NG'THU K'THUUK~ 10:32 - Cho Bible Common Language 2016

³² Düng ciah chang gui naw akni ah ami ng’thu vai hmat ci gui, Cun ung phi changshe gui cu angtäi sei akshekha ah ng’thu ci gui.

NG'THU K'THUUK~ 10:32 Referans Kwoze

NG'THU K'THUUK~ 15:28

Changninaw ng’thu ka am shan pha ung ngaih tuh cang ci, changshe naw ang ghit ah ng’thu m’shang ci. Cun naw khüikha nak ung gawk sak ci.

NG'THU K'THUUK~ 12:18

A i kä ngaih ah ng’thu düt naw khim awn tawk ah mäih ah nat sak ci. Cun ung phi cai ciah ng’thu naw gai nak pek ci.

NG'THU K'THUUK~ 12:6

Changshe gui ah ng’thu cu ngawn sih nak vai kyak ci, Cun ung phi düng ciah chang ah ng’thu naw kyikyawk ci gui gung gui ci.

NG'THU K'THUUK~ 11:11

Düng ciah chang gui ah phyuh theh nak awn mang gaw cu dämduh ci, Cun ung phi changshe gui ah ng’thu awn mang gaw cu dishum ci.

NG'THU K'THUUK~ 2:12

Akshe bi nak ung ning shungshet khai. Khüikha nak thawh let sak ne ng’thu ciah chang gui ah lam ungka ning k’pang khai.

THUSHÄUTU 12:10

Thushätu naw shungvong nak ah calung gui cu tha na ne shui ci, cun ung phi ani ah guk ah calung gui cu ni nak ah kyak ci.

NG'THU K'THUUK~ 15:2

Cuivai chang ah ng’thu naw hmuhmat nak dang sak ci, cun ung phi chang shekha ah ng’thu cu akholä ah kyak ci.

TITUS 2:8

A u naw kä a täitawk-en thei vai ah bä ciah thu lung gui na pyein vai nei, cun ung na ga gui naw mikmi ah khan ah a i ung phi katnak kä hmu u netah lü ng’aa khai gui nei.

DANIEL 4:27

Cun ah kyasei ghangpughang aw, kei ah m’cäicat nak cu läk ä. Hmakat nak cu nawng ne düng nak cu bi ä, dukhaih cicu chimgein ä. Cun kawn ung nang cu k’täi ne na bühmang khai nei.”

THUSHÄUTU 10:12

Cüivai ciah chang cu angthu naw ng’tamkhah sak ci, cun ung phi angtam ciah chang cu amät ah ang thu naw m’di ci.

NG'THU K'THUUK~ 4:24

Kä düng ciah ng’thu kä na pyen phung vai, hleeihlak la ng’thushe cu kä na pyen phung vai,

NG'THU K'THUUK~ 6:12

Akholä ah changshe kha gui cu ami hleei pyen ne ng’thu aih ci gui nei.