NG'THU K'THUUK~ 10:25 - Cho Bible Common Language 2016

²⁵ Pui kho akhi law ung changshe gui cu yon gui ci, Cun ung phi changnicvu angtäi sei phyawng ci.

NG'THU K'THUUK~ 10:25 Referans Kwoze

SAM 15:5

A api thum ah lak vai ah ngui kä ng’pu ci, changni gui ah mawng akshe ah ami pyen nak vai ah ngui kä lak ci, angtäi sei phyawng gai ci.

SAM 58:9

Kä ami hmat pha ung, ngami cu m’ghaw ah mäih ah k’pai gui u sä; kyih vai ah am lung she nak awn, Khanpughi naw ak ghing ah muut hlit gui sä.

NG'THU K'THUUK~ 12:3

Shetkat nak naw ngaih gep nak kä be sak hlawt ci, cun ung phi düng ciah chang cu khäng sei ng’düi ci.

2 TIMOTHI 2:19

Cun ung phi Khanpughi naw ak khäng ah ling ne ak süm cu kä thüng hlawt ci nei. Cun ah khan ah, “Khanpughi naw a mät ah chang gui cu hmat gui ci nei”, ci la “Bawipa ung khäng pyi ciah pyein ciah chang phung naw cheishoh nak cu a phiawn nak vai nei,” ciah ca cu guk ah kyak ci nei.

1 TIMOTHI 6:19

Cun ung vah ngami cu ngawi ah lawk ciah ghin nak vai ah hmawk ah ak küikyang ah m’kümtho ci gui ah kyak khai. Cun ah a kyak ung vah ngami cu ghin nak akcang dou hlawt khai gui.

EPHESIAN 2:20

Nangmi cun phi Angdüih püi gui la purofet gui naw ami k’süm ah lung ung ng’lin ah nami kya pyi ci. Cun ah lung k’tung cu Bawi Khrit Jesuh amät ah kyak ci.

MATTHE 16:18

Cun ah kyasei nang cu, “Kheng lung,” ah ming ciah “Peter” ah na kyak khai, acun ah kheng lung ah khan ah ka pum im ka k’süm khai, cun cu sihnak naw phi kä näng hlawt khai.

ISAIAH 40:24

Ngami cu geit thai, pya thai ciah geit awn täng ci gui. Bawipa naw kho akhi law sak ung ngami cu chawng u sei, kou ah mäih ah zon gui ci.

NG'THU K'THUUK~ 12:7

Changshe gui naw yungkiak nak bui ci gui, cun ung phi düng ciah kyong khui gui cu ghing ne ng’shon ci gui.

NG'THU K'THUUK~ 1:27

Akyihshe cu khinu ah mäih ah a law ung khüikha nak vai ah akhi law ung nangmi nami m’neh m’awh geinvai law ung, kei naw ka ning m’lep na gui khai.

JOB 21:18

Htang gong chawng ah mäih ah khokhi naw yon man ne ang? M’vut ah mäih ah puikho khi naw yon man ne ang?

NG'THU K'THUUK~ 10:30

Düng ciah chang gui cu angtäi sei m’lung üp khai gui, Cun ung phi changshe gui cu khaw ung kä k’pawih ba khai gui.

JOB 17:9

Ami mät naw ami mät chang nak ciah pyen ci gui naw k’cang ci gui ah pyen law pi k’täi ci gui nei.

JOB 20:8

Ani cu mü ah muimang ah mäih ah akholä ah kyak khai nei, a u naw ani kä hmu ba khai nei.

SAM 58:10

Cheishoh ci gui ami m’kyuk gui ami hmuh ung düng ciah chang gui cu yei khai gui nei; Ngami naw changshe gui ah si awn ng’si khai gui nei.

SAM 125:1

Bawipa ung zumhtek ciah chang gui cu kä thüng ne, kä ng’nawn ng’heng ciah Zion m’htüngtai ah mäih ah kyak ci gui.