NG'THU K'THUUK~ 11:7 - Cho Bible Common Language 2016

⁷ Chang shekha a sih ung am lung ngaih cu sih püi ci, Akbä pi ah ang ngaih-tüh phi a kholä ah kyak ci.

NG'THU K'THUUK~ 11:7 Referans Kwoze

NG'THU K'THUUK~ 10:28

Changnigui ah ngaih u nak naw yeikyai nak ah lam shüm ci, changshe gui cu a kholä ma na ne mang ci gui.

JOB 11:20

Cun ung phi chang omk’she gui naw kä yei ne ning teng khai gui, phyawn nak vai ah lam kä om ciah hmuk khai gui. Ngami ah ngaih u nak tumat ah kyak ciah sih nak cu gawk lawk khai.

NG'THU K'THUUK~ 14:32

Chang shekha gui naw akshe ami bi nak awn ami mät ah kyuk taat nak vai cu law pui ci gui. Cung ung phi changni gui cu ami niba nak naw shungvong gui ci.

SAM 146:4

Ngami ami sih ung khomdek ung hteit ba ci gui Cun ah hnüp ung ami pawng püi avan cu düt ci.

EZEKIEL 28:9

Ngami naw nang ning ngawn khai gui ah ami law ung Khanpughi ah na kyak ciah na pyen ba khai ang? Nang cu ning ngawn ciah chang gui awn ami ng’awt law ung, nang cu hnicim ah na kyak khai, khanchang ah kä na kyak khai.

SAM 112:10

Changshe gui naw cun cu hmu neta, m’lungshe ci gui; Ngami cu thüi ne m’thüi u ne maih khai gui; ami ngaih u nak phi ng’kawn yawp ci.

NG'THU K'THUUK~ 11:8

Düng ciah chang gui cu khüikha nak ung shungvong gui ci. Ani ah hnün ung changshe gui hteit ci gui.

NG'THU K'THUUK~ 10:29

Bawipa naw düng ciah chang cu shungvong ci, cheishoh cicu m’dishum ci.