NG'THU K'THUUK~ 11:28 - Cho Bible Common Language 2016

²⁸ Amät ah khawh ngaih u ciah chang cu, sing hnah chawng ah mäih ah kyak khai. Cun ung phi düng ciah chang cu khoicha khaw ah sing lim ah mäih ah bühmang khai.

NG'THU K'THUUK~ 11:28 Referans Kwoze

1 TIMOTHI 6:17

Khomdek khan ah bühmang ci gui cu kä ami khähghah längtang aih vai ah nam cäi gui vai nei. Ngami cu kä khäng lä khai ah khawhcham kä ngaih u ne, mi gah taang vai ah, ang nüng nüng cu, ang khaai nak awn nam shumphyuk gui ciah Khanpughi cu ami ngaih u vai nei.

JEREMIAH 17:8

Ngami cu tui lawng pei ah ghing ciah sing ghing ah mäih ah kya u ne, tui ah gawk ne ami pya hteit ci. Khong ling kho a gawk law ung phi ngami cu kä kyik ci gui, a i ah kyasei ci ung ani ah hnah gui cu akphlüt ah ching ci: Kho kä a aa ung phi ngami cu kä ng’ä ci gui; angtäi sei theih lä ci gui.

SAM 1:3

Cun ah chang cu tui kem ah ghing ciah sing ah mäih ah, a m’theih khin ung m’theih ne, a hnah kä ng’yai phung ciah sing ghing ah mäih ah kyak ci. A bi nak phung ung m’khüt näng nak om ci.

SAM 62:10

Chang ngawn pha vai kä na k’tha nak vai; Ng’gut tep ne näng vai kä na ngaih-tüh vai; Na ng’bühmang law pi ung phi acun ah khan ah kä na ng’düih vai.

ISAIAH 60:21

Na chang gui ami van naw hman cicu bik khai gui, ngami naw kho cu angtäi sei khäm khai gui. Ka dämduh nak ng’thu m’than nak ah geit kaw gui ne ka piamtham gui ci nei.

NG'THU K'THUUK~ 10:15

Khawhcham naw bühmang cicu shungvong ci, ghawipyam nak naw dukhaih cicu m’di ci.

SAM 49:6

Cun gui cu a büh-mang nak ngaih u ciah changshe gui la, khawh mah ne längtang ci kyak ci.

LUKA 12:20

Cun ung phi Khanpughi naw, “Chang shekha aw, atuhmü si ne shing gui na nawng shüt khai nei, cun ung nang ah m’küm ah khawh chaam gui a u naw khäm khai ang?” cine pyen nak ci.