NG'THU K'THUUK~ 1:22 - Cho Bible Common Language 2016

²² “Chang gu k’ang gui! A i güt nami gu ang khai ang? A i güt hmuhmat nak cu m’lepse ne nami yeikyai khai ang? kä nami ng’thei thang phung khai ma?

NG'THU K'THUUK~ 1:22 Referans Kwoze

NG'THU K'THUUK~ 5:12

Cun ung nang naw “A i ah kyasei kei kä ka theithang ang? A i ah kyasei chang ah na m’düng nak kä ka dou ang?

NG'THU K'THUUK~ 1:29

Nangmi naw hmuhmat nak cu kä na mi mang man ci, Bawipa cu kä nami kyih aa phung ci.

SAM 1:1

Yeikyai nak om ciah chang ci cu, Chang shekha ah m’shümthein ma na ne, phyawn na ne, Cheishoh ciah chang ah om k’ih kä läk ne, Khanpughi kä yum ci ung kä ng’dawn tuk ciah Chang ah kyak ci.

THU PHLAAN 22:17

Mumcha Theing la Ceimah khai ah ng’laamihta naw, “Law ä” cik ci goi. Cun ah ng’thu ng’yak ciah chang nüng naw phi, “Law ä” ci ne pyein sä, Tui gha ciah chang cu law sä, ghin nak ah tui ng’ya hlük ciah chang phung naw a lä ah dou sä!

2 PETER 3:3

Ak htük ah, ak hnubäih hnüüp ung, amät ah ng’yak hlü düt ah ghing ciah chang gui dang lawk khai ci cu, nami hmat vai nei. Ngami naw nangmi cu ning gaih m’gin gui ne,

JOHAN 3:20

Akshe ah om ciah chang phung naw, akshe abi ang dang vai kyi ne, akdei cu kä ng’ya hlük ci.

LUKA 19:42

nang naw tuhngawi dimdeeih nak na hmat vai sü ung, yeikyai nak om khai sü te, cun ung phi nang naw, cun kä na hmuk ci.

MATTHE 9:13

Kei cu peit taak ah mä m’gein nak kam hni pi ci, ciah cacim cu teng ne vang ngaih-tüh ba vä. Kei cu chang k’ni gui ka hun gui khai ah ka lawk ciah kä kyak ci, changshe gui ka hun gui khai ah ka lawk ei nei,” cine pyen na gui ci.

NG'THU K'THUUK~ 21:11

Chang k’om ciah chang tumat naw m’kyuk nak gah ci. A i ah kä yuk ngai lawk ciah chang naw ng’thei nak ci. Cüivai ciah chang tumat cu ami m’thei phung ung ng’thei thei ci.

MATTHE 23:37

“Aw Jerusalem! nang naw profet gui cu ngawn ne Khanpughi ah ng’shä tüih gui cu lung awn na vawi ci nei, ainu naw ang phiaa awn aihta gui ak boop gui ah mäih ah nak chang gui kei naw ka kut ng’hnim ung ka koi nak gui cu sho law aih ci nei, cun ung phi nang naw kei cu kä na na dou ci.

MATTHE 17:17

Bawipa Jesuh naw, “Nangmi cu nami yum nak kä om sei nami ng’lihlak yawp ci nei. Kei naw nangmi a i güt ka ning om püi gui vai ang, a i güt ka ning ngaih peit gui vai ang, ak hmaw cu ka pei ah law püi vä,” cine pyen na gui ci.

NG'THU K'THUUK~ 19:29

Chang k’om ne gu ang ci naw m’ghuih thah nak a gah vai cu ng’htei pyi ci.

NG'THU K'THUUK~ 15:12

Amlung m’dam ci naw chang ah m’shung dung ka ng’ya hlük ci, cuivai pi ci naw m’shumthein vai ka thah ci.

NG'THU K'THUUK~ 14:6

Chang ah ng’shei cicu ka cuivai hlawt ci. Cun ung phi lunglang ci naw ayäi ah thei thang thei ci.

