NG'THU K'THUUK~ 1:32 - Cho Bible Common Language 2016

³² Kä hmu ng’ya thei ciah chang gui cu sik ci gui, a i ah kyasei ci ung ngakmi naw cüvai nak hnu nak ci gui. Changshe gui cu ami mät ah bi awn dishum ci gui.

NG'THU K'THUUK~ 1:32 Referans Kwoze

HEBRU 12:25

Nangmi cu thu k’aw ng’yak vai noi mak ciah chang ah kä nami kiak vai ah nami geing nak vai nei. Khomdek khan ung khankho thu ngaih yak vai ah mak ciah chang gui cu kä phyawng ci gui nei. Cun ah kiasei mikmi naw Khankho ah kaa ng’thu pyein lawk ci cu, mi hnu nak ah a kyak ung a i ung phi kä mi phyawng hlawt khai nei.

NG'THU K'THUUK~ 8:36

Kei kä na hmuk ciah chang cu a mät plah taam ciah kyak ci. Kei na thüi nak ciah chang cu sih nak m’hni ciah kyak ci.”

JOHAN 3:36

A htapa yum ciah chang cu angtäi ghin nak gah ci. Kä yum ciah chang cu ghin nak kä hmuk khai. Ani ah khan ah Khanpughi ah m’lung she nak om khai.

JEREMIAH 2:19

Nami mät ah akshe naw ning m’kyuk gui khai, kei nami na ng’hlah tak nak naw ning m’kat gui khai. Bawipa nami na khanpughi nami na nawng cu a i hlawk ah kha ne a chei cu nangmi naw nami hmat lawk khai. Nangmi cu kei ung kä nami bekhüt ba ci. Kei, uk ciah Bawipa m’gäi ci naw ka pyen nei.”

HEBRU 12:8

Nangmi cu a hta akcang ah nami kyak ci kyasei, kat m’kyuk ne m’cäi nak kä ah om ah a kyak ung, nangmi cu hta akcang ah kä nami kyak ci, hta ng’bah ah nami kyak ci.

SAM 69:22

Ami näng ei cu ami di nak ah kya sä; ami ei theing cu ami zu ng’kyak nak ah kya sä.

JAMES 5:5

Nangmi cu khomdek khan ung ng’päi ng’ye, hlimtui ne nami om ci. Nangmi cu ami ning ngawn nak gui vai ah kho hnüüp ah hmawk ah nami ng’htah ng’awh ciah kiak ci.

NG'THU K'THUUK~ 1:22

“Chang gu k’ang gui! A i güt nami gu ang khai ang? A i güt hmuhmat nak cu m’lepse ne nami yeikyai khai ang? kä nami ng’thei thang phung khai ma?

NG'THU K'THUUK~ 5:22

Changshe ah katnak cu m’hling bang ah kyak ci. Ani cu a mät ah katnak ah ng’vaai ung amät awk ba ci,

NG'THU K'THUUK~ 8:5

Kä nami ng’langkha ne ma? Nami ng’langkha vai ah ng’thei vä. Nami gu-ang ne ma? Nami ng’lang vai ah ng’thei vä.

ISAIAH 66:4

Cun ah kyasei ngami ah khan ah kei naw leigai ka law püi khai-cun cu ngami naw ami kyih ah kyak khai — a i ah kyasei ci ung, kei naw khü ung a u kä äi ci, ka ng’thu a u naw kä ngai ci. Ngami ami van naw kä na ngai u ne, akshe bik ci gui.”

THULÄÄN NAK 28:17

“Bawipa naw nami htang gui la acun ungka nami pyan ah ei gui cu plah taam khai.

NG'THU K'THUUK~ 2:18

A cun ah im ung nang na hteh ah a kyak ung nang cu sih nak ah lam ung na hteit ciah kyak ci. A cun ah hteh cu sih nak ah khaw k’et nak ah kyak ci.

NG'THU K'THUUK~ 9:18

Ani ah chang gui naw a im ung lut ciah chang gui ami sih la lut pyi ciah chang gui tuhbäi akthuuk pikbäih sih nak ah kho ung ami om cu kä hmat ci gui.

NG'THU K'THUUK~ 10:21

Changni ah ng’thu naw chang akda bä sak ci, cun ung phi gu-ang cicu amät ngawn ci.

NG'THU K'THUUK~ 14:16

Cuivai ciah chang naw khüikha nak phyawn nak vai ah geing na ne om ci, Cun ung phi chang anglam cu a i ka geing na ne ang ghit ah hnüntho ci.

AMOS 6:1

Cun cu nangmi ah phäh ah a i hlawk ah kyih vai ah kyak khai aw, Zion ung yäi sei om ci gui, Samaria ung phiawng ne om ci gui — nangmi cu dämduh ciah Israel pakhui ah ng’vai gui, nangmi ah chang gui m’htei vai ah hteit ci gui.