NG'THU K'THUUK~ 1:11 - Cho Bible Common Language 2016

¹¹ Avaisü ah ngami naw, “law ä, chang shui ne mi ngawn kaw! Changni cu gaih vai ah ming’tuk püi kaw!

NG'THU K'THUUK~ 1:11 Referans Kwoze

JEREMIAH 5:26

“Ka chang gui ah ng’lung ah akshe bik ci gui phi ng’caw tuk ci gui, kha pha nak vai ah ng’vai kiung ciah ah mäih ah ngami naw ng’zän ne ngäng ci gui, cun ung phi ngami ah ami cuun cu chang pha nak vai ah kyak ci.”

NG'THU K'THUUK~ 1:18

Cun ung phi cun ah mäih chang gui cu ami mät ah phäh ah m’hling baang ciah kyak ci gui. Ami sih nak vai cuun cuung ci gui.

NG'THU K'THUUK~ 12:6

Changshe gui ah ng’thu cu ngawn sih nak vai kyak ci, Cun ung phi düng ciah chang ah ng’thu naw kyikyawk ci gui gung gui ci.

LAMKTU 25:3

Ngahmi cu Paul ami law püi ung lam ah mah ne ngawn vai ah pawng pyi ci gui ah kya ne, Ngami am hlün nak gui ah Paul cu Jerusalem ah a hteh püi ba sak gui vai ah k’thäh ci gui.

LAMKTU 23:15

Cun ah kyasei nang la kawngsi ng’vai gui naw Paul cu ak tung ah nami ng’shica hlük ci hlawk ah, Roman gakap bawi ah nami k’thäh ba vai nei. Nangmi ah om nak ah kä ah gawk law pha ung ani cu ngawn vai ah kami na ngäng khai nei” cine pyein ci gui.

MIKHAH 7:2

Khaw ung changnigui maih yawp ci gui, Khanpughi ung ng’düng ci a u kä om ci. Khaw päng ung chang ngawn vai däät ci gui, chang päng naw ami chang paw ga nak ci gui.

JEREMIAH 11:19

Kei cu ngawn vai ami hteh püi ah htome hta ah mäih ah ngaih gep nak om ci, ngami naw kei na hnungtuk püi ne akshe gui bi vai ami pawng püi cu kei naw kä ka hmat ci. Ngami naw pyen ci gui, “Sing ghing cu a gai sangung mi chuk khai nei; ani cu mi ngawn khai nei, cun ung ani cu a u naw phi kä shüm ba khai.”

NG'THU K'THUUK~ 30:14

Dukhaih ci la pyamtham ciah chang ah kaa m’ghämce ne guh pek ciah chang gui om ci, cun cu ngami naw ami hnun ami m’ghin nak ah lam ah kyak ci.

NG'THU K'THUUK~ 1:16

Ngami cu akshe bi vai ah kä ng’giin ci gui. Chang ngawn vai ah patyaang ci gui.

SAM 56:6

Ngami cu ang thuh nak ah ng’bum u ne, kei ah ka bi phung däät ci gui, na ngawn khai gui ah ng’bü ci gui.

SAM 35:7

A mawng kä om ciah ami na pha nak vai cuun cung u ne, m’vam phi ak thuk ah co ci gui nei,

SAM 17:12

Ngami naw phongkawng ah mäih ah, kei cu na ngäng u ne, phyit ne na ei hlük ci gui nei.

JOHAN 15:25

Cun cu ami thukhän ung “Ngami naw kei cu alä ah na gen ci gui” ciah om cicu a khüm nak vai ah kyak ci.

NG'THU K'THUUK~ 24:15

Chang shekha ah mäih ah kä na kyak vai, ani naw düng ciah chang gut tep ne, ami im ungka ahei ah hteh püi ci.

NG'THU K'THUUK~ 29:24

M’guk ei ah apaw cu akkaa pikbäih amät ah gaa ah kyak ci. Ani naw yung ah hman ci a pyen ung ani cu m’kyuk nak gah khai. Kä a pyen ung Khanpughi naw plahtaam khai.