NG'THU K'THUUK~ 10:3 - Cho Bible Common Language 2016

³ Bawipa naw changnicu ei kä cawi sak ci. Cun ung phi changshe gui ah ng’yak hlü cu sheet sak ci.

NG'THU K'THUUK~ 10:3 Referans Kwoze

SAM 37:25

Kei cu ka ghi lawk ci, aksho ka ghing lawk ci, Changni Khanpughi naw nawng düt ci, ci la, ani ah hta nau ng’zoi ne ei ci, cicu kä ka hmu man ci.

SAM 37:3

Bawipa ung ng’ap ne, akni bi vä, ng’dü ung ng’len ne, puui ne om vä.

ZEPHANIAH 1:18

Cun ah Bawipa ah m’lungshe nak hnüüp ung chang gui ah ghui ngui gui phi kä phyawng khai, khomdek avan cu Bawipa ah m’lungshe nak ah mei naw ui yawp khai. Ani naw khaw khüt sak khai — ang ghit ah khüt sak khai, khomdek khan ah om ciah chang nü ah khaw cu khüt sak khai.

SAM 37:19

Ngami cu khaw a zaw ung phi kä khüikha khai gui, tui a shet ung phi kä ami ei vai da khai gui.

SAM 33:19

Ani naw sihnak ung ka hun gui ne, kho ah shet sang ung ghin nak pe gui ci.

JOB 5:20

Khaw a yaw ung ani naw ghin nak ning pek khai, ng’tuk nak a om ung sih nak ung ning shungvong khai.

LUKA 12:31

Cun ah kyasei, Khanpughi ah uknak kho cu akhtük bäih ah nami shui vai, cun ung shin gui cu ning pe gui khai.

ISAIAH 33:16

Cun ung nangmi nami phyawng khai, khäing htek ciah vongpang kyong ah om ah mäih ah nami ngaih gep khai. Nangmi ung nami ei vai buh am khai, nami awk vai tui om khai.

NG'THU K'THUUK~ 14:32

Chang shekha gui naw akshe ami bi nak awn ami mät ah kyuk taat nak vai cu law pui ci gui. Cung ung phi changni gui cu ami niba nak naw shungvong gui ci.

SAM 112:10

Changshe gui naw cun cu hmu neta, m’lungshe ci gui; Ngami cu thüi ne m’thüi u ne maih khai gui; ami ngaih u nak phi ng’kawn yawp ci.

JOB 20:28

Ani ah khawhcham avan cu Khanpughi ah m’lungshe nak ah tui naw m’di khai nei.

SAM 10:14

Cun ung phi nang naw na hmuk ci; Khüikha ci la gein vai cicu na hmat ci, na m’htei ge khai ah na om ci. A m’gein kaa cicu nang ung ng’ap ci gui, nang naw geinvai cicu angtäi sei na m’htei ci.

NG'THU K'THUUK~ 13:25

Düng ciah chang cu ang büh nak vai ei om ci. Cun ung phi chang shekha cu angtäi sei ei cawi ci.

NG'THU K'THUUK~ 28:9

Thukhän kä na läk ah a kyak ung nang ah taigü cu Khanpughi naw teng ne thüinak aih vai ah ng’yak ci.

NG'THU K'THUUK~ 28:25

Mäthnga kä ngaih nak naw yaica nak law pui ci. Nang cu Bawipa ngaih gep ne na om ung ba pi khai.

JOB 15:23

Langta gui naw ani ah sa ei khai gui ah ngäng ci gui, ani cu hmüp ung gawk ciah amät naw hmat ci.