NG'THU K'THUUK~ 1:12 - Cho Bible Common Language 2016

¹² Mi hmuh gui yah ung ngami cu ghing gai khai gui, cun ung phi mi ng’tuk püi gui ung ngami cu sik khai gui nei.

NG'THU K'THUUK~ 1:12 Referans Kwoze

SAM 124:3

ak ghing ah na düük gui u ne, kyihshe ciah m’lungshe nak awn na tu gui khai gui nei;

SAM 28:1

O Bawipa, ka ng’shung nak, ka ning khü ci nei. Ka kyah aw cu na ngaih pe ä! Nang naw kä na na m’shan ah a kyak ung, kei cu, sih nak kho ah hteit ci gui ah ng’lung ah ka gawk tuk khai kyak ci nei.

ROMAN 3:13

Ngami ah ami ng’thu m’kha cu, sih nak ng’cim hmun ah kyak ci; Ami m’lei awn thuvi hleeihlak ci gui, Ami m’gawng m’lei cu k’phyu m’äm ah mäih ah am äm om ci:

NG’ÄI KYAH 2:16

Nami ga gui ami van naw ami ning thüi nak gui awn, ning päipih gui ne, ning kyim sak gui ci gui, ngami naw ami m’nei htui ne, ami hna htun neta, “Keimi naw kami m’di khai nei” cik ci gui. Shin cu kei naw kami k’äih nak ah kho hnüüp nei!”

NG’ÄI KYAH 2:5

Ga ah mäih ah Bawipa naw Lsrael cu m’di ci nei, Ani naw acun ah vongpang la mang im cu dishum sei nawng shüt ci. Ani naw Judah chang gui ah khan ah kä ng’pyi hlawt ciah ayä nak law püi ci.

JEREMIAH 51:34

Babilonia ghangpughang naw Jerusalem cu tu pit ne ei ci. Ani naw mang im cu hlüng ah mäih ah ghawng sak ne; k’phyu ng’ghaw ah mäih ah m’zawih ci. Ani naw ang zak hlü gui cu la neta, k’pawih ci gui cu ghawt ci.

SAM 143:7

Bawipa, Tuhbäi na m’shang ä! Ka ngaih u nak avan maih ci nei. Kä na ng’thuh en tau ä, Sihnak ah kho ah hteit ci gui ah ng’lung ah kei cu ka hteit khai kyak ci nei.

SAM 57:3

Ani naw khan kho ah ka naw na m’shang ne, na hun khai; kei na m’di hlük ci gui cu hnim gui khai. Khanpughi naw ng’täi ciah am hni nak la a bekhüt nak cu na m’hnun khai.

SAM 35:25

“Keimi naw ani kami ghawt ci nei! Kami ng’yak hlü be pyi ci nei,” cine ami mät kä kya en u sä!

SAM 5:9

Kei ah ka ga gui ah thu ung bekhüt nak kä om phung ci; Ngami naw ah m’di hlü bäng ci gui. Ngami ah ng’thu cu ng’awi gi müi ne, hnip ci, Cun ung phi chang m’di nak ah hleei awn be ci.

KHEI NAK 26:10

Khomdek aang ne m’yaw gui sei, ngami cu Korah la a chang gui awn a täng ah chang 250 mei naw a uih yah ung si tuk ci gui. Cun cu chang gui khän ne m’shüm thein nak ah kya lawk ci.

NG'THU K'THUUK~ 1:13

Mikmi naw khawhcham avan mi hmuk khai, mi gut tep ah khawh awn mi im mi be sak khai.