NG'THU K'THUUK~ 13:13 - Cho Bible Common Language 2016

¹³ Akni ah m’cäi ä nak maanak ciah chang cu khüikha nak k’thäh ciah kyak ci. Läk ciah chang cu hun nak gah ci.

NG'THU K'THUUK~ 13:13 Referans Kwoze

KHEI NAK 15:31

A i ah kyasei ci ung ani naw Bawipa ang thu pyen cu hnungtuk püi ne ani ah thukhän tumat cu bü ne gäi ciah a kyak ah phäh ah kyak ci. Ani cu amät ah sih nak vai amät naw bik ciah kyak ci.

2 JOHAN 1:8

Geing na ne nami om vai nei, cun ung nangmi ah hmawk ah keimi ah bi cu akholä ah kä kyak khai, nangmi phi m’cümhnah nak ak be nami gah khai.

2 SHONTÄP NAK 36:16

Cun ung phi ngami naw Khanpughi ah ng’shächang gui cu päipih u ne, ang thu cu a i ah kä ngai u ne, a prophet gui cu gaih tuk ci gui, ak hnu ah Bawipa ah m’lungshe nak ak chang gui hnungtuk püi cicu dämduh aih sei, phyawn nak kä om ba ci.

SAM 119:165

Na thukhän m’hni ci gui ung kümbe ciah ngaih gep nak om ci, Ngami yu ng’kyak sak gui khai a i phi kä om ci.

EZEKIEL 20:13

Cun ung phi bung hmu ah phi ngami naw na chüm ci gui. Acun läk ciah chang phung am ghin nak pek ciah, ka thukhän gui cu m’shet u ne, ka thumkhän gui cu hnu nak ci gui. Ngami naw kyin hnüüp cu akbe ah lelawi sak ci gui. Kei cu ka om ge ci, bung hmu ah ng’hüüt ciah ka m’lungshe nak cu gah sak gui ne, ka m’di gui khai nei.

SAM 19:11

Cun gui naw na changshäm kei-am hmuh hmat nak na pek ci; A cun ka ngaih ah hmawk ah kei cu m’cümhnah nak ka gah ci.

EZEKIEL 20:16

Kei naw cun ah shaitak ka bi cu, ngami naw ka thumkhän gui hnu na u ne, ka thukhän gui m’shet u ne, kyin hnüüp cu a i ah kä sui u ne — ami gup gui khawihnah vai ah ami yum pi ah phäh ah kyak ci.

EZEKIEL 20:24

Cun ah a i ah kyasei ka bi ci ung, ngami naw ka thumkhän gui hnu na u ne, ka thukhän gui m’shet u ne, kyiin hnüüp cu a i ah kä ngai u ne, ami pupa gui naw ami khawihnah man ah acun ah agup gui bä ami khawihnah ah phäh ah kyak ci.

ISAIAH 66:2

kei ka mät naw khopuui avan cuka tüisho nei! Am lung neim sak ne, ng’yu vat ba ne, kei na kyih aa ne, na läk ci gui ah khan ah ka yeikyai ci nei.

NG'THU K'THUUK~ 13:21

Cheishoh ci gui cu khüikha nak naw a khaw päng ah läk gui ci. Cun ung phi düng ciah chang gui cu akni ah m’cümhnah nak gah khai gui.

NG'THU K'THUUK~ 1:25

Kei ah ning m’cäi gui avan nami nawng ci. Ka ning m’shung hlawi gui kä nami ng’ya hlük ci.

SAM 115:13

Ani kyih aa ciah chang phung cu a zaw adäm ah ciah hriham pe gui khai nei.

LUKA 16:31

Abraham naw, “Ngami cu Moses la Profet gui ah ng’thu kä a mi ngaih läi ung sih nak ungka tho law ba ci a om ung phi ngami naw, kä yum hlawt khai gui cik ci” cine m’thein gui ci.

MALAKHI 3:16

Cun kawn ah Bawipa kyih aa ci gui cu, ami mät ng’ce ng’cäk u sei, Bawipa naw ngai ne ami ng’thu ng’yak ci. Khanpughi kyih aa ne chang m’sui ciah chang cu, amät ah ma ah ca uk ung gu ne m’hnüt ci.

MATTHE 5:12

Zeikiai ne lünlawi vä, khankho ah nangmi ah gah vai ah m’cümhnah nak cu däm aih ci nei. Caü profet gui phi acun ah mäih ah shedam nak gah pyi ci gui nei.

JEREMIAH 43:2

Cun kawnah Hoshaiah ah hta, Azariah, kareah ah hta Johanan la ahei m’gäim’cikciah chang avan naw na pyen nak ci gui, “Nang na hleei ci. Egypt khaw ah kä kami hteh vai ah na na m’thein gui khai ah Bawipa mi khanpughi naw kä ning tüi lawk khai.

EZRA 10:3

Tuhbäi ung mikmi naw shin ah hnumi gui la ami hta gui cu ahei ah kami k’täm gui khai nei cine, mi Khanpughi ah ma ah aktung ah shaitak mi bik khai nei. Khanpughi ah thumkhän m’tamkhah ciah nang la ahei gui naw bi vai ah nami pyen ah kami bik khai nei. Khanpughi ah thumkhän naw ak thäh ah mäih ah keimi naw kami bik khai nei.

PHYAWN NAK 9:20

Ghangpughang ah bawi amshah gui cu, Bawipa ah ng’thu ng’ya u ne, kyi u neta, ami changshäm gui la ami seime gui cu kyong ah chum ba gui ci gui.

NG'THU K'THUUK~ 13:12

Ngaih u nak adi shum ung m’lung m’sin dishum ci. Cun ung phi ng’yak hlü akümbe ung yei nak om ci.

NG'THU K'THUUK~ 19:16

Khanpughi ah thukhän gui cu nak pan vai, Cun ung akshou na ghing khai, na nawng dut ung lai na sik khai nei.

SAM 19:12

Ani ah hma katnak cu a u naw kä hmuk ci; ng’thup ciah katnak ung ka nak phyawn ä, Bawipa!

NG'THU K'THUUK~ 16:20

Ami ning m’theithang gui cu nami dou vai, nangmi cu nami nang khai, Bawipa ung nami ng’ap vai nangmi cu nami yeikyai khai.