NEHEMIAH 9:30 - Cho Bible Common Language 2016

³⁰ Kum law ba kum law ba sei nang naw m’lung sau ne na m’cäi gui ci. Nang naw na prophet gui ami ng’thu vai na m’shum phyuk gui ci, cun ung phi na chang gui cu pang ci gui, cun ah kyasei nang naw a hei pakhui gui am na näng sak gui ci.

NEHEMIAH 9:30 Referans Kwoze

ROMAN 2:4

Kä cun ung Khanpughi ah chimgein nak, m’lung sau nak la hnimgei nak gui cu a i ah kä na sui ci maa! Khanpughi naw nang cu nang yu ba vai ah lam ning m’shüm ne, a ning m’gein ah mawng cu, nang naw akcang ah na hmat ci nei.

LAMKTU 7:51

Stephen naw, “Nang mi cu nami ling aih aih ci, na mi m’lung naw Khanpughi kä yum hlawt ci, Khanpughi ah ng’thu phi kä nami yum hlük ci, nang mi cu nami pupa gui ah mäih ah Mumcha Theing cu ang täi sei nami hnu nak ci nei,

ISAIAH 42:24

A u naw ang, Israel gui cu, guttep gui ci am a ap gui? Cun cu mikmi naw katnak bi ne, mi hnu ng’tuk püi ah Bawipa amät ah kyak ci nei. Ani naw mi om vai ang yak hlü ah mikmi cu kä mi om ci nei, ani ah m’thei thang gui cu kä mi läk ci nei.

2 PETER 1:21

A i ah kyasei ci ung, a i thu thuuk phi chang ah ng’yak hlü düt ah dang lawk ciah kä kyak ci, Mumcha Theing ah lamshäm nak awn vah chang gui naw, Khanpughi ah thuthuuk cu ami pyein ah kiak ci.

1 PETER 1:11

Cun ah m’gein nak cu a i ah khin ung, a i chaa ah gawk lawk khai ci cu ami hmat vai ah k’tha na man ci gui. Ngami ung om ciah Bawi Khrit ah Mumcha naw, cun ah khin ung a geinvai nak vai ah mawng la, cun kawn ah agawk nak vai ah bämang nak ah mawng cu ng’daut ne dang sak ci.

ZEKHARIAH 7:13

A i ah kyasei ci ung ka ng’thu cu ngami naw kä ngai ci gui, ngami ah taigü phi kei naw kä ka m’shang gui ci.

NG’ÄI KYAH 2:17

Bawipa naw abi vai ah am kyih nak cu, ak hnu ah bik ci nei. Ani naw acau pui a nak bäi gui pyi ah mäi ah ah chimgein nak kä om sei, ani naw na m’di gui ci nei. Ani naw mi ga gui am näng nak pe gui ci, mik mi ah yung kyak ah phäh ah yeikyai nak pe gui ci.

JEREMIAH 25:4

Bawipa naw a changshäm prophet gui k’täi ne ning tüih law gui sei phi nangmi naw kä nami ngai ci, a i ah kä nami sui ci.

ISAIAH 63:10

Cun ung phi ngami naw hnungtuk küknet püi u ne, amumcha Theing cu thüi khai ah cik ci gui. Cun ah kyasei Bawipa cu ami ga ah kya law ne, ani naw ng’tuk püi gus ci.

NEHEMIAH 9:29

Na m’theingthang gui ami läk vai ah thu na k’bäi gui ci, cun ung phi, na thukhän k’pan cu ghin nak ah lam ah kya pang sei phi, Ngami naw chang ah ng’shei ne na thukhän cu hnungtuk ci gui. Lingkeng u ne, ami m’lung ling ne, na thu ngaih vai ah mak ci gui.

NEHEMIAH 9:26

Cun ung phi na chang gui naw ning küknet püi u ne, na ng’thu kä ngai ci gui; Nang ah thukhän cu ng’hlah tak ci gui. Ng’thu k’bäi gui ne, nang ah ami ng’hlah law ba vai ah pyen ah gui ciah prophet gui cu ngami naw ngawn ci gui. Ngami naw leng ba ba ne ning yawshe nak ci gui,

LAMKTU 28:25

Paul naw shin ah a mawng tumat cu pyein khä tah, ami mät gui ng’cuh ng’can u ne, ng’düi law ne hteit ba ci gui. Paul naw, “Mumcha Theing naw, prophet Isaiah ung, nami pupa gui am, am dang cu ni bä bä ci nei!

