NG'THU K'THUUK~ 12:12 - Cho Bible Common Language 2016

¹² Chang shekha avan naw ang yak hlü cu akshe shui ne bi vai ah kyak ci, Cun ung phi düng ciah chang cu khäng sei ng’düi ci.

NG'THU K'THUUK~ 12:12 Referans Kwoze

JOHAN 15:5

Kei cu sapyit phung ah ka kyak ci, nangmi cu ang ban ah nami kyak ci. Nangmi cu kei ung kä nami ng’yung ung a i kä nami m’khüt khai. Chang tumat cu kei ung om sei, kei phi ani ung ka om ah a kiak ung ani cu akda ah m’theih tak khai.

ISAIAH 37:31

Cun ung phi Judah ung k’pawih ci gui läi cu m’dek ung thauk sei ng’yung pya ne, m’theih pai ciah mäih ah kyak khai gui nei.

ISAIAH 27:6

Lawk ciah hnüüp gui ung, Jakob ah hta ng’shon, Israel chang gui cu sing ah mäih ah ng’yung pya u ne, khomdek cu küm khai nei.

SAM 10:9

ani cu phongkawng ah mäih ah ang’thup nak ung om ne ng’däät ci. Ani naw dukhaih cicu ngäng ne m’hleei ci. Dukhaih cicu ani naw, a cun ung pha ne hteh püi ci.

SAM 1:3

Cun ah chang cu tui kem ah ghing ciah sing ah mäih ah, a m’theih khin ung m’theih ne, a hnah kä ng’yai phung ciah sing ghing ah mäih ah kyak ci. A bi nak phung ung m’khüt näng nak om ci.

ROMAN 6:22

Cun ung phi nang mi cu tuk bäi katnak ungka phyawng ne, Khanpughi ah khlei-htein ah nami kya pyi ci. Nang mi ah gah ah bämang nak cu, Bawipa am nami ghin nak ak be ah ap ne, ak hnu ah ang täi ghin nak nami gah ah kyak ci.

JOHAN 15:16

Nangmi naw kei kä nami na ghü ci, nangmi hteit ne akda ah m’theih ne ang tak ah nami vui vai ah kei naw ghü ne ka ning m’düih gui ci. Cun ah kyasei kei ah ming awn nami ng’yoih phung cu Kapa naw ning pe gui khai.

NG'THU K'THUUK~ 10:15

Khawhcham naw bühmang cicu shungvong ci, ghawipyam nak naw dukhaih cicu m’di ci.

SAM 9:15

Chang khuihei gui cu thai co u ne, a cun ung ng’kyak ci gui nei, Ami mät ah cun ung ami mät awk ci gui nei.

MIKHAH 7:2

Khaw ung changnigui maih yawp ci gui, Khanpughi ung ng’düng ci a u kä om ci. Khaw päng ung chang ngawn vai däät ci gui, chang päng naw ami chang paw ga nak ci gui.

NG'THU K'THUUK~ 11:30

Düng nak naw ghin nak pek ci, cun ung phi ng’tukvok nak naw nawt pet yawp ci.

NG'THU K'THUUK~ 21:10

Chang shekha gui cu angtäi sei akshe bi vai ah cawi gha ci gui. Ngami naw au phi kä m’gein ci gui.