NG'THU K'THUUK~ 11:10 - Cho Bible Common Language 2016

¹⁰ Düng ciah chang gui ah bä nak ni nak ung mang gaw cu yei ci, Changshe a sih ung yei ne m’lau nak om ci.

NG'THU K'THUUK~ 11:10 Referans Kwoze

NG'THU K'THUUK~ 28:12

Changninaw huhmam agah law ung chang päng naw mtaam ngak ci, Cun ung phi changshe naw a uk law ah a kyak ung chang gui thup ne om püi gui ci.

SUKI GUI 5:31

O Bawipa, na ga gui ami van cu a shin ah mäih ah si u sä, cun ung phi na teihpüi gui cu hni pyii ah mäih ah ng’shü u sä! Cun ah kyasei cun ah khaw ung khawkum phli kip ung dim deih ci.

NG'THU K'THUUK~ 28:28

Chang omshe a huham mah law ung chang gui ng’thup ci gui. Cun ung phi ngami ah huham ang kyak ba ung chang dung gui naw uk ba khai gui.

JOB 27:23

Ngami ami dawng nak ah phi acun ah kho naw khi gui khai, m’di nak ah huham awn kyih sak hui khai.

PHYAWN NAK 15:21

Ngami ah hmawk ah Miriam ah ng’äi cu; Bawipa ah ng’äi m’cu vä, ani naw bä ciah näng nak gah pyi ci nei; Ani naw ng’se gui la ng’cum ci gui cu tuinu ung shum gui ci nei” cik ci.

2 GHANGPUGHANG GUI 11:20

Chang gui ami van cu yeikyai ci gui, mang gaw cu dip ci, tuhbäi Ahtaliah cu mang im ung ngawn pyi ci gui.

NG'THU K'THUUK~ 11:11

Düng ciah chang gui ah phyuh theh nak awn mang gaw cu dämduh ci, Cun ung phi changshe gui ah ng’thu awn mang gaw cu dishum ci.

NG'THU K'THUUK~ 29:2

Düng ciah uktu cu na m’hnuh vä, kei naw yeikyai ciah chang ka ning m’hnuh gui khai, akshe ah uktu cu na m’hnuh vä, kei naw kä yeikyai ciah chang gui ka ning m’hnuh gui khai.

2 SHONTÄP NAK 23:13

Phyung heng tum ci gui la gabawi gui naw koi u sei, Taigüim valuh nak k’tungnu pei ah ghangpughang ah ng’düih nak vai ami pyan nak ung ng’düi ciah ghangpughang ak thai cu hmuk ci. Chang gui ami van yei ne m’lau ci gui, phyungheng tum ci gui, Taigüim ung tumkhawng ci gui naw phi tumkhawng u sei pawi cu bik ci gui. Ani naw a sui k’teek ne, “Küknet nak nei! Küknet nak nei!” cine m’lau ci.

2 SHONTÄP NAK 23:21

Tuhbäi Ahtaliah cu ami ngawn pyi ah kyak ci. Chang gui ami van cu yeikyai ci gui, mang gaw cu dinggei ci.

JEREMIAH 51:48

Asiip täng ah ka ani m’di khai ah lawk ciah chang gui ah kut ung Babilonia ang kyak awn ah khomdek khan la khan khomik ah om ci nü cu yeikyai ne m’lau khai gui nei.