NG'THU K'THUUK~ 12:18 - Cho Bible Common Language 2016

¹⁸ A i kä ngaih ah ng’thu düt naw khim awn tawk ah mäih ah nat sak ci. Cun ung phi cai ciah ng’thu naw gai nak pek ci.

NG'THU K'THUUK~ 12:18 Referans Kwoze

NG'THU K'THUUK~ 16:24

M’gein nak ah ng’thu cu khoitui awn täng ci, m’leih ung tui ci, gainak ah kyak ci.

NG'THU K'THUUK~ 15:4

Ng’awigi ciah ng’thu naw ghin nak law pui ci. M’gak ciah ng’thu naw mümcha m’di ci.

SAM 57:4

Kei cu chang ei ciah kawng gui ah mäih ah kyak ciah gaa gui naw nak khai ci gui. Ami ha gui cu k’htei la m’la ah mäih ah kyak ci, ami m’lei gui cu chim ah mäih ah ghaat ci.

SAM 52:2

Nang cu chang m’di vai na pawng aih ci; Nang ah m’lei cu sem ghaat awn täng ci. Nang cu angtäi sei hleei nak na tüisho ci.

DANIEL 11:33

Cüivai ciah ang vaihta gui naw chang akda am cüivai nak ah mawng m’thein khai gui. Cun ung phi kä shou pha sei amshah cu ng’tuk nak ung ngawn gui khai gui, amshah cu guttep u ne thawng ung chum khai gui.

NG'THU K'THUUK~ 25:18

Kä hman ciah ng’gu k’bün nak cu sih nak ah khim ghat, htung tawn la m’la ak ghat ah mäih ah kyak ci.

NG'THU K'THUUK~ 15:7

Hmuhmat nak cu cuivai chang naw ng’shawng sak ci, chang gu ang naw ka ng’shawng sak hlawt ci.

NG'THU K'THUUK~ 13:17

Shekak ciah chang tüih naw khüikha nak law püi ci. Cun ung phi bekhüt ci naw dimdeeih nak law püi ci.

NG'THU K'THUUK~ 4:22

Acun gui naw hmu hmat ci gui amn ghin nak la gai nak pe gui ci.

SAM 64:3

Ami m’lei cu chim ah mäih ah m’ghü ci gui, ami thushe cu m’la ah mäih ah kyak ci.

THU PHLAAN 22:2

Cun ah tuinu ah tuikam vang veing ung ghin nak ah sing ghing om ci. Cun ah sing cu cha ät ung hnü ät m’theih ne, kum ät ung gha lei-goi vei m’theih ci. Cun ah hnah gui cu chang avan ah gai nak vai ah kyak ci.

THU PHLAAN 1:16

Ani cu akpat lam ah aisi pachih kawt ne, am gawng ung vangah-vei ghaat ciah khim lut lawk ci. A hmai cu hnüüp lunglai ung hni ng’liing ah mäih ah ng’shü ci.

SAM 59:7

Ami ni ng’hawh shak shai la cu ngai tu vä. Ami m’gawng m’lei cu chim ghaat ah mäih ah kyak ci, cun ung phi ami ng’htau a u naw kä ng’yak ciah ngai ci gui.

NG'THU K'THUUK~ 12:17

Düng ci na pyen ung taga sei nabi ah kyak ci, hleeihlak nak naw kä taga nak gawk sak ci.

SAM 57:5

O Khanpughi, na dämduh nak cu khomik ung m’dang ä, na bäimang nak cu m’dek khan avan ung be sä.