NEHEMIAH 9:25 - Cho Bible Common Language 2016

²⁵ Na chang gui naw khäng ciah mang gaw gui, anglei nik ciah khaw, khawh be ciah im gui, cawh pyi ah tui shawk gui, olive sing gui, theih ciah sing gui, la sapyit dum gui cu khäm ci gui nei. Ngami cu ami ei hlü ei u ne plan lawk ci gui; nang naw na pek gui ah akni gui avan awn yeikyai ci gui.

NEHEMIAH 9:25 Referans Kwoze

THULÄÄN NAK 32:15

“Bawipa ah chang gui cu bühmang lawk ci gui, Cun ung phi kütnet ci gui. Ngami cu ei akni awn thau ne plan ci gui, Ngami naw Khanpughi tüisho gui cicu nawng ci M’gäi ciah ami Hunbawi cu hnungtuk püi ci gui.

NEHEMIAH 9:35

Nang naw na pek gui ah ng’shawng ne anglei nik ciah khaw ung ami om yah ung nang ah hriham awn ghangpughang gui naw na chang gui cu uk ci gui; Cun ung phi ngami cu katnak ungka kä ng’hlat law ba ci gui, na bii phi kä bik ci gui.

THULÄÄN NAK 3:5

Shin ah gawnu gui avan cu a hlüng ah ami vongpang ah kyak ci. M’kawt gui, shoh khai nak ah htung gui awn akhüih ah ami pyan ah kyak ci. Kä ami vong ah pigaw gui phi akda om ci.

HOSEA 3:5

Cun ung phi Israel chang gui cu Bawipa ami Khanpughi la ami ghangpughang David ah htangshon ah ami ng’hlah law ba nak vai ah akhin cu gawk lawk khai nei. Cun kawn ah ngami naw Bawipa cu kyih aa u ne ani ah m’cümhnah akni cu gah khai gui nei.

EZEKIEL 20:6

Acun ah khin ung kei naw Egypt ungka ka la ba gui khai ah shaitak ne, ngami ah phäh ah ka ghü ah khaw ung ka hteh püi ba gui khai ah ka pyen ci, cun cu ng’büh mang ne ang lei nik ci, khaw avan ung aknipi ah kyak ci.

1 GHANGPUGHANG GUI 8:66

Ak hnüüp cheit hnüüp ung Solomon naw chang gui ami im ah tüi ba gui ci. Bawipa naw akchang David la akchang gui Israel gui am a pek gui ah hriham avan ah phäh ah ngami naw ani cu m’hlümtai u ne im ah zeikia u ne hteit ba ci gui.

THULÄÄN NAK 32:13

Ani naw khongyuung khaw-gui cu uk sak gui ci, Nami naw khaw ungka tho cicu ei ci gui. Ngami naw lungsheng ung khoishing hmuk ci gui, Ami oliv-sing naw lung la m’dek cu cüiche ci.

ROMAN 2:4

Kä cun ung Khanpughi ah chimgein nak, m’lung sau nak la hnimgei nak gui cu a i ah kä na sui ci maa! Khanpughi naw nang cu nang yu ba vai ah lam ning m’shüm ne, a ning m’gein ah mawng cu, nang naw akcang ah na hmat ci nei.

HOSEA 13:6

Cun ung phi nangmi khaw k’ni ung nami luh law kawn ah nangmi cu phü ne ng’büh law u ne, chang ah ng’shei law u ne kei cu nami na m’hnih ci.

JEREMIAH 31:14

Kei naw taigü gui cu ei akni pi awn be sak gui ne, ka chang gui ung hlü ci gui avan cu Kei, Bawipa naw ka pyen nei.”

ISAIAH 6:10

Cun kawn ah ani naw kei am, “Shinah chang gui ah ami m’lung cu awng sak gui ne, amik hnga pang sak gui ne, ami mik m’dauh sak gui ä, cun ung ngami naw a i kä hmu ne, a i kä ng’ya ne, a i kä hmat ne kyak khai gui. Ami hmuh ng’yak ah a kyak ung kei ah ng’hlat law u ne, teek gai khai gui.”

SAM 65:11

Na ni nak awn bühmang nak na pek cu däm aih ci nei! Na hteh nak päng ah ei mang vai da ci.

NG'THU K'THUUK~ 30:9

Kei naw akdäm ka tak ung kei naw nang kä ka ning ya hlük ciah ka pyen khai. Kei ka dukhaih ah a kyak ung kei cu m’gu ne ka Khanpughi ah khan ah thüisei nak ka law püi khai nei.

ISAIAH 63:7

Bawipa ah kä shum ciah am hni nak cu kei naw ka pyen khai nei; Mikmi ah phäh ah abi gui avan ah hmawk ah kei naw ka m’hlüng tai ci nei. Ani naw a chimgein nak la a m’hni nak awn Israel chang gui cu bämang khai ah hriham pe gui ci.

DANIEL 11:24

Ani naw kä pyen sak ah bühmang ciah khopäng tumat cu tu ne khäm ne, apupa gui ah kä bi man cu bik khai. Ani naw ng’tuk nak ung a gah ah khawh gui cu a hnu ah läk ci gui am tei gui khai. Ani naw mang gaw paang gui tuk khai ah pawng khai, cun ung phi ani ah khin cu a shäng pyi khai.

THULÄÄN NAK 32:14

Ami seipat gui la me gui naw suuktui akda pek ci gui, Nangmi ung htome aknipi, me aknipi, sei ani pi om ci. Ami htang la ami sapyit phi aknipi ah kyak ci.

1 GHANGPUGHANG GUI 14:9

Nang naw na ma ung uk man ci gui ah däm pi khai ah katnak na bik ci nei. Nang naw a gup gui, amüi mah gui khawihnah vai ah pyang ne, na hnungtuk püi ne, na na m’lungshe sak ci nei.

SAM 105:44

Ani naw chang khuihei gui ah khaw cu ngami am pe gui ne, ami kho hmun phi lak sak gui ci,

JEREMIAH 2:7

Kei naw anglei ni ah kho ung ka law püi gui ci, Acun ung geit ko gui la ahei nik ci gui awn ami yeikyai vai ah kyak ci. Cun ung phi ngami naw ka khaw m’di u ne, kei naw ka pek gui ah khopäng cu Shesham sak ci gui.

JEREMIAH 32:23

Cun ung phi ngami shin ah khaw ung law ba u ne, shin ami kaa hak awn ah ngami naw nang ah thumichän kä ngai ci gui, na m’theithang ah mäih ah kä om ci gui; nang naw ami bi vai na pyen cu ngami naw kä bik ci gui. Cun ah kyasei ngami ah khan ah shin ah m’dishum nak avan cu na law püi ah kyak ci.