NEHEMIAH 9:22 - Cho Bible Common Language 2016

²² “Nang naw na näng sak gui ci, ami pakhui khaw gui, uknak khaw gui, cun ah kho gui cu ami mät ah kho ung khogii ci gui. Sihon ah uk Heshbon khaw, Og ghangpughang ah uk ah Bashan khaw gui cu ngami naw khäm ci gui.

NEHEMIAH 9:22 Referans Kwoze

SAM 105:44

Ani naw chang khuihei gui ah khaw cu ngami am pe gui ne, ami kho hmun phi lak sak gui ci,

SAM 78:65

Ak hnu ah Bawipa cu ip te ciah chang ah mäih ah, sapyit tui aw te ciah chang m’gäi ah mäih ah tho law ba ci.

JOSHUA 11:23

Joshua naw khaw avan khäm ci, cun cu Bawipa naw Moses am a thumkhän ah kyak ci. Joshua naw Israel gui am ami kaa nak vai ah pe gui ne, tän ne k’bou gui ci, khui ät naw bung ät ci gah ci gui. Cun ah kia ne chang gui cu ng’tuk nak ungka ng’düm ci gui.

JOSHUA 10:11

Amorit gui cu Israel gakap gui phlän ne dawng u sei, Azekah ah ami dawng nak ah lam pum ung Bawipa naw gäilung nu gui awn yuk chah shi gui ci. Akda pi cu Israel gui ah ngawn gui ah ta, gäilung ah ngawn gui ah kyak ci.

THULÄÄN NAK 32:26

Kei naw htin khai ah kam di gui khai. Cun ung a u naw ngami kä shüm ba gui khai.

THULÄÄN NAK 1:4

Cun cu Bawipa naw shin ah ghangpughang gui a hniim gui awn ah kyak ci. Amorit ghangpughang Sihon, ani naw Heshbon gawnu uk te ci. Bashan ghangpughang Og, ani naw Ashtaroth la Edrei uk te ci.

EZEKIEL 20:28

Kei naw ka pek gui vai ah shaitak ka bi ah khaw ah ka hteh püi gui ci. Ngami naw khomhtung hlüng gui la sing ghing m’kim gui ami hmuh law ung ngami naw cun gui ami van am khawihnah nak cu douthak ci gui. Ngami naw khawihnah m’khih ami douthak nak la sapyit tui douthak vai ah ami law püi nak awn kei cu na m’lungshe sak ci gui.

THULÄÄN NAK 4:47

Ngami naw ani ah khaw khäm u ne, Bashan ghangpughang ah khaw phi khäm ci gui. Ani cu Jordan ak kiangtäng ung om ciah Amorit ghangpughang tumat ah kyak ci.

JEREMIAH 27:5

“Dämduh ciah ka huham la ka thamah nak awn kei naw khomdek khan, changpakhui gui la khomdek khan ah om ciah khisa avan cu ka tüi pyang ci; cun cu kei naw ka ghü ah chang tumat mat am ka pek ci.

JEREMIAH 32:23

Cun ung phi ngami shin ah khaw ung law ba u ne, shin ami kaa hak awn ah ngami naw nang ah thumichän kä ngai ci gui, na m’theithang ah mäih ah kä om ci gui; nang naw ami bi vai na pyen cu ngami naw kä bik ci gui. Cun ah kyasei ngami ah khan ah shin ah m’dishum nak avan cu na law püi ah kyak ci.