NG'THU K'THUUK~ 10:1 - Cho Bible Common Language 2016

¹ Shin gui cu Solomon ah thuthuuk gui ah kyak ci: Cüivai ciah hta nau naw apa yei sak ci. Gu-ang ciah hta nau naw anu thüi sak ci.

NG'THU K'THUUK~ 10:1 Referans Kwoze

NG'THU K'THUUK~ 1:1

Israel ghangpughang, David ah htapa, Solomon ah ng’thu k’thuuk gui ah kyak ci.

NG'THU K'THUUK~ 29:3

Nang naw cüivai nak nak tung nak ung, napa naw nang awn khähghah khai. Gu ang ciah chang naw chang hlawhhlang ung a ngui ng’pyi sak ci.

NG'THU K'THUUK~ 17:25

Gu ang ciah hta naw apa m’thui ne anu geinvai sak ci.

NG'THU K'THUUK~ 29:15

M’shümthein nak gui la m’hnütbäi nak gui cu ak hmaw gui ah phäh ah akni ah kyak ci. Ak hmaw cu amät ah ngaih ah a hteh ah akyak ung, ani naw anu cu ng’aa sak khai.

NG'THU K'THUUK~ 15:20

Cüivai ciah hta naw apa yeikyai sak ci, chang awng ang naw anu päipih ci.

NG'THU K'THUUK~ 17:21

Akshekha bik ciah a hta ah apa cu thüisei nak la ayä nak awn om khai.

NG'THU K'THUUK~ 19:13

Gu ang ciah hta naw apa cu di nak ung hteh pui ci. M’ghämce ciah chu cu a shüm shüm ah ng’soi ciah tui ah mäih ah kyak ci.

THUSHÄUTU 12:9

Cun ung phi Thushätu cu cüivai ci kya ne, ani naw a hmat cu chang gui am m’thei htang gui lä ci. Ani naw thu thuuk gui cu ng’thei ne a hman nak cu m’nüm ci.

THUSHÄUTU 2:19

ani cu cüivai ci, käcung gu-ang ciah — a u naw hmat khai aw? Cun ung phi kei ah ka bi gui nü, khomdek khan ung, kei ah cüivai nak naw a gah gui nü cu, ani naw ka nak khai ah kyak ci. Cun gui avan cu akholä ah kyak ci.

NG'THU K'THUUK~ 25:1

Shin cu Solomon ah thu thuuk ba gui, Judah ghangpughang Heyekiah ah yung ah saya gui naw ami ku tuba ah kyak ci.

1 GHANGPUGHANG GUI 4:32

Ani ah pyan thu k’thuuk phia thum kip la ng’äi phi gha lawk ci.

NG'THU K'THUUK~ 13:1

Cüvai ciah htapa naw apa ah m’shungdüng cu ngai thei ci. Cun ung phi a i kä tä ciah chang naw akat nak kä ng’kiaa hlawt ci.

NG'THU K'THUUK~ 27:11

Ka hta aw, na cüvai vai, cun ung kei ka yei khai, a u naw a na täitawk ung phi, kei ung ka m’shan nak vai om khai.

NG'THU K'THUUK~ 29:17

Na hta cu m’hnütbäi nak na pek vai, nang cu angtäi sei ani awn na khäghah khai, ani naw thui ng’a nak vai ah mawng kä ning pe phung khai.