NG'THU K'THUUK~ 12:28 - Cho Bible Common Language 2016

²⁸ Düng nak cu ghin nak ah lam ah kyak ci. Shetkat nak cu sih nak ah lam ah kyak ci.

NG'THU K'THUUK~ 12:28 Referans Kwoze

3 JOHAN 1:11

Ka püi gui aw, akshe cu kä nami thei tu vai, akni cu nami thei tu vai nei. Akni bilo ciah chang ung Khanpughi om ci, akshe bilo ciah chang naw Khanpughi kä hmuk ci.

ROMAN 5:21

Kat nak naw sih nak awn a uk ah mäih ah, mi Bawipa Jesuh Khrit ung angtäi ghin nak mi gah vai ah, Khanpughi ah m’geinsei nak naw ng’düng nak awn na uk gui ci.

NG'THU K'THUUK~ 11:19

Hman ci bi vai ah k’bäi cicu ghing khai, hma ci bi vai ah ling cicu sik khai.

1 JOHAN 3:7

Ka htanau gui aw, a u naw kä ning yoshe-en ah gui sä! Bawi Khrit ang düngdau ah mäih ah düng nak bik ciah chang cu düngdau ci.

1 JOHAN 2:29

Nangmi naw Bawi Khrit cu ng’düng ciah nami hmat ci; acun ah mäih ah düng nak bik ciah chang phung cu Khanpughi ah hta ah kyak ci, cicu nami hmat vai kyak ci.

EZEKIEL 18:9

Chang tumat cu kei ah thumkhan gui läk ne, kei ah thukhän gui geing na ne k’paang ciah a kyak ung; Ani cu ng’düng ci, ani cu ghing khai,” Uktu Bawipa naw a pyen nei.

NG'THU K'THUUK~ 10:16

Akni bi sah a phu cu ghin nak ah kyak ci, katnak naw katnak pi ah lam shüm ci.

NG'THU K'THUUK~ 8:35

Kei na hmuk ciah chang cu ghin nak hmuk ci. Bawipa cu ngami awn lünlawi khai.

THULÄÄN NAK 30:15

“Tuhngawi kei naw ka ning ghü vai ah akni la akshe, ghin nak la sih nak ka ning pe gui ci.

NG'THU K'THUUK~ 9:11

Cüivainak naw na ghin nak ah khokum ng’shäi sak khai.

THULÄÄN NAK 32:46

a pyen cu, “Tuhngawi kei naw ka ning pek gui ah thumkhän avan nami läk vai cimvai vä. Nami hta nau gui am m’dou ne pe gui vä. Cun ung ngami naw Khanpughi ah m’theithang gui avan cu bekhüt ne läk khai gui nei.

JEREMIAH 21:8

Cun kawn ah chang gui am ka m’thein gui vai ah Bawipa naw na pyen nak ci, “Ngai vä! Kei, Bawipa naw, ghin nak ah lam la sih nak ah lam nami ghü vai ah ka ning pe gui ci nei.

THULÄÄN NAK 30:19

Kei naw tuhbäi nami ghü vai ah ghin nak la sih nak, Khanpughi ah hriham la Khanpughi ah plah taam nak, ka ning pe gui ci. Nangmi naw ghü nak nami bi ung saksi khai ah khankhaw la khomdek ka khü ci. Ghin nak cu ghü vä.

NG'THU K'THUUK~ 10:2

Kä düng ci bi na gah ah khawh naw kä akni ah ning kyak sak khai. Cun ung phi düng ci naw hnun gui hun ci.