hnuh khai.

SAM 112:5

Ng’khai ne chang am k’pu m’hnih thei ciah chang cu yeikyai nak om ci, Ani naw abi lawh phung düngshung sei bik ci.

1 SAMUEL 25:25

Na bä ni, Nabala ah khan ah a i kä she bi en ä, ani cu kä chang man nei! Ani cu aming ah mäih ah akgu ang ah kyak ci nei! Saza aw, na chang gui ami law yah ung kä ka om ci.

1 SAMUEL 25:17

Shin ah mawng, na bä ni, ngaih-tüh neta, a i bi vai k’bäi ä. Shin naw mi bawi la akyong chang gui cu khüikha sak hning ci nei. Ani cu ling aih ci kya ne a u phi kä ngai ci!”

NG'THU K'THUUK~ 18:2

Ak gu ang naw a hmuhmat ung phi, ka a hmuhmat ung phi, a i ah ka ngai ci, ani ah bi hlü avan cu ani a i hlawk ah alunglang am dang vai ah kyak ci.

NG'THU K'THUUK~ 14:33

Lunglang ciah m’lung ngaih phung ung cuivainak om ci, anglam ci naw cuivai nak ah mawng ka hmat ci.

THUSHÄUTU 10:13

Ani naw ang thu cu ak-ang thu awn tün ne, akgu ng’thu awn khüp ci.