NG'THU K'THUUK~ 1:4 - Cho Bible Common Language 2016

⁴ Acun gui naw kä hmu ng’ya thei ciah chang cu ng’langkha khai ah pyan u ne, chang nong gui cu a i hawkcha tungpa vai cu m’thein gui ci.

NG'THU K'THUUK~ 1:4 Referans Kwoze

NG'THU K'THUUK~ 8:5

Kä nami ng’langkha ne ma? Nami ng’langkha vai ah ng’thei vä. Nami gu-ang ne ma? Nami ng’lang vai ah ng’thei vä.

NG'THU K'THUUK~ 8:17

Na m’hni cicu ka m’hni ci: Na shui ci phung naw na hmuk khai.

SAM 119:9

Chang nong naw a ghin nak cu a i cha ah theingcim sak khai ang? ci ung, nang ah thumkhän läk nak awn kyak ci.

NG'THU K'THUUK~ 8:32

“Tuhbäi, chang nong gui, na ngai vä. Ka pyen ah na bi vai, cun ung na yeikyai khai.

NG'THU K'THUUK~ 8:12

Kei cu cüivai nak ah ka kyak ci, kei ung m’lungshüm nak om ci. Kei ung hmuhmat nak la hnip ciah m’khoichaa nak om ci.

SAM 119:130

Khukhai ne na m’theithang nak naw akdei cu pek ci, chang k’ang gui cu cüivai sak gui ci.

TITUS 2:6

Acun ah mäih ah ak hmaw chang gui cun phi ami htingling vai ah nam cäi gui vai nei.

2 TIMOTHI 2:22

Ak hmaw chang gui ah hüithaw nak cu hlawi ne, Bawipa ah m’lungtheing awn taigü ci gui awn a täng ah düngdau nak, yum nak, m’hni nak la dimdeih nak gui cu na shui vai nei.

ISAIAH 35:8

A cun ung lam ng’kiung nu om khai, cun cu “Theingcim khaw ah Hteh nak lam” ah pyen ci gui. Kat nak bik ciah chang phung cun ah lam ung kä hteit tuk khai; A u akgutak naw phi cun ah lam ung hteit cicu lam hma khai ah kä m’shüm khai.

NG'THU K'THUUK~ 3:21

Ka hta, cüivai nak cu k’pang ne na kyong nak vai, nang ungka kä na ng’phleng en sak vai.

SAM 34:11

Hmaw chang ka teihpüi gui law vä, Na ngai law vä, Bawipa tamkhah ah mawng ka ning m’thei gui khai nei.

SAM 19:7

Bawipa ah thukhän cu kümbe ci; thagui ak thai pek ci. Bawipa ah thumkhän htangkha ci, kä cüivai cicu cüivai sak ci.

THUSHÄUTU 11:9

Chang nong gui, nami nong yah ung hüithaw vä. Nami hmaw yah sang ung yeikyai vä. Nami bi hlü cu nami bi vai nei, nami m’lung ah ng’yak hlü cu nami läk vai nei. Cun ung phi nami bi nak phung ung Khanpughi naw ning ng’thumcha gui khai ci cu, nami shüm vai nei.

SAM 116:6

Bawipa naw geinvai cicu shungvong ci; kei ka khüikha yah ung, ani naw na hun ci.

THULÄÄN NAK 4:6

Nangmi naw bekhüt ne nami läk vai. Acun naw nangmi a i hlawk ah nami cüivai cu changpakhui hei gui ung dang sak khai. Ngami naw shin ah thukhän avan ami ng’yak ah a kyak ung ngami naw pyen khai gui, Shin ah dämduh ciah pakhui ung a i hlawk ah cüivai nak la lunglang nak om lawk ci ang?”