NG'THU K'THUUK~ 11:23 - Cho Bible Common Language 2016

²³ Changnigui ah ng’yak hlü cu angtäi sei akni ah kyak ci, Changshe gui naw ami ng’yak hlü ami gah ung chang päng cu m’lungshe ci.

Gade chapit la Kopi

« Previous

tounen moute ⬆

MATTHE 5:6

“Khanpughi ah ng’yak hlü ah bilo hlük ciah chang gui yeikyai vä; Nangmi cu Khanpughi naw nami ng’yak hlü ning k’be sak gui khai!

Gade chapit la

SAM 37:4

Yeikyai nak cu Bawipa ung shui vä, Ani naw nami m’lung ah ng’yak hlü cu ning pe gui khai.

Gade chapit la

Cun ung phi, Bawipa, nang naw ngami ah khan ah leigai na law püi vai ah kei naw kä ka ning bi sak phung ci nei; ngami ah khan ah khüikha nak agawk vai ah kei naw kä ka ng’ya hlük ci nei. Bawipa, nang naw shin cu na hmat ci.

Gade chapit la

ISAIAH 26:9

Khomü ah ka m’lungkyong avan awn ka ning ngaih-tüh ci nei; Nang naw khomdek la a chang gui na ng’thumcha law ung, ngami ami van naw, taga nak ah mawng cu ng’thei khai gui nei.

Gade chapit la

NG'THU K'THUUK~ 10:28

Changnigui ah ngaih u nak naw yeikyai nak ah lam shüm ci, changshe gui cu a kholä ma na ne mang ci gui.

Gade chapit la

SAM 10:17

O Bawipa, ng’neim ci gui ah taigü cu na ngai khai nei; Nang naw thamah nak na pe gui khai.

Gade chapit la

HEBRU 10:27

Mikmi naw m’khoichaa nak la Khanpughi hnungtuk püi ciah chang gui m’khih gui khai ah meiksam cu kyih en vüih vüih ne mi ngäng khai ah kyak ci nei.

Gade chapit la

NG'THU K'THUUK~ 11:7

Chang shekha a sih ung am lung ngaih cu sih püi ci, Akbä pi ah ang ngaih-tüh phi a kholä ah kyak ci.

Gade chapit la

SAM 119:10

Ka m’lung kyong van awn na khut bi vai ah ka tha nak ci nei; Na thumkhän ka läk nak hning vai ah na kutshum ä.

Gade chapit la

SAM 119:5

Kei cu bekhüt ne nam cäi m’ä nak ka kutshum thei vai ah ka ngaih u aih ci nei!

Gade chapit la

SAM 27:4

Kei naw a mawng tumat Bawipa ah ka ng’zoi ci, Tumat bäng ka ng’yak hlü ah kyak ci: Cun cu Bawipa ah im ung ghin ah chuih ka om vai la ani nak ung cäicat ne, alam shüm nak ka hmuh vai ah kyak ci.

Gade chapit la