NG'THU K'THUUK~ 12:11 - Cho Bible Common Language 2016

¹¹ Khüighat ne lo bik cicu a ei vai da ci. Cun ung phi kholä ciah bi ung akhin ng’pyi sak cicu ak gu-ang ah kyak ci.

NG'THU K'THUUK~ 12:11 Referans Kwoze

NG'THU K'THUUK~ 28:19

Ng’khui ne ng’bik ciah chang cu a ei vai da ci, akhin maih sak düt cicu ang tai sei dukhaih ci.

NG'THU K'THUUK~ 14:23

Bii bi na na hnun na m’ghin vai, ngo ne ng’htau ne na om dut ung na pyam khai.

SAM 128:2

Na mät ah bilawh awn na ng’yak hlü küm be khai, yeikyai ne na bämang khai.

EPHESIAN 4:28

M’gu man ciah chang phi käm gu-en ba ne, khüighaat ne hnüntho ne, amät ah hnun m’ghin ne, pyamtham ci phi am hteihtang tu hning vai ah tha na sä.

2 THESSALONIAN 3:8

Kami sui-ei vai, kä kleih ne chang ah kaa kami ng’yoihthäh nak a i kä om ci. Nangmi tumat naw phi keimi ah hmawk ah kungkap nak kä a om vai ah, keimi cu amü ak hnüüp cümbawng ne bi kami bik ci nei.

NG'THU K'THUUK~ 9:6

A i kä hmuhmat ciah chang gui cu nawng gui ne ghing ä. Hmuhmat nak cu läk ä.”

NG'THU K'THUUK~ 14:4

Lai thawn nak vai seipat kä a om ung na khei ghawng khai. Cun ung phi seipat a om ung khei ung htang be khai.

NG'THU K'THUUK~ 7:7

a i kä bui awt man ciah chang nong akda ka hmuk ci. Cun ung changshe kha tumat om tuk ci.

NG'THU K'THUUK~ 13:20

Cüivai ci awn ng’khawtsheng cicu cüivai lawk ci, Chang kaa awn ng’khawtsheng cicu dishum thei ci.

ATÜNNAK 3:19

Nang cu na ng’tüi law nak ah khomdek ung kä na hteh ba pha ah chuih na m’hutui long sei bii bi ne na ei khai. Nang cu m’dek khui ungka na ng’tüi lawk ci kyasei, m’dek khui ung na hteit ba khai” cine pyen nak ci.

NG'THU K'THUUK~ 6:32

Chang ah chu kat püi cicu a i kä hmat ciah kyak ci. Amät naw amät m’di ciah kyak ci.

NG'THU K'THUUK~ 9:16

“Lut law vä! A i kä hmat ciah chang gui!” Ani naw chang gu-ang am,

NG'THU K'THUUK~ 9:13

Ang-lam cicu ng’hawh ne, a u a i ah kä hmu tu ne, kä thui ng’aa ciah hnumi awn täng ci.

SAM 26:4

Chang thüi gui awn atäng ah kä kami om ci, Thuvi chang gui awn kä kami bi ghawm ci.

SUKI GUI 9:4

Ngami naw Baala-ah-thukhäm pum im ung ka ngui chih-kip la u neta ani am pek ci gui, acun ah ngui awn ani naw chang pyai gui ng’vat gui ci.

JONAH 2:8

Agup akholä khawihnah ci gui naw, ami ning chang m’sui nak cu nawng ci gui nei.

NG'THU K'THUUK~ 27:27

Pawih ba ciah me gui ungka me suuk cu nang la na kyong ungka ah phäh ah kyak khai, na changshäm hnumi hta gui ah phäh ah phi kyak khai.

NG'THU K'THUUK~ 13:23

Kä bi man ah lo cu dukhaih ciah hmawk ah akda ah vuipai khai. Cun ung phi kä taga ciah chang ah hmak ah lo cu shum ne kä bi vai ah kyak khai.

NG'THU K'THUUK~ 20:13

Ip dut ne na khin na ng’pyi sak ung, nang cu na du khaih khai. Na bi vai ada ung na ei vai da khai.