LAMKTU 13:18

k’pya lün nu ah khokum phli-kip pum ung hnimgei ne khah püi gui ci.

JEREMIAH 44:22

Atuh ngawi ung nami khaw cu di ne ng’zän sei, a cun ung a u kä om ci. Cun cu tengshe khai ah kya lawk ci, chang gui naw aming cu plah taam nak ah mang ci gui, a i ah kyasei ci ung nami cheishoh nak la akshe nami bi nak gui cu Bawipa na kä khan ba hning ci nei.

JEREMIAH 7:25

Nami pupa gui Egypt kho ungka ami law ba ungka naw tuhbäi ung khüt ciah, kei ne ka changshäm gui, prophet gui nangmi am ka tüih law nak cu ka pang lä ci.

SAM 86:15

Cun ung phi, O Bawipa, nang cu chimgein ci la m’hni ciah Khanpughi ah na kyak ci, angtäi sei, na hnimgei ci, na k’dük ci, na bekhüt ci nei.

NEHEMIAH 9:20

Na ni nak awn a i ami bi vai cu nang naw na m’thein gui ci. Nang naw mana m’htut m’bei gui ne ami awk vai tui na pe gui ci.

2 PETER 3:9

Chang amshah ah ngaih ah mäih ah, Bawipa cu a shaitaak ah mäih ah bi abi vai ah kä shokshü ci, chang tumat hta phi kä dimaih ne, chang avan cu cheishoh nak ungka ami ng’hlah law ba vai ah ng’ya hlü ne, hnimgei ne om ci.

KHEI NAK 11:26

Angvai hta chihkip ungka hnih ah kyak ciah Eldad la Medad cu shaum ah kyong ah om ci goi. Kä lut lawk ci goi, a cu ah shaum ah kyong ah mümcha cu ani khan ah gawk law sei, ngani phi prophet ah mäih ah m’lau ci goi.

SAM 95:10

Kho kum phli kip ung cun ah chang gui naw na m’shemshai ci gui nei. Kei naw, ‘Ngami cu kä bekhüt aih ci gui nei! Ngami naw kei ah thumkhän cu kä läk hlük ci gui nei.’

ISAIAH 28:10

Ani naw ca ng’lung päing, ca kiawng päng, amawng päng cu na m’thei gui ci nei.”

ISAIAH 48:9

Chang gui naw ka ming ami m’taam vai ah ka m’lungshe nak cu ka k’üp ci nei: kei naw cun cu k’pang ä sei nangmi kä ning m’di gui khai nei.

ZEKHARIAH 7:12

Ami m’sin phi lung ah mäih ah m’liu sak ci gui. A i ah kyasei ci ung cau pui om ciah prophet gui ung ka pek law gui ah m’theithang nak cu ngami naw kä ngai ci gui, kei cu ka m’lungshe lawk ci nei.

2 GHANGPUGHANG GUI 18:11

Assiria uktubawi naw Israel gui cu Assiria ah pha ne hteh püi gui ne, amshah cu Halah mang gaw ung, amshah cu kozan khopäng Habor tuinu pei ung, amshah cu Media ah mang gaw gui ung tha gui ci.

2 GHANGPUGHANG GUI 21:10

Bawipa naw a changshäm gui prophet gui a pyen nak cu,

2 SHONTÄP NAK 24:19

Bawipa naw prophet gui tüi ne ani ah ami law ba vai ah m’cäi gui ci, cun ung phi chang gui naw ami ngaih vai ah mak ci gui.

EZRA 9:10

“Cun ung phi tuhbäi O Khanpughi, shin gui avan a kyak ei kawn ah keimi ai kami pyen hning khai aw, Nnang ah thumkhän cu kä kami ngai ba mä ci nei.

JEREMIAH 44:4

Kei naw ka changshäm gui prophet gui cu ka ning tüih lawk ci, ngami naw shnah kyihkyawk vai kyak cikei naw ka thüi nak gui cu kä nami bi vai ah ning m’thein gui ci.

JEREMIAH 44:5

Cun ung phi nangmi naw kä nami ngai ci, ai ah kä nami sui ci. Nangmi naw ahei khanpughi gui am khaawihnah ne, akshe nami bilawh cu kä nami chah phung ci.

DANIEL 9:6

Na chang shäm prophet gui cu keimi naw kä kami ngai gui ci, ngami naw nang ah ming awn mi ghangpughang gui, mi uktu gui, mi pupa gui la mi pakhui avan am ng’thu pyen nak ci guii.