NG'THU K'THUUK~ 12:13 - Cho Bible Common Language 2016

¹³ Chang shekha cu amät ah ng’thu naw mät pha ba ci. Cun ung phi düng ciah chang cu khüikha nak phyawn nak ci.

NG'THU K'THUUK~ 12:13 Referans Kwoze

NG'THU K'THUUK~ 21:23

Cümbawng nak kä om khai ah na om hlü ung geing na ne ng’thu na pyen vai.

NG'THU K'THUUK~ 11:8

Düng ciah chang gui cu khüikha nak ung shungvong gui ci. Ani ah hnün ung changshe gui hteit ci gui.

SAM 64:8

A cun ah thu gui ah hmawk ah ani naw m’di gui khai; Ngami hmu gui ci phung naw ami lu thüng khai gui.

DANIEL 6:24

Cun kawn ah ghangpughang naw ng’thu k’bäi ne, Daniela m’kyuk ciah chang gui ami van pha sak gui neta, ami chu gui la ami hta gui awn atäng ah phongkawng awn be ciah khui ung yuk shum gui ci gui. Khui ah anglung kä ami yuk pha pha ung kawng gui naw pah gui ne ami guh avan m’kyem gui ci gui.

NG'THU K'THUUK~ 6:2

Cun ung nang cu na mät ah ng’thu naw a ning pha, na mät ah shaitak ung na awk ciah kyak ci.

2 PETER 2:9

Zum ciah chang gui ami kium nak ungka k’phiawn gui vai, chang shekha gui la,

THUSHÄUTU 7:18

Akit vang goi vei cu nami hlawi vai. Nang cu Khanpughi na kyih aa ah a kyak ung, nang cu a i ung phi näng nak na gah khai.

MATTHE 27:25

Chang gui naw, “Shin ah chang asih nak cu, keimi la keimi ah hta nau gui naw kamik chaw nak khai nei,” cik ci gui.

NG'THU K'THUUK~ 15:2

Cuivai chang ah ng’thu naw hmuhmat nak dang sak ci, cun ung phi chang shekha ah ng’thu cu akholä ah kyak ci.

SAM 34:19

Changniung khüikha nak akda gawk thei ci, cun ung phi Bawipa naw avan ung hun phyawn ci;

SAM 5:6

Hleei cicu na m’di ci, Chang ngawn ci la thuvi cicu na päipih ci.

1 GHANGPUGHANG GUI 2:23

Cun kawn ah Solomon naw Bawipa ah ang ming ung shaitak nak aktung ah bik ci, “Shin ah a nak thäh ah phäh ah Adonijah naw a hnun gui pek khai ah kä ka bi ah a kyak ung, Khanpughi naw ka sih vai ah na yuk bi sä!

2 SAMUEL 4:9

David naw ngani am, “Kyihkyawk nak avan ung na hun ciah ghing ciah Bawipa ung kei ka ng’gun ci nei!

ATÜNNAK 48:16

Khüikha nak avan ung na gung ciah khankho chang naw hrilham k’be goi sä. Kei ah ming la kapa Abraham la kapa Isaak ah ming cu shin goi awn ghing ne om sä! Ani htapa k’pyiing ne ani pakhui k’phiaa sä.

SAM 59:12

Ami m’gawng ung katnak om ci, ami thu avan cheishoh ci, ami chang om nak naw pha gui sä, a i ah kyasei ci ung ngami cu ng’plah täng hleei hlak ci gui.

NG'THU K'THUUK~ 18:21

Na mat ah ng’thu naw na hnun ning ngang hning ci, ka cun ung ning m’di hning ci, cun ah kyasei na ng’thu htau ah aci ah na dou thei ci.

SAM 34:20

Bawipa naw akbe ah am htei ah kya ne, a guh tumat phi kä hnget ci.

SAM 59:13

Na m’lung she nak awn m’di gui ä, ami van m’di gui ä. Cun ung Khanpughi naw, Israel kho a uk la, khomdek khan van m’shawng ne a uk cu hmat khai gui nei.

NG'THU K'THUUK~ 10:8

Lunglang ci naw chang ah m’cäi dou ci. Ak u ang ah ng’thu cicu dishum ci.