NEHEMIAH 9:5 - Cho Bible Common Language 2016

⁵ Shin ah Levit gui naw khawihnah vai ah ng’khü ci gui: Jeshua, Kadmiela, Bani, Hashabniah, Sherebiah, Hodiah, Shebaniah, la Pethahiah. Ngami naw: Ng’düi law ne, Bawipa nami Khanpughi cu m’hlümtai vä; Khonglän ung ani cu m’hlümtai vä! Hnicim chang naw m’hlümtai khin vai ah kä m’hlümtai hlawt ung phi, a bämang nak ah ming cu chang nü naw m’hlümtai sä.”

NEHEMIAH 9:5 Referans Kwoze

1 PETER 1:3

Mi Bawipa Jesuh Khrit ah Pa Khanpughi cu mi m’kümto khai nei! Khanpughi naw küikyang ciah ak chimgein nak awn, Bawipa Jesuh Khrit cu sih nak ungka thawh ba sak ne, mikmi am ghin nak ak thai cu na pe gui ci. Acun naw ghing ciah ngaih u nak awn na kümbe sak gui ci.

2 KORIN 4:6

“Hnüp ah khui ung akdei ng’shü lawk khai” cine pyein ciah Khanpughi cu, Bawi Khrih ah hmai ung ng’shü ne khang ciah bämang nak ah mawng cu hmat nak vai ah, mikmi ah m’lung kyong ung, akdei cu ng’shü law sak ciah Khanpughi ah kyak ci.

MATTHE 11:25

Cun kawn ah Bawipa Jesuh naw, “Khankho la khomdek van uk ciah kapa, hmuhmat nak om ci gui-am kä nam dang gui cu, hmuhmat nak kä om ci gui-am m’dang gui ci sei ka ning m’hlüngtai ci.

EZRA 3:11

Ngami naw Bawipa m’hlüngtai nak ng’äi m’cu u ne, leng ba ba ne m’cu ci gui. Bawipa cu nik ci, ani naw Israel gui am hni nak cu khongtäi ci nei. Chang päng naw aktha avan la ne Bawipa cu m’hlüngtai ne m’lau ci gui. A i ah kyasei ci ung Taigüim ang nei cu tün ne m’düih ne bi pyi ah kyak ci.

1 SHONTÄP NAK 29:13

Tuhbäi, kami Khanpughi, nang ning yei na u ne, bämang ciah na ng’ming cu kami m’tam ci.

SAM 146:2

Kei ka ghin ah chuih Bawipa cu ka m’tam khai nei; ka ghin nak avan ung ka Khanpughi ah ng’äi ka m’cu khai nei.

SAM 145:5

Ngami naw na bämang nak la na chünla nak cu pyen khai gui nei, cäicat vai ah na bi lawh gui ung ka m’lung htek khai nei.

SAM 145:2

A hnüüp tä ka ning yei nak khai nei; kho ng’län ung ka ning m’tam lä khai nei.

SAM 134:1

Law vä, Bawipa cu m’tam vä, mü m’than ung a Pum im ung akhuut bik ciah a changshäm gui naw m’tam vä.

SAM 106:2

Küikyang ciah abi gui avan cu a u naw pyen hning khai aw? A u naw bä khai ah m’taam hning khai aw?

SAM 16:2

Bawipa ka ning pyen nak ci, nang cu ka ning Bawipa nei; kei ung om ciah akni phung avan cu nang ungka lawk ci nei.”

2 SHONTÄP NAK 20:19

Kohath la Korah pahta ungka Levit gui cu ng’düi law u ne, m’lau u ne, Israel Khanpughi Bawipa cu m’hlümtai ci gui.

2 SHONTÄP NAK 20:13

Judah chang gui ami van, ami chu, hta gui mah ah Taigüim pei ah ng’düi ci gui.

1 SHONTÄP NAK 29:20

Cun kawn ah David naw chang gui thumkhän gui ci, “Nami Khanpughi Bawipa m’hlümtai vä!” Chang hli ami van naw ami pupa gui ah Khanpughi Bawipa m’hlüngtai ci gui, ngami cu kawp u ne Bawipa m’tamkhah u ne, ami ghangpughang phi m’tamkhah ci gui.

