NG'THU K'THUUK~ 12:4 - Cho Bible Common Language 2016

⁴ Hnumi akni cu acei ah ng’tamkhah nak la yeikyai nak ah kyak ci. Cun ung phi acei ah thui ng’aa nak vai ah kyak ciah hnumi naw acei ah guh kenser ah kyak sak ciah kyak ci.

NG'THU K'THUUK~ 12:4 Referans Kwoze

NG'THU K'THUUK~ 14:30

Dimdeeih ciah m’lung ngaih naw pumsa gaigawng sak ci, m’thüikhang nak cu kenser gaw natnak ah kyak ci.

NG'THU K'THUUK~ 14:1

Cüivai ciah hnumi naw im co ci. Cun ung phi gu ang ci naw m’di m’shum ci.

1 KORIN 11:11

Cun ung phi Bawipa ung mi ghin nak ung hnumi cu pami awn kä ang chah hlawt ah mäih ah pami phi hnumi awn käng chah hlawt ci.

1 KORIN 11:7

Pami naw alu a uk vai kä hlü ci, a i ah kya sei ci ung, pami cu Khanpughi ah müi la bämang nak cu, khang sak ciah kyak ci. Hnumi läi cu pami ah bämang nak cu vai sak ciah kyak ci:

NG'THU K'THUUK~ 21:19

NG’thushai e ng’tukvook ghüh ciah chu awn om ah k’dam ah ta, bungpuk ah om cu bä tuba ci.

NG'THU K'THUUK~ 21:9

Thushai aih ciah chu awn im kyong ah om ah k’dam, im khuih nak ah khan ah hteit ne om cu bä tuba ci.

HABAKKUK 3:16

A cun gui ng’ya neta kei cu ka ng’hlet ci; ka kyih su ah ka m’nei phi ng’haam ci, ka pumsa phi ng’yai ci. Ka mät ah kaa ah ka khaw ka m’thuih ci. Gawk lawk khai ah akhin cu kei naw düm ah ka ngäng khai, cun cu na ng’tuk püi gui ci cu Khanpughi naw am kyuk nak gui ah kyak khai.

RUT 3:11

Ruth, tuhbäi kä na ng’ä vai. Na k’thäh phung kei naw ka bik khai; shin ah gawnu ung chang avan naw, nang cu hnumi kiom ah ning hmat ci gui nei.

NG'THU K'THUUK~ 12:5

Düng ciah chang gui naw hmai kiang ne ning khawt püi khai gui, changshe gui naw ning m’hleeihlak khai gui.

NG'THU K'THUUK~ 18:22

Chumah ciah chang cu akni hmuk ciah kyak ci. Acun naw Bawipa naw nang ah khan ah ani nak cu m’dang ci.

NG'THU K'THUUK~ 11:22

Lunglang nak kä om ciah kyom ciah hnumi cu, vawk ah hna khawng ung ghui m’hnaak awn täng ci.

NG'THU K'THUUK~ 30:23

thüi nak awn be ne ceimah ciah hnumi; A bawinu ah hnün ung ngok ciah changshäm hnumi,

NG'THU K'THUUK~ 31:29

Ani naw pyen ci, “Hnumi gui akda cu chu ni ah kyak ci gui, cun ung phi avan ungka nang cu akbä pi ah na kyak ci.”