NEHEMIAH 9:14 - Cho Bible Common Language 2016

¹⁴ Na ng’chiin nak hnüüp cu theingcim khai ah ami k’pan vai ah na m’theingthang gui ci, Na ng’thukhän gui cu na changshäm Moses ung na pe gui ci.

NEHEMIAH 9:14 Referans Kwoze

EZEKIEL 20:12

Kami ng’lak ung yum ät nak m’hnüt nak ah kyiin hnüüp cu ami k’pan vai ah ka pyang gui ci. Acun naw ngami theingcim sak gui ciah kei, Bawipa cu shüm sak gui khai.

ATÜNNAK 2:3

Khanpughi naw cun ah a chih hnüüp cu phyisä ne theingciim sak ci. A i ah kyasei ci ung cun ah hnüüp cu a tüisho a pyi phleh nak la angdüm nak ah kyak ci.

EZEKIEL 20:20

Kyiin hnüüp cu Theingcim ciah hnüüp ah pyang vä, cun ung cun cu mikmi ah bi ah thukhän m’hnüt nak ah kyak khai nei, cun naw kei, Bawipa nami na Khanpughi ah ka kyak cu ning shüm sak gui khai nei.

PHYAWN NAK 16:29

Nami shüm ba vai, kei, Bawipa naw, düm nak hnüüp ka ning pe gui ci, cun ah kyasei a chuk hnüüp ung, kei naw hnüüp goi nami ei vai ka ning pe gui khai. A chih hnüüp ung van a om vai, a u naw im kä a phlän en vai” cine m’thein ci.

PHYAWN NAK 16:23

Ani naw ngami am, “Bawipa naw thumkhän ci, ngawi ung cu ng’düm nak ah hnüüp theing, ani ung ng’ap nak ah hnüüp ah kyak ci. Tuh ngawi nami ng’shai vai cu ng’shai ne, nami shon vai cu nami shong vä. K’pawih ci phung cu gim hnga ne ngawi ung ah hmawk ah nami gim vai” cine pyen na gui ci.

JOHAN 1:17

Khanpughi naw Thukhän cu Moses ung na pe gui ci, cun ung phi geinsei nak la düng nak cu Jesuh Chrit ung na pe gui ci.

NEHEMIAH 1:8

Moses a pyen nak cu tuhbäi shüm ba vä, ‘Nangmi Israel chang gui kei ung kä nami bekhüt ah a kyak ung changpakhui hei gui ah ng’lung ah ka ning püipyang sak gui khai.

THULÄÄN NAK 5:31

Cun ung phi nang Moses cu kei awn a täng ah shin ung na om vai. Kei naw ka thukhän gui la thumkhän gui cu ka ning pek khai nei. Chang gui am m’theithang gui ä, cun ung kei naw ka pek gui vai ah khaw ung ngami naw läk khai gui nei.

THULÄÄN NAK 4:45

Cun cu Egypt khaw ungka ami law kawn ah Jordan tuinu ak kiangtäng khaw nawi, Bethpeor gawnu ah akga ung ani naw shin ah thukhän gui cu a pek gui ah kyak ci. Cun cu Amorit ghangpughang Sihon ah khäm ah khopäng kyong ah kyak ci. Ani naw Heshbon gawnu ung om ne uk ci. Moses la Israel chang gui naw Egypt ah kaa ami law sang ung ami hniim ah kyak ci.

THULÄÄN NAK 4:5

“Bawipa ka Khanpughi naw ka bi vai ana m’thein ah mäih ah thukhän avan ka ning m’thein gui ci. Nangmi naw tu ne khäm ne nami om law nak vai ah khaw ung cun gui cu nami läk vai.

TAIGÜTHUM 27:34

Shin cu Bawipa naw Moses am Sinai M’htung khan ah Israel chang gui ah hmawk ah a pek ah thumkhän gui ah kyak ci.

PHYAWN NAK 24:12

Bawipa naw Moses am, “M’htung khan ah ka om nak ah hang kai law ä, shi ah na om yah ung, lung palap hnih ka ning pek khai. A cun ung chang gui m’shüm thein nak ah thukhän avan cu ka guk nei” cik ci.

TAIGÜTHUM 19:3

Nangmi a chang sing naw nami nu la nami pa cu nami chang m’sui vai. Kyin hnüüp cu nami k’pan khek vai. Cun cu thumkhän ka ning pek gui ah kyak ci. Kei cu Bawipa nami Khanpughi nei.

NEHEMIAH 10:32

Keimi tumat ci naw akum tä sei ngui karam ak hma ci kami pek ci, Taigüim ung mang vai ah bawm nak pek ah kyak ci.

EZEKIEL 20:11

Kei naw ka thumkhän gui pe gui ne, ka thukhän gui ka m’thei gui ci, acun gui läk ciah chang phung cu ghin nak ung hteh püi ci.