1 SHONTÄP NAK 29:11

Nang cu dämduh ne, huham mah ne, bämang ne, chünla ne, m’gää ciah na kyak ci. Khankho la khomdek ung avan nünü cu nang ah ka ah kyak ci nei, nang cu ghangpughang, avan ah khan ah m’gääi ciah uktu ah na kyak ci.

1 GHANGPUGHANG GUI 8:27

“O Khanpughi, khomdek khan ah akcang ah na om hning ci ang? Khankho avan phi nang naw nak pan hmuh vai ah kä ng’shawng ci nei, cun ah kya ne, kei naw ka cawh vai ah shin ah Taigüim cu a i ah ang shawng vai ang?

1 GHANGPUGHANG GUI 8:22

Solomon cu chang gui ah om nak ung sonkiang ah ma ah hteit ne ng’düi neta, a kut gui shäng ne,

1 GHANGPUGHANG GUI 8:14

Chang gui cun ung ng’düi u khäta, Ghangpughang Solomon cu ngami täng ah ng’hlat neta, Khanpughi ah hriham cu ngami ah khan ah k’thäh pe gui ci.

THULÄÄN NAK 28:58

“Shin ah ca-uk ung guk ah Khanpughi ah m’theithang gui cu bekhüt ne kä nami läk ung Bawipa nami Khanpughi ah cäicat vai la kyihkyawk vai ah ang ming cu kä nami m’tam ung,

PHYAWN NAK 15:11

Bawipa, khanpughi gui ah ng’lung ah nang ah mäih om ne ang? Cäicat vai ah theingciim ci nang ah mäih om ne ang? Nang ah mäih ah cäi aih vai bi ne m’gäi ne hnüntho ci om ne ang?

PHYAWN NAK 15:6

Bawipa, na k’pat kut cu huham mah ci, acun naw ga gui cu hnget ne bät sak gui ci.

1 GHANGPUGHANG GUI 8:15

Ani naw, “Israel Khanpughi Bawipa cu m’tamkhah vä! Ani naw kapa David am shaitak a bi cu k’pang ci nei, ani naw a pyen cu,

NEHEMIAH 9:4

Levit gui ah düih nak vai ah chagä om ci, a cun ah khan ah Jeshua, Bani, Kadmiela, Shebaniah, Buni, Sherabiah, Bani la Chenani gui ng’düi ci gui. Ngami cu Bawipa ami Khanpughi ah m’lau ne taigü ci gui.

NEHEMIAH 9:6

Cun kawn ah Israel chang gui cu shin ah taigü ci gui: Nang, Bawipa, nang bäng nei Bawipa; Nang naw khomik ung khankho la aisi gui cu na pyang ci. Nang naw khonglei, tuinu la acun ung om ci nü cu na pyang ci: Nang naw avan am ghin nak na pek ci. Khankho huham nak gui naw kawp ne ning khawihnah ci gui.

SUKI GUI 13:18

Khanchang naw, “A i ah kyasei, kei ah ming na hmat hlü ang? Cun cu cäicat vai ah ming ah kyak ci nei” cik ci.

1 SHONTÄP NAK 16:36

Israel Khanpughi Bawipa cu m’tam vä! Ani cu tuhbäi la khonglän ung m’tam vä! Chang avan naw “Amen” cine Bawipa cu m’hlüng tai vä.

JOB 1:21

Ani naw, “Kei cu a i kä law püi ah ka lawk ci, a i kä hteh püi ne ka sik khai. Bawipa Naw na pek ci, tuhbäi ani naw la ba ci nei. Ani ah ming cu m’tamkhah nak om sä!” cik ci.

SAM 66:2

A bämang nak ah aming ung ng’äi m’cu vä; bäkhäk ciah m’tam nak pe vä!

SAM 99:3

Chang avan naw dämduh ne hlüngtai ciah aming cu m’taam khai nei. Ani cu theingcim ci nei!

DANIEL 2:20

“Khanpughi cu “Cüivai ci, huham mah ci nei! Khong län ung ani cu m’hlüngtai vä.