NG'THU K'THUUK~ 10:21 - Cho Bible Common Language 2016

²¹ Changni ah ng’thu naw chang akda bä sak ci, cun ung phi gu-ang cicu amät ngawn ci.

NG'THU K'THUUK~ 10:21 Referans Kwoze

HOSEA 4:6

Kei ah ka chang gui cu ng’yiin ci gui. A i ah kyasei ci ung ngami naw kei cu a i ah kü na ngai ci gui. Nami taigü gui naw kei ami na shüm vai ah na ngai ci gui, kei ah m’theithang cu hnungtuk ci gui, acun ah kya sei, kei naw ning hnungtuk gui ne, nami hta gui cu ka taigü gui ah kä ka ngai gui khai.

NG'THU K'THUUK~ 17:16

Chang gu ang naw ca ng’thei nak vai ah phah ah ngui a mang cu ka nik ci, a i ah kyasei ci ung ani ung ng’yak hlü nak ka om ci.

MATTHE 13:19

Lam ung kya lawk ciah m’shi ci cu, Khankho uknak ah mawng ng’thu k’ni cu ng’yak tu lang ne phi, kä hmat ci awn täng ci. Ami m’lung kyong ung phu ah ng’thu m’shi cu, khoshe naw la ne hteh püi yawp ci.

NG'THU K'THUUK~ 1:29

Nangmi naw hmuhmat nak cu kä na mi mang man ci, Bawipa cu kä nami kyih aa phung ci.

NG'THU K'THUUK~ 15:4

Ng’awigi ciah ng’thu naw ghin nak law pui ci. M’gak ciah ng’thu naw mümcha m’di ci.

NG'THU K'THUUK~ 5:23

Ani cu amät naw amät kä pang hlawt ne sik ci. Kä a k’üüp hlawt ah a cheishoh nak naw ang ciim hmun ah hteh püi khai.

NG'THU K'THUUK~ 5:12

Cun ung nang naw “A i ah kyasei kei kä ka theithang ang? A i ah kyasei chang ah na m’düng nak kä ka dou ang?

NG'THU K'THUUK~ 1:31

Cun ah kyasei nami mät ah geit ah am theih cu nami ei ba khai. Nami mät ah bi naw ning gaw pyam sak gui khai.

JOB 23:12

Khanpughi naw ang thumkhän cu ang täi sei ka bik ci; ani ah ng’yak hlü cu ka läk ci, ka mät ah ng’yak hlü kä ka bik ci.

JEREMIAH 15:16

Nang naw na na ng’thu püi ci, na ng’thu päng cu kei naw ka ngai ci. Kei cu nang naw na na khäm ci, Bawipa, m’gäi ciah khanpughi, cun ah kyasei nang ah thu lung naw kei ah m’lung naw kei ah m’lung cu zeikia nak ah lünlowi nak awn be sak ci.

NG'THU K'THUUK~ 12:18

A i kä ngaih ah ng’thu düt naw khim awn tawk ah mäih ah nat sak ci. Cun ung phi cai ciah ng’thu naw gai nak pek ci.

1 PETER 5:2

Khanpughi naw a ning ap gui ah htomebum cu, htomeshäm ah kya ne nami ngäng vai nei. Bi vai kyasei bi ah kä kyak ciah, Khanpughi ah khuut ah kyasei ng’yak hlü nak awn nami bi vai nei. Nami bi cu ng’cheng gah hlü ah m’lung awn kä kyak ciah, bi nak hlü ah m’lung cang awn nami bi vai nei.

ROMAN 1:28

Cun ah chang gui cu Khanpughi kä shüm hmat u khätah, Khanpughi naw shekat nak ung nawng gui sei, kä a khin kä ak khaa ah kya lawk ci gui.

JEREMIAH 3:15

Kei naw, kei ah thu ngai ciah uktu ka ning pe gui khai, ngami naw cüivai nak la hmuhmat nak awn uk khai gui.

SAM 37:30

Changnicu ang thu cüi vai ci, angtäi sei taga ci gui.

MATTHE 12:35

Chang ni naw akni m’lung nane akni dang sak ci, changshe nak akshe m’lung nane akshe dang sak ci.

NG'THU K'THUUK~ 6:32

Chang ah chu kat püi cicu a i kä hmat ciah kyak ci. Amät naw amät m’di ciah kyak ci.

NG'THU K'THUUK~ 10:11

Changt ni ah ng’thu cu ghin nak ah tui khawng ah kyak ci, Cun ung phi changshe ah ng’thu ung shaishe ng’thup ci.

NG'THU K'THUUK~ 1:32

Kä hmu ng’ya thei ciah chang gui cu sik ci gui, a i ah kyasei ci ung ngakmi naw cüvai nak hnu nak ci gui. Changshe gui cu ami mät ah bi awn dishum ci gui.

NG'THU K'THUUK~ 5:2

Cun ung nang naw a i hawkcha kümbe vai cu na hmat khai. Na ng’thu gui naw nang ung hmu hmat nak om ciah dang sak khai.

NG'THU K'THUUK~ 15:7

Hmuhmat nak cu cuivai chang naw ng’shawng sak ci, chang gu ang naw ka ng’shawng sak hlawt ci.

THUSHÄUTU 12:11

Cüivai ciah chang ah ng’thu pyen gui cu htoshäm naw htome gui lam am shüm nak ah htung m’shum ah mäih ah kyak ci, a cääp ah ng’thu thuuk gui cu khäng sei khen ah m’si ah mäih ah kyak ci. Cun gui cu chang van ah htoshäm tumat ah kyak ciah Khanpughi naw a pek ah kyak ci.

ISAIAH 5:13

Cun ah kyasei nangmi cu thawng kyum ah ning hteh püi gui khai gui. Nami ng’vai gui cu cawi ne sik kaai gui, chang akda cu tui ah gha ne sik khai gui.