NG'THU K'THUUK~ 8:5

Kä nami ng’langkha ne ma? Nami ng’langkha vai ah ng’thei vä. Nami gu-ang ne ma? Nami ng’lang vai ah ng’thei vä.

NG'THU K'THUUK~ 7:7

a i kä bui awt man ciah chang nong akda ka hmuk ci. Cun ung changshe kha tumat om tuk ci.

NG'THU K'THUUK~ 6:9

Chang dam, a i güt ih phak ung na ng’yän khai ang? a i khä ta na thou lawk khai ang?

NG'THU K'THUUK~ 3:34

Ani naw chang shedam nak c i cu kä mang ci. Cun ung phi am lung neim sak cicu chang m’sui ci.

NG'THU K'THUUK~ 1:7

Bawipa kyih aa nak cu hmuhmat nak ah a phung ah kyak ci, gu-ang ciah chang naw cüivai nak cu a i ah kä ngai ne, kä m’thei thang hlük ci.

NG'THU K'THUUK~ 1:4

Acun gui naw kä hmu ng’ya thei ciah chang cu ng’langkha khai ah pyan u ne, chang nong gui cu a i hawkcha tungpa vai cu m’thein gui ci.

SAM 94:8

Ka chang gui aw, a i hlawk ah shin ah nami gu-ang ang? A i sangung nami theithang lawk khai ang?

JOB 34:7

Shin ah Joba ah mäih chang cu nami hmu tu man ne ang? Khanpughi a kyih aa nak cu ani naw kä m’dang man ci nei.

KHEI NAK 14:27

“A i güt shin ah chang shekha gui naw chiu m’da ne, kei cu na hnungtuk püi khai gui ang? Shin ah chiu m’da ci gui cu kei naw ka ng’ya yawp pyi ci nei.

PHYAWN NAK 16:28

Cun kawn ah Bawipa naw Moses am, “Nangmi chang gui naw a i güt ka ng’thu nami maa nak khai ang?

PHYAWN NAK 10:3

Cun ah kyasei Moses la Aaron naw ghangpughang ah hteit ni neta ng’thu ani pyen cu, “Bawipa, Hebru gui ah Khanpughi ah ng’thu cu kei ah na ng’paa law nak vai cu a i güt na mak khai ang? Ka chang gui cu hteh sak gui ä, cun ung ngami naw na khawihnah khai gui nei.

NG'THU K'THUUK~ 1:21

Mang gaw m’kawt ung m’lau ne ng’khü ne, chang ah ng’bum nak ung ng’shäu ci nei.

NG'THU K'THUUK~ 1:32

Kä hmu ng’ya thei ciah chang gui cu sik ci gui, a i ah kyasei ci ung ngakmi naw cüvai nak hnu nak ci gui. Changshe gui cu ami mät ah bi awn dishum ci gui.

NG'THU K'THUUK~ 21:24

Chang k’om cicu na na m’nuh vai, yoshe nak ci, chang ah ng’shei ci, kho kä tä cicu ka ning m’hnuh khai.

NG'THU K'THUUK~ 22:3

Langkha ciah chang naw khüikha nak a gawk law cu hmu ne hlawi ci. Cun ung phi a i kä ngaih-tüh thei ciah chang cu acun ah ng’lung ah hteit ne lut ci, akawn ah ng’yu ba ci.

JEREMIAH 4:14

Jerusalem na m’lung kyong ungka akshekha gui cu m’si ä, cun ung nang cu hun nak na gah khai. Nang naw shetkat nak gui laih laih ngaih-tüh ne a i güt na hteit khai aw!

JEREMIAH 13:27

Ani naw a thüi nak gui nangmi naw nami bi cu ning hmu gui ci nangmi cu a im pei ah ami chu ng’ya hlüt ciah pami ah mäih, ng’sein ca naw seng aläk ah mäih ah khogui ma la lolai ung khogam khanpughi gui nami läk cu ani naw ning hmu gui ci. Jerusalem chang gui, nami ng’ziin ci nei, a i yah ung nami theingthap lawk khai ang?