NG'THU K'THUUK~ 11:20 - Cho Bible Common Language 2016

²⁰ Akshe ah m’lung ngai ciah chang cu Bawipa naw thüi nak ci, Cun ung phi a hman bik cicu m’hni ci.

NG'THU K'THUUK~ 11:20 Referans Kwoze

SAM 119:1

Yeikyai nak om ci gui cu a ghing nak ung cheishoh nak kä om sei, Bawipa ah thukhän ung ghing ci gui ah kyak ci.

1 SHONTÄP NAK 29:17

Nang naw chang ah m’lung päng m’nüm ne, ni nak om ciah chang cu na yeikyai nak ci. Kei naw ng’düng nak la ni nak awn shin gui avan yum nak awn ka ning pek ci, na chang gui shin ung ng’bum lawk ci gui naw, khawihnah nak, nang ah ami law püi ah phäh ah a i hlawk ah ami yei cu kei naw ka hmuk ci nei.

NG'THU K'THUUK~ 21:29

Düng cisah chang gui naw ami mät naw ami mät ngaih gep ci gui.

NG'THU K'THUUK~ 6:14

Kä ng’düng ciah m’lung awn akshe avan pawng püi ci gui. Khaw hmun päng ung ng’tuk nak thawh let sak ci gui.

NG'THU K'THUUK~ 16:17

Lam akni ung htie ciah chang naw akshe cu hlawi hlek ci, na hteh nak ah lam cu na m’htei vai.

NG'THU K'THUUK~ 15:8

Bawipa naw changniah taigu cu ngai ci, cun ung phi chang shekha ah law pui ah khawihnah nak cu thui nak ci.

NG'THU K'THUUK~ 13:6

Düng nak naw ni nak cu shungvong ci. Shetkat nak cu shekak ci gui ah yung kyak nak ah kyak ci.

NG'THU K'THUUK~ 12:22

Bawipa naw hleei cicu thüi nak ci, cun ung phi ang thu khäm cicu yei nak ci.

NG'THU K'THUUK~ 9:7

A u a i ah ka hmu tuk ciah chang m’cäi m’ä tuk cicu thui ng’a nak gah ci. Chang shekha m’cäi m’ä tui ciah chang cu shedam nak gah ci.

NG'THU K'THUUK~ 8:13

Bawipa m’taam nak cu akshe thüi nak ah kyak ci. Kei naw chang ah ng’shei nak, m’gämce nak, akshe ah om nak la ak she ah ng’thu cu ka thüi nak ci.

SAM 140:13

Düng ciah chang gui naw akcang ah ning m’tam khai gui nei; Nang ah ma ung ngami cu ghing om khai gui nei.

SAM 51:6

Bä nak la ng’düng nak cu na m’hni ci kya ne, Na cüivai nak awn ka m’lung na k’be ä.

SAM 11:7

Bawipa cu düng ne düng ne bi nak cu m’hni ci; Düng ciah chang gui naw ani ah hmai cu hmuk khai gui.

SAM 101:4

Kei cu kä düng ah kä ka om khai, akshe gui awn kä ka ng’khap phung khai.

NG'THU K'THUUK~ 3:32

A i ah kyasei ci ung Bawipa naw akshe bik ci gui cu thüi nak ci. Cun ung phi ani naw düng ciah chang gui cu akcang ah yum ciah la gui ci.

NG'THU K'THUUK~ 11:21

Ng’htei sei nami hmat vai cu, changshe gui cu m’kyuk nak om khai, düng ciah chang gui cu phyawng khai gui.

NG'THU K'THUUK~ 14:9

Chang gu ang naw ani ah ma kat a i ah ka ngai ci. Cun ung phi chang gui naw m’geinsei vai ng’ya hlauk ci gui.

NG'THU K'THUUK~ 15:26

Bawipa naw m’lung ngaih akshe cu thui nak ci, cun ung phi teihpüii ng’thu cu yei nak ci.