NG'THU K'THUUK~ 10:28 - Cho Bible Common Language 2016

²⁸ Changnigui ah ngaih u nak naw yeikyai nak ah lam shüm ci, changshe gui cu a kholä ma na ne mang ci gui.

NG'THU K'THUUK~ 10:28 Referans Kwoze

ROMAN 15:13

Zum ne ngaih u nak ah ang yung ah kyak ciah Khanpughi naw, ani ung nami yum nak awn, yeikyai nak la dimdeeih nak cu ning k’be gui sä. Cun ah kya sei yum ne nami ngaih u nak cu, Mumcha Theing hlüngtai nak awn, phung ghing ne ng’ghotai khai nei.

JOB 8:13

Khanpughi kaa ah om ci gui cu cun ah phiphät ah mäih ah kyak ci gui; Khanpughi ami m’hnih vai am, ami ngaih u nak cu maih ci.

NG'THU K'THUUK~ 11:7

Chang shekha a sih ung am lung ngaih cu sih püi ci, Akbä pi ah ang ngaih-tüh phi a kholä ah kyak ci.

2 THESSALONIAN 2:16

Mi Bawipa Jesuh Khrit amät la nam hni gui ne am gein nak awn khüi ghaat nak la khäng ciah ngaih u nak na pe gui ciah mi Pa Khanpughi naw,

ROMAN 12:12

Nami ngaih u om ci kya sei nami yeikyai vai, yaica geinvai nak nami aut law ung hnimgein nak om sä, angtäi sei nami k’taigü vai nei.

ROMAN 5:2

Mikmi naw Jesuh Khrit cu mi yum ci kya sei, ani naw mikmi am, Khanpughi ah m’geinsei nak cu na hmat sak gui ci. Tuk bäi cun ah m’geinsei nak cu mi gah u ne, Khanpughi ah hlüngtai nak gah vai cun-phi ngaih gep nak om sei mi yeikyai ci.

NG'THU K'THUUK~ 14:32

Chang shekha gui naw akshe ami bi nak awn ami mät ah kyuk taat nak vai cu law pui ci gui. Cung ung phi changni gui cu ami niba nak naw shungvong gui ci.

SAM 112:10

Changshe gui naw cun cu hmu neta, m’lungshe ci gui; Ngami cu thüi ne m’thüi u ne maih khai gui; ami ngaih u nak phi ng’kawn yawp ci.

JOB 11:20

Cun ung phi chang omk’she gui naw kä yei ne ning teng khai gui, phyawn nak vai ah lam kä om ciah hmuk khai gui. Ngami ah ngaih u nak tumat ah kyak ciah sih nak cu gawk lawk khai.

SAM 16:9

Cun ah kyasei yeikyai ne, ka ngaih kei naw m’tam ne ngaih gep ci.

NG'THU K'THUUK~ 11:23

Changnigui ah ng’yak hlü cu angtäi sei akni ah kyak ci, Changshe gui naw ami ng’yak hlü ami gah ung chang päng cu m’lungshe ci.

SAM 68:4

Khanpughi am ng’äi m’cu vä, ng’äi ne aming m’taam vä; Ani ah hmawk ah lam pyang vä, ani cu ng’mei ung ng’cum ci nei. Aming cu Bawipa nei, ani ah ma ah yeikyai vä!

NG'THU K'THUUK~ 29:6

Düng ciah chang gui cu yeikyai ne ami ng’päiyee yah ung changshe gui cu ami mät ah katnak ung awk ci gui.