NG'THU K'THUUK~ 1:31 - Cho Bible Common Language 2016

³¹ Cun ah kyasei nami mät ah geit ah am theih cu nami ei ba khai. Nami mät ah bi naw ning gaw pyam sak gui khai.

NG'THU K'THUUK~ 1:31 Referans Kwoze

NG'THU K'THUUK~ 14:14

Changshe gui naw ami mat ah shetkat nak gah ci gui, Changniguio naw ami mat ah om ih awn m’cümhnah nak gah ci gui.

JEREMIAH 6:19

Khomdek aw ngai ä! Ngami ah bilawh avan m’kyuk nak vai ah shin ah chang gui ah khan ah kei naw dishum nak ka law püi ci nei, a i ah kyasei ci ung ngami naw kei ah m’thei thang cu hnungtuk u ne, kei ah ng’thu kä ami ngaih ah phäh ah kyak ci.

NG'THU K'THUUK~ 22:8

Kä taga ciah geit m’shi na phu ah a kyak ung leigai ah tho lawk khai, chang na shedam nak phi ng’pyi khai.

JOB 4:8

Chang gui naw shekat nak ah lai thawn u ne, Cheishoh nak ah m’shi phu u sei ka hmuk ci nei; Tuhbäi ngami naw cheishoh nak la shetkat nak cu aat ba ci gui nei.

JEREMIAH 2:19

Nami mät ah akshe naw ning m’kyuk gui khai, kei nami na ng’hlah tak nak naw ning m’kat gui khai. Bawipa nami na khanpughi nami na nawng cu a i hlawk ah kha ne a chei cu nangmi naw nami hmat lawk khai. Nangmi cu kei ung kä nami bekhüt ba ci. Kei, uk ciah Bawipa m’gäi ci naw ka pyen nei.”

NG'THU K'THUUK~ 5:22

Changshe ah katnak cu m’hling bang ah kyak ci. Ani cu a mät ah katnak ah ng’vaai ung amät awk ba ci,

NG'THU K'THUUK~ 5:23

Ani cu amät naw amät kä pang hlawt ne sik ci. Kä a k’üüp hlawt ah a cheishoh nak naw ang ciim hmun ah hteh püi khai.

NG'THU K'THUUK~ 8:36

Kei kä na hmuk ciah chang cu a mät plah taam ciah kyak ci. Kei na thüi nak ciah chang cu sih nak m’hni ciah kyak ci.”

NG'THU K'THUUK~ 12:14

M’cümhnah nak na gah cu mna mät ah ng’thu la na mät ah bi ungka ah kyak ci. Nang naw na mät awn khinkha cicu na gah khai.

NG'THU K'THUUK~ 13:2

Changnigui cu ami ng’thu pyen ah phi äh ah m’cümhnah nak gah ci gui, Cung ung phi chang shekha gui cu ami m’ghämce nak awn akshe bi hlü aih ci gui.

ISAIAH 66:4

Cun ah kyasei ngami ah khan ah kei naw leigai ka law püi khai-cun cu ngami naw ami kyih ah kyak khai — a i ah kyasei ci ung, kei naw khü ung a u kä äi ci, ka ng’thu a u naw kä ngai ci. Ngami ami van naw kä na ngai u ne, akshe bik ci gui.”

JEREMIAH 14:16

Ngami naw shin ah mawng ami m’thein gui ah chang gui phi ngami ah mäih ah ngawn gui vai. Ngami ah pumsa gui cu Jerusalem lam gui ung ghawh gui vai, cun gui cu a u naw kä phuh gui khai. Cun gui cu ami van ah khan ah gawk khai — ami chu gui, ami htapami gui, la ami hta hnumi gui ah khan ah gawk khai. Ami shekat nak ah phu ami gah vai ah kei naw ka bi gui khai.”

SAM 81:13

Ka chang gui naw ami na ngaih vai ka m’hni aih ci; ami na läk vai phi ka m’hni aih ci nei!

JEREMIAH 21:14

Cun ung phi nami bi ah phäh ah kei naw ka ning m’kyuk gui khai. Na mang im cu kei naw mei awn ka m’khih khai, cun ah mei naw a pei leng avan ui yawp khai. Kei, Bawipa naw ka pyen nei.”

EZEKIEL 22:31

Cun ah kyasei kei naw ngami ah khan ah ka m’lungshe nak zuh lawn ne, ngami ah ami bi phung cu mei ah mäih ah kya ne ka m’di khai.” Uktu Bawipa naw a pyen nei.