NG'THU K'THUUK~ 11:29 - Cho Bible Common Language 2016

²⁹ A kyong khui ung khüikha nak gawk law sak ciah chang cu, ak hnu ah akholä ma nak khai. Ang lam ciah chang cu angtäi sei cüivai ciah chang ah changshäm ah kyak khai.

NG'THU K'THUUK~ 11:29 Referans Kwoze

THUSHÄUTU 5:16

Cun cu kä hman ci nei! Mikmi cu mi law ah mäih ah mi hteit ba ci. Mikmi naw k’tha na ne, khokhi cu mi phak ci, cung phi a i ang mikmi naw mi gah?

HOSEA 8:7

Ngami cu khokhi phu u ne kuiphak khäm ba khai gui nei. Lai ung htang kä a hmin ung ai m’htut phi kä pyan hlawt vai. Cun ung a hmin ung phi akhohei chang gui naw ei yawp khai gui.

NG'THU K'THUUK~ 15:27

Ka dung nak awn khawh gah vai ah bik ci naw a kyong khui geinvai sak ci, ng’mu khawh ka dou cicu a ghin nak shou ci.

NG'THU K'THUUK~ 14:19

Changshe gui cu changnigui ah ma ah kaup khai gui, ami hmai a kyang nak vai ah ng’coipa khai gui.

1 SAMUEL 25:38

Hnüüp gha hlawk lüng khäta Bawipa naw Nabala cu hnim sei sik ci.

1 SAMUEL 25:17

Shin ah mawng, na bä ni, ngaih-tüh neta, a i bi vai k’bäi ä. Shin naw mi bawi la akyong chang gui cu khüikha sak hning ci nei. Ani cu ling aih ci kya ne a u phi kä ngai ci!”

ATÜNNAK 34:30

Jakob naw Simeon la Levi am, “Kei cu nami na yaica sak ci nei. Kanaanit chang gui la Perizzit chang gui ni, shin ah khaw ung chang avan naw na gen lawk khai gui nei. Mikmi cu mi ken ci, ngami chang akda naw ng’lung na ne ami na tuk gui ah a kyak ung, mi im bung ah mi di khai nei” cik ci.