NEHEMIAH 9:26 - Cho Bible Common Language 2016

²⁶ Cun ung phi na chang gui naw ning küknet püi u ne, na ng’thu kä ngai ci gui; Nang ah thukhän cu ng’hlah tak ci gui. Ng’thu k’bäi gui ne, nang ah ami ng’hlah law ba vai ah pyen ah gui ciah prophet gui cu ngami naw ngawn ci gui. Ngami naw leng ba ba ne ning yawshe nak ci gui,

NEHEMIAH 9:26 Referans Kwoze

1 GHANGPUGHANG GUI 14:9

Nang naw na ma ung uk man ci gui ah däm pi khai ah katnak na bik ci nei. Nang naw a gup gui, amüi mah gui khawihnah vai ah pyang ne, na hnungtuk püi ne, na na m’lungshe sak ci nei.

NEHEMIAH 9:18

Ngami naw vantang ah a gup cu lawi ne pyang u neta, Egypt ah ka na law püi ba gui ciah Khanpughi nei cik ci gui. Bawipa, nang cu anghtei ah ning shetkat nak ci gui nei!

LAMKTU 7:52

nami pupa gui naw kä ami shedam nak ah profet a u om ne ang? Ngah mi cu Khanpughi ah ng’düng ciah changshäm akyum law vai ah mawng pyein ciah ng’shä gui cu ngawn ci gui nei.

1 GHANGPUGHANG GUI 19:10

Ani naw, “Bawipa, M’gäi ciah Khanpughi, kei naw angtäi sei nang ah bii ka bik ci nei — nang bäng ah bi nei ka bi. Cun ung phi Israel chang gui naw nang ung thukhän cu m’shet u ne, na sonkiang phye u ne, na prophet gui avan ngawn ci gui nei. Kei bäng ka k’pawih ba ci — kei phi na ngawn khai gui ah k’tha nak ci gui nei!” cik ci.

1 GHANGPUGHANG GUI 18:4

Jezebela naw Bawipa ah prophet gui a ngawn gui yah ung Obadiah naw prophet phia cu la gui neta, hma kip ciah hnih ah k’pai gui ne, khui ung thup gui ci, tui ei phi pe gui ci.)

MATTHE 21:35

Lo ng’vat ci gui naw ak changshäm a tüih gui cu pha u netah amshah cu that ne, amshah cu ngawn ne, amshah cu lung awn vawi ne cik ci gui.

EZEKIEL 20:21

Cun ung phi htangshon gui naw phi na chüm ci gui. Läk ciah chang gui am ghin nak pe gui ciah ka thukhän gui cu m’shet u ne, ka thumkhän gui cu kä k’pang ci gui. Ngami naw kyiin hnüüp cu a i ah kä ngai ci gui. Kei naw ng’hüüt ciah ka m’lungshe nak cu bung hmu ah pe gui ge ne, ami van ka ngawn gui ge khai ah ka om ci nei.

SAM 50:17

Ka ning m’cäi phi kä na ng’yak ci, ka thu phi na hnu nak ci.

NEHEMIAH 9:30

Kum law ba kum law ba sei nang naw m’lung sau ne na m’cäi gui ci. Nang naw na prophet gui ami ng’thu vai na m’shum phyuk gui ci, cun ung phi na chang gui cu pang ci gui, cun ah kyasei nang naw a hei pakhui gui am na näng sak gui ci.

2 SHONTÄP NAK 36:16

Cun ung phi ngami naw Khanpughi ah ng’shächang gui cu päipih u ne, ang thu cu a i ah kä ngai u ne, a prophet gui cu gaih tuk ci gui, ak hnu ah Bawipa ah m’lungshe nak ak chang gui hnungtuk püi cicu dämduh aih sei, phyawn nak kä om ba ci.

2 GHANGPUGHANG GUI 21:11

“Ghangpughang Manasseh naw shemshai ci gui cu bik ci, cun gui cu Kanaanit gui ah bi ah ta sheka pi ci; Ani naw a gup gui awn Judah chang gui cu katnak ung hteh püi ci.

1 GHANGPUGHANG GUI 18:13

Nang naw na ng’yak khai nei, Jezebela naw Bawipa ah prophet gui a ngawn gui sang ung, prophet phia cu hmakip ciah k’pai ne lungkhui ung thup gui ne, tui la ei cu ka tumbei gui ci nei.

SUKI GUI 10:6

Israel gui naw Baala la Astarte gui khawihnah u ne, Bawipa cu hnung’tuk püi ne cheishoh ba ci gui, ngami naw Siria, Sidon, Moab, Ammon la Philistia gui ah khanpughi gui phi khawihnah ci gui. Ngami naw Bawipa cu nawng ne, kä khawihnah ba ci gui.

NEHEMIAH 9:29

Na m’theingthang gui ami läk vai ah thu na k’bäi gui ci, cun ung phi, na thukhän k’pan cu ghin nak ah lam ah kya pang sei phi, Ngami naw chang ah ng’shei ne na thukhän cu hnungtuk ci gui. Lingkeng u ne, ami m’lung ling ne, na thu ngaih vai ah mak ci gui.

JEREMIAH 2:30

Kei naw ka ning m’kyuk ci, cun ung phi cun cu kä nik ci; nami ng’düng vai ah kä nami n apian sak ci. Nget ciah phongkawng ah mäih ah nang naw na prophet gui cu na ngawn ci.

JEREMIAH 16:11

Bawipa ah thu pyen cu na m’thein gui vai, nami pupa gui naw kei na ng’hlah ta ne, a hei Khanpughi gui khawihnah ne a bii bik ci gui. Ngami naw na nawng u ne ka m’thein thang cu kä ngai ci gui.

JEREMIAH 32:23

Cun ung phi ngami shin ah khaw ung law ba u ne, shin ami kaa hak awn ah ngami naw nang ah thumichän kä ngai ci gui, na m’theithang ah mäih ah kä om ci gui; nang naw ami bi vai na pyen cu ngami naw kä bik ci gui. Cun ah kyasei ngami ah khan ah shin ah m’dishum nak avan cu na law püi ah kyak ci.

JEREMIAH 42:19

Kei naw k’täi ne, “Egypt ah kä hteit ne Judah khaw ung nami om shüt ciah chang gui am Bawipa naw ning m’thein gui ci nei. Cun ah kyasei kei naw tuhbai ka ning k’bai gui ci,

NG’ÄI KYAH 3:42

Keimi naw hmakat u ne kami ning hnungtuk püi ci nei. Cun ah kyasei nang Bawipa naw kä na na m’geinsei gui ah kyak ci nei.

THULÄÄN NAK 32:14

Ami seipat gui la me gui naw suuktui akda pek ci gui, Nangmi ung htome aknipi, me aknipi, sei ani pi om ci. Ami htang la ami sapyit phi aknipi ah kyak ci.

THULÄÄN NAK 32:15

“Bawipa ah chang gui cu bühmang lawk ci gui, Cun ung phi kütnet ci gui. Ngami cu ei akni awn thau ne plan ci gui, Ngami naw Khanpughi tüisho gui cicu nawng ci M’gäi ciah ami Hunbawi cu hnungtuk püi ci gui.

2 GHANGPUGHANG GUI 21:10

Bawipa naw a changshäm gui prophet gui a pyen nak cu,

JEREMIAH 2:7

Kei naw anglei ni ah kho ung ka law püi gui ci, Acun ung geit ko gui la ahei nik ci gui awn ami yeikyai vai ah kyak ci. Cun ung phi ngami naw ka khaw m’di u ne, kei naw ka pek gui ah khopäng cu Shesham sak ci gui.