NG'THU K'THUUK~ 11:5 - Cho Bible Common Language 2016

⁵ Düng nak naw changniah ghin nak cu bä sak pi ci. Cun ung phi chang shekha naw amät ah kiuk ng’tän nak vai bik ci.

NG'THU K'THUUK~ 11:5 Referans Kwoze

NG'THU K'THUUK~ 5:22

Changshe ah katnak cu m’hling bang ah kyak ci. Ani cu a mät ah katnak ah ng’vaai ung amät awk ba ci,

NG'THU K'THUUK~ 11:3

Nang cu na ni ung düng nak naw lam ning m’shüm khai. Kä ng’ap hning ciah chang gui cu ami mät ah kä ng’düng nak naw m’di gui khai.

NG'THU K'THUUK~ 3:6

Na bi nak päng ung Bawipa om ciah na shüm vai. Ani naw düng ciah lam ning m’shüm khai.

2 SAMUEL 17:23

Ahithophela naw ani ah m’shüm thein gui kä ami läk cu hmu neta, ang sela ung ng’cum ne, amät ah mang gaw ah hteit ba ci. Amät ah bi vai gui cu bi neta, amät ng’awk ne sik ci. Ani cu ami kyong ah phuh hmun ung m’cim ci gui.

SUKI GUI 20:41

Israel gui cu ng’hlat law ba ci gui, cun ung Benjamin gui cu, ngami m’di law gui khai gui ah hmat u neta cäicat ci gui.

NG'THU K'THUUK~ 12:3

Shetkat nak naw ngaih gep nak kä be sak hlawt ci, cun ung phi düng ciah chang cu khäng sei ng’düi ci.

NG'THU K'THUUK~ 21:29

Düng cisah chang gui naw ami mät naw ami mät ngaih gep ci gui.

JOB 18:7

Ani ah kho m’khan gui cu yanä akhän man te ung phi; tuhbäi kyu ng’täng shüi shü ci nei. Ani cu amät ah hmuhmat nak awn amät kyu ng’täng ci nei.

NG'THU K'THUUK~ 1:18

Cun ung phi cun ah mäih chang gui cu ami mät ah phäh ah m’hling baang ciah kyak ci gui. Ami sih nak vai cuun cuung ci gui.

NG'THU K'THUUK~ 13:6

Düng nak naw ni nak cu shungvong ci. Shetkat nak cu shekak ci gui ah yung kyak nak ah kyak ci.

NG'THU K'THUUK~ 14:32

Chang shekha gui naw akshe ami bi nak awn ami mät ah kyuk taat nak vai cu law pui ci gui. Cung ung phi changni gui cu ami niba nak naw shungvong gui ci.

NG'THU K'THUUK~ 15:19

Dam ciah chang gu a gawk nak phung ah khüikha ci, düng ciah chang cu geinvai nak kä om ci.

NG'THU K'THUUK~ 28:18

Düng ne na om vai, cun ung na phyawng khai. Kana dung ung ang ghit ah nang kyak khai.

ISAIAH 26:7

Bawipa, nang naw changni gui ah lam cu na ng’müi sak ci; Ngami ah lula nak ah lam cu na nep sak ci nei.

HOSEA 5:5

Israel chang gui ah ami m’ghämce nak naw kyap ne ami mät hnungtuk püi gui ci. Ami katnak naw ng’vawn sak gui ne ng’kiak sak gui ci. Judah chang gui cu ngami awsn atäng ah ng’täng ci gui.