NG'THU K'THUUK~ 11:4 - Cho Bible Common Language 2016

⁴ Bühmang nak naw sih nak na bui hnüüp ung kä akni ah ning kyak sak khai. Cun ung phi düng nak naw a hnun ning hun khai.

NG'THU K'THUUK~ 11:4 Referans Kwoze

NG'THU K'THUUK~ 10:2

Kä düng ci bi na gah ah khawh naw kä akni ah ning kyak sak khai. Cun ung phi düng ci naw hnun gui hun ci.

ZEPHANIAH 1:18

Cun ah Bawipa ah m’lungshe nak hnüüp ung chang gui ah ghui ngui gui phi kä phyawng khai, khomdek avan cu Bawipa ah m’lungshe nak ah mei naw ui yawp khai. Ani naw khaw khüt sak khai — ang ghit ah khüt sak khai, khomdek khan ah om ciah chang nü ah khaw cu khüt sak khai.

ATÜNNAK 7:1

Bawipa naw Noah am, “Na Chu, na hta avan luh püi ne htinpaw im kyong ah na luh vai nei, khomdek khan ung düng ciah chang nang bäng ka hmuk ci nei.

EZEKIEL 7:19

Ngami naw ami ghui la ngui gui cu ng’awt ah mäih ah lam gui ung ghawt khai gui, a i ah kyasei ci ung Bawipa naw am’lung ah 30 nak a lawn law hnüüp ung ngui la ghui naw kä hun gui hning khai. Ngami naw cun cu ami ng’yak hlü abä nak vai ah kä mang hlawt khai gui, ami puk chi phi kä k’be na hlawt khai gui. Ghui la ngui naw katnak ung hteh püi gui ci.

1 TIMOTHI 4:8

Pumsa lam ung thei nak cu bä kung ci, cun ung phi mümcha lam ung thei nak cu, a mawng avan ung, tuhbäi la ngawi yä ghin nak vai ah bä pi bäih ci.

LUKA 12:20

Cun ung phi Khanpughi naw, “Chang shekha aw, atuhmü si ne shing gui na nawng shüt khai nei, cun ung nang ah m’küm ah khawh chaam gui a u naw khäm khai ang?” cine pyen nak ci.

MATTHE 16:26

Chang cu khomdek khan avan a uk ung phi amät ah ghin nak a maih ung a i ah mawng mei ba khai ang? amät ah hnun ghin nak cu a i awn thong ne gah khai ang?

ROMAN 5:17

Chang tumat ah katnak naw sih nak awn uk ne a khüm ah a kyak ung, A hei chang tumat ah kyak ciah Jesuh Khrit ah bilawh ah mawng cu a i hlawk ah hlüngtai khai ang! Khanpughi ah bäkhäk ciah am gein nak la, Khanpughi ah ma ah düng nak ah am gein nak, gah ciah chang gui cu, Jesuh Khrit ung ghing ne, näng ne om khai gui nei.

NG'THU K'THUUK~ 12:28

Düng nak cu ghin nak ah lam ah kyak ci. Shetkat nak cu sih nak ah lam ah kyak ci.

NG'THU K'THUUK~ 6:34

Acei cu am thüikhang ah ta däm pi sei m’lungshe ci. Ani ah chu m’sou nak cu kä ng’pyi hlawt ci.

JOB 20:28

Ani ah khawhcham avan cu Khanpughi ah m’lungshe nak ah tui naw m’di khai nei.

ISAIAH 10:3

Khanpughi naw aning m’kyuk law gui ung a i ah nami kyak khai ang? Ani naw a khawshou ah ka leigai gui nami khan ah a law püi ung a i ah nami kyak khai ang? M’hteihtang nak hmuh vai ah a hawi nami dawng khai ang? Nami khawh cham gui a hawi nami thup khai ang?

EZEKIEL 14:14

Shin ah Chang thum, Noah, Damela, la Joba cu a cu ah ami om ah a kyak ung mäta, ami ni nak naw ami mät ah ghin nak bäng va hun hning khai.” Uktu Bawipa naw a pyen nei.