NG'THU K'THUUK~ 1:5 - Cho Bible Common Language 2016

⁵ Shin ah thu thuuk gui naw cüivai ciah chang ah hmuhmat nak cu m’shung hlawi ne tatlah cicu m’shümthein ci.

NG'THU K'THUUK~ 1:5 Referans Kwoze

NG'THU K'THUUK~ 12:1

Hmuhmat nak m’hni ciah chang naw a cheishoh ung m’cäi tu vai ng’ya hlük ci. Chang gu ang naw m’cäi ä thüinak ci.

NG'THU K'THUUK~ 9:9

Cüivai ciah chang na ng’thu püi ung, cüivai law pi khai. Düng ciah chang na m’thein m’kan ung ani cu hmuhmat law pi khai.

1 KORIN 10:15

Hmuhmat thei ciah chang gui ah k’bäi ne ka ning thu püi gui nei. Kei ah thu cu ngaih-tüh kheng shüm vä.

JOB 34:16

Tuhbäi na cüivai ah a kyak ung na ngai ä,

JOB 34:10

Nang ngai vä, hmuhmat ciah chang gui, M’gäi ciah Khanpughi naw cheishoh nak bik khai ma?

JOB 34:34

Hmuhmat ci phung läi naw kei ah pyen cu yum khai nei, Cüivai ciah chang, kei ah pyen ng’yak ci phung naw,

2 SHONTÄP NAK 25:16

Amaziah naw ng’thu ba pah ne, “Keimi naw nang cu ghangpughang na m’cäi m’ä khai ah kami ning tha ne ang? Kä chiu ba ne om ä, kä cung ka ning ngawn lawk khai nei!” cik ci. Prophet naw shin ah pyen neta, kä chiu ba ne om ci. “Tuhbäi kei naw ka hmat ci, Khanpughi naw nang ning m’di khai ah k’bäi pyi ci, a i ah kyasei ci ung nang naw shin gui bi ne, kei ah m’cäi ä nak a i ah kä na ngaih ah phäh ah kyak ci.”

NG'THU K'THUUK~ 14:6

Chang ah ng’shei cicu ka cuivai hlawt ci. Cun ung phi lunglang ci naw ayäi ah thei thang thei ci.

THUSHÄUTU 9:11

Kei naw ka hmat ah a hei tumat cu, shin ah khomdek khan ung, dawng gai ciah chang päng angtäi sei dawng kä näng ci, m’gäi ciah chang päng angtäi sei ng’tuk kä näng ci, cüivai ciah chang, angtäi sei kä gahtang ci, hmuhmat ciah chang päng angtäi sei kä bämang ci, m’khütnäng ciah chang päng angtäi sei bawi ah kä ngok ci. A chang päng ah khan ah akshe cu gawk law thei ci.

THULÄÄN NAK 4:6

Nangmi naw bekhüt ne nami läk vai. Acun naw nangmi a i hlawk ah nami cüivai cu changpakhui hei gui ung dang sak khai. Ngami naw shin ah thukhän avan ami ng’yak ah a kyak ung ngami naw pyen khai gui, Shin ah dämduh ciah pakhui ung a i hlawk ah cüivai nak la lunglang nak om lawk ci ang?”

NG'THU K'THUUK~ 8:33

Ning m’theithang cu na ngaih vai. Na cüivai vai, kä na nawng en düt vai.

NG'THU K'THUUK~ 9:8

A u a i ah kä hum tuk ciah chang cu kä nami m’cäi tu vai. Ani naw ning thüi nak gui khai. Cun ung phi cüivai ciah chang nami m’cäi m’ä tu ung ani naw ning chang m’sui gui khai.

NG'THU K'THUUK~ 18:15

Lunglang ciah chang cu angtai sei ci gang ne ng’thei ge vai ah om ci.

NG'THU K'THUUK~ 19:25

Chang omshe cu m’kyuk vai. Cun ung ba tuba ci. Ka hmat ciah chang naw ng’thei nak khai. Nang cu na cuivai ah a kyak ung ami ning m’shum thei ung na ng’thei thei khai.

NG'THU K'THUUK~ 21:11

Chang k’om ciah chang tumat naw m’kyuk nak gah ci. A i ah kä yuk ngai lawk ciah chang naw ng’thei nak ci. Cüivai ciah chang tumat cu ami m’thei phung ung ng’thei thei ci.