NG'THU K'THUUK~ 11:18 - Cho Bible Common Language 2016

¹⁸ Chang shekha naw akcang ah a i kä gah ci, Cun ung phi düng ciah bi na bi ah a kyak ung, nang cu m’cümhnah nak na gah khai.

NG'THU K'THUUK~ 11:18 Referans Kwoze

THUSHÄUTU 10:8

Khui shawk cicu khui ung ng’kyak ci, k’pang phyet cicu k’phyu naw m’cuuk ci.

JAMES 3:18

Dimdeeih nak bik ci gui naw dimdeeih nak ung ami geit ah, geit m’shi ah am theihpai cu nikiom nak ah kyak ci.

NG'THU K'THUUK~ 22:8

Kä taga ciah geit m’shi na phu ah a kyak ung leigai ah tho lawk khai, chang na shedam nak phi ng’pyi khai.

NG'THU K'THUUK~ 1:18

Cun ung phi cun ah mäih chang gui cu ami mät ah phäh ah m’hling baang ciah kyak ci gui. Ami sih nak vai cuun cuung ci gui.

NG'THU K'THUUK~ 5:22

Changshe ah katnak cu m’hling bang ah kyak ci. Ani cu a mät ah katnak ah ng’vaai ung amät awk ba ci,

EPHESIAN 4:22

Cun ah kyasei ghin cu om düt ah ghin nak man, ak phyim cu lim ne nawng shüt vä. Mät ah ng’yak hlü hlimtui nak awn didap thei ciah, ghin nak phyim cu hnu nah vä.

JOHAN 4:36

geit khäm ci cu, ng’cheng gah ne, angtäi ghin nak ah geit cu khäm ba ci, cun ah kyasei, geit ci la khäm ci cu angtäi ah yei kiai khai goi nei.”

PHYAWN NAK 1:20

A i ah kyasei ci ung, sayama gui cu Khanpughi kyih ci gui, Khanpughi cu ngami ah phäh ah nik ci, ami mät ah kyongkhui vai pe gui ci. Israel gui cu da law pi u ne khüighat law pi ci gui.

NG'THU K'THUUK~ 10:16

Akni bi sah a phu cu ghin nak ah kyak ci, katnak naw katnak pi ah lam shüm ci.

HOSEA 10:2

Amlung kyong kä düng cisah chang gui cu, atuhbäi ami kat nak ah phäh ah yaica ci gui. Khanpughi naw ami sonkyang gui m’shet pe gui ne, theingcim ciah ami lungtung gui m’di pe gui khai.