NEHEMIAH 9:15 - Cho Bible Common Language 2016

¹⁵ “Ei ami cawi ung khankho ah ka m’htut na pe gui ci, Tui ami gha ung lungnu ungka tui na pe gui ci. Nang naw na pek gui vai ah shai na tak khaw cu ami khäm vai ah nang naw na pyen na gui ci.

NEHEMIAH 9:15 Referans Kwoze

THULÄÄN NAK 1:8

Shin ah khaw avan cu kei Bawipa naw nami pupa gui Abraham, Issak, Jakob la ami htangshon gui am ka pek ka shaitak ah kyak ci. Hteit ne khäm vä.”

PHYAWN NAK 17:6

Sinai m’htung naw lungsheng khan ah ma ah ka ng’düi khai nei, cun ah lung cu na thah ung, tui lut lawk khai, chang gui naw awk khai gui” cik ci. Moses naw Israel ang vai gui ah ma ah a cun ah bik ci.

PHYAWN NAK 16:4

Bawipa naw Moses am, “Tuhbäi nami van ah hmawk ah khankho mik ungka, ei khaw ka aa law sak khai nei. Chang gui cu a cu ah a hnüüp tä hteit u ne, ami ng’büh nak vai ah ei cu lak khai gui. A cu cha ah ka m’cäi nak ami läk la kä cun cu ka hmuh vai ah kei naw ka m’nüm gui khai nei.

EZEKIEL 20:15

Cun ah kyasei kei naw ka pek gui ah khaw, ng’büh mang ne anglei nik ci, khaw avan ung ni pikbäih ciah khaw ah kei naw kä ka hteh püi gui khai ah bung hmu ah kei naw shaitak ka bik ci.

SAM 114:8

Ani naw lung k’song cu tui shawk ah kyak sak ne, k’tou lung cu tui htalawng ah kyak sak ci.

THULÄÄN NAK 8:3

Ani naw ning cawi sak gui ci, cun kawn ah nami ei vai mana m’htut ning pe gui ci. Cun cu nangmi la nami pupa gui naw kä nami ei man ah kyak ci. Ani naw shin ah bi ne a ning m’theithang gui cu, chang cu m’htut bäng ung ng’khüng ne ghing ciah kä kyak ci.

NEHEMIAH 9:20

Na ni nak awn a i ami bi vai cu nang naw na m’thein gui ci. Nang naw mana m’htut m’bei gui ne ami awk vai tui na pe gui ci.

KHEI NAK 14:30

Cä ah nami om khai ah kei naw shai katak ci, cun ung phi Kaleb la Joshua ah kawn ah a u phi kä nami om tuk khai.

ATÜNNAK 14:22

Abram naw, “Khankho la khomdek tüisho ciah A hlüngtai Pikbäih Khanpughi Bawipa ah ma ah akni ah ka ng’kiaa pyi ci nei,

PHYAWN NAK 6:8

Abraham, Isaak la Jakob ni am ka pek gui vai ah, ang müi ah ka shaitak ah khaw ung, nangmi cu ka ning hteh püi gui khai; cun cu nami mät ah khaw ah kyak khai ah ka ning pe gui khai. Kei cu Bawipa nei” cik ci.

PHYAWN NAK 17:3

Cun ung phi chang gui cu tui gha law aih u neta, Moses ah ma ah ng’thu m’da lä ci gui. Ngami naw, “A i ah kyasei Egypt khaw ah kaa na na law püi gui ang? Kami hmaw gui la kami seime gui, kami van tui na gha sak gui ne, na na ngawn gui yawp khai ma? cik ci gui.

ISAIAH 48:21

Bawipa naw a chang gui cu ng’ling ciah khong’gau akan law püi gui yah ung ngami cu tui kä gha ci gui. Ani naw ngami ah hmawk ah lung pou ung ka tui cu luh law sak ci; Ani naw lung cu teek ne ng’hmawn sak sei, acun ung ka tui lut lawk ci.

JEREMIAH 32:23

Cun ung phi ngami shin ah khaw ung law ba u ne, shin ami kaa hak awn ah ngami naw nang ah thumichän kä ngai ci gui, na m’theithang ah mäih ah kä om ci gui; nang naw ami bi vai na pyen cu ngami naw kä bik ci gui. Cun ah kyasei ngami ah khan ah shin ah m’dishum nak avan cu na law püi ah kyak ci.