NEHEMIAH 9:4 - Cho Bible Common Language 2016

⁴ Levit gui ah düih nak vai ah chagä om ci, a cun ah khan ah Jeshua, Bani, Kadmiela, Shebaniah, Buni, Sherabiah, Bani la Chenani gui ng’düi ci gui. Ngami cu Bawipa ami Khanpughi ah m’lau ne taigü ci gui.

NEHEMIAH 9:4 Referans Kwoze

NEHEMIAH 8:7

Cun kawn ah ngami cu tho ng’düi law ba u khäta, shin ah Levi chang gui naw thukhän ah mawng cu m’thein tu gui ci gui: cun gui cu Jeshua, Bani, Sherebiah, Jamin, Akkub, Shabbethai, Hodiah, Maaseiah, Kelita, Azariah, Joyabad, Hanan la Pelaiah ah kyak ci.

NEHEMIAH 9:5

Shin ah Levit gui naw khawihnah vai ah ng’khü ci gui: Jeshua, Kadmiela, Bani, Hashabniah, Sherebiah, Hodiah, Shebaniah, la Pethahiah. Ngami naw: Ng’düi law ne, Bawipa nami Khanpughi cu m’hlümtai vä; Khonglän ung ani cu m’hlümtai vä! Hnicim chang naw m’hlümtai khin vai ah kä m’hlümtai hlawt ung phi, a bämang nak ah ming cu chang nü naw m’hlümtai sä.”

2 SHONTÄP NAK 20:19

Kohath la Korah pahta ungka Levit gui cu ng’düi law u ne, m’lau u ne, Israel Khanpughi Bawipa cu m’hlümtai ci gui.

LAMKTU 7:60

Ani cu m’khuukdoong netah, “Khanpughi awi, shin ah chang gui ah ami katnak cu m’gein gui ä” ci neh ak’aw m’can neh m’lau netah kät lawk ci. Saul cu Stephen ngawn vai ah yum tuk ciah chang ah kyak ci.

JOHAN 11:43

Cun kawn ah “Layaruh, tho law ba ä” cine m’lau khätah si sei amik phuh cu a kut la akho ung yawknak yih awn ng’hlawp ne,

NG’ÄI KYAH 3:8

Kei cu ana m’htei vai ah kyap ne akdäm ah ka m’lau ci. Cun ung phi Khanpughi naw ang ngaih vai ah mak ci.

SAM 130:1

Bawipa ngaih u vai kä om ciah ak thuuk nak ungka naw ka ning khü ci nei.

SAM 77:1

Khanpughi ah m’lau ne ka ng’khü ci; m’lau ne ka ng’khü ci, ani naw na ng’yak pek ci.

SAM 3:4

Kei naw Bawipa cu ana m’htei vai ah ka khü ci, Ani naw a khomhtung theing ung om ne na m’shang ci.

NEHEMIAH 3:17

Shin ah Levit chang gui naw gawpaang ah angpai akda cu co ba ci gui: Bani ah hta Rehum naw am cawt co ci; Hashabiah, Keilah district a teih uk ci naw, a district chang gui ah hnün ung am cawt co ci.

NEHEMIAH 8:4

Ezra cu ng’thu pyen nak vai ah peen awn ami cawh ah chagä khan ah ng’düi ci. Shin ah chang gui cu akpat täng ah ng’düi ci gui: Mattithiah, Shema, Anaiah, Uriah, Hilkiah la Maaseiah; Malchijah, Hashum, Hashbaddanah, Zechariah, la Meshullam.