NG'THU K'THUUK~ 10:9 - Cho Bible Common Language 2016

⁹ Düng ciah chang cu phyawng ci, ngaih gep ci, cun ung phi kä düng cicu phak khai gui.

NG'THU K'THUUK~ 10:9 Referans Kwoze

NG'THU K'THUUK~ 28:18

Düng ne na om vai, cun ung na phyawng khai. Kana dung ung ang ghit ah nang kyak khai.

MATTHE 10:26

‘Cun ah kyasei chang kä nami kyih vai, küp gui phung avan ng’hmawng yawp khai, m’yih gui phung avan ng’hmat yawp khai.

1 TIMOTHI 5:25

Acun ah mäih ah amshah ah nikiom nak gui cu dang ge ci, kä dang ge ciah nikiom nak gui cun phi a i naw kä shungshet hlawt ci.

1 KORIN 4:5

Bawipa ah akhin kä a gawk law pha ah chuih, nangmi naw a u phi kä nami m’khoichaa en ba vai. Bawipa a gawk law ung khüt sei ak hnubäih ah m’khoichaa nak cu nami gin vai. Bawipa naw akdei law püi ne, hmüp khui ung ng’yihkuh ci gui la chang gui ah m’lung kyong ung thuhthaw gui avan cu dang sak yawp khai. Cun kawn ah chang nüng nüng naw amät awn khin ciah Khanpughi ah m’hlüngtai nak cu gah khai.

NG'THU K'THUUK~ 3:23

Nang cu phyawng ne na lam ung hteit ne, kä na m’thuih shawng phung khai.

SAM 84:11

Bawipa cu mi ng’yi nak la bämang ciah ghangpughang ah kyak ci, m’gein nak la chang’sui nak awn hriham na pe gui ci. Düng nak bik ciah chang gui ah hmawk ah ni nak cu kä maa na phung ci nei.

SAM 25:21

Kani nak la ka düng nak naw kei cu na ngäng sä, a i ah kyasei ci ung kei cu nang ung ka ng’ap ci nei.

NG'THU K'THUUK~ 17:20

Akshe bang ngaih tuh ne ak she ah ng’thu ciah chang naw akni ka hmuk khai — leigai vah hmuk khai.

SAM 23:4

Sih nak ah khomü ung ka gawk law ung phi, kä ka kyik khai nei, Nang, Bawipa naw na om püi ne, Nang shopawng la nak htei pawng awn na shungvong ci nei.

NG'THU K'THUUK~ 26:26

Ani naw a thüigen nak cu m’yih ci, Cun ung phi ani naw akshe a bi gui cu, päng naw hmuk ci.

ATÜNNAK 17:1

Abram a khawkum 99 a law sang ung Bawipa cu Abram ah ma ah dang law neta, “Kei cu Hlüngtai ciah Khanpughi ah ka kyak ci, ka ng’thu ngai ne angtäi sei düng cicu na bi vai.

JOB 8:20

Cun ung phi Khanpughi naw bekhüt ci gui cu a i yah ung phi kä nawng gui khai, chang shekha gui cu a i yah ung phi kä m’htei gui khai.

NG'THU K'THUUK~ 28:1

Chang shekha cu a u naw kä a gawt ung phi amät dawng ci, Cun ung phi düng ciah chang cu phongkawng ah mäih ah m’gäi ci.