NEHEMIAH 9:12 - Cho Bible Common Language 2016

¹² Khaw hnüüp yah ung khongmei awn lam shüm gui ne, khaw amü law ung ami lam cu mei awn na shü gui ci.

NEHEMIAH 9:12 Referans Kwoze

NEHEMIAH 9:19

Na chimgein nak cu dämduh ci kyasei, khaw ng’gau khaw ung nang naw kä na nawng shüt gui ci. Mü la hnüüp ung lam shüm gui ciah ng’mei la khongmei cu nang naw kä na nawt heng ci.

SAM 143:8

Nang ung ka zumhtek vai ah hmawk ah kho ngawi tä sei, ng’täi ciah na m’hni nak cu na m’thein ä. Ka taigü nak cu nang ah gawk ci nei; ka hteh nak vai ah lam cu na m’hnuh ä.

SAM 107:7

Ani naw ami om nak vai ah mang gaw ah düng ciah lam ung hteh püi gui ci.

SAM 105:39

Khanpughi naw a chang gui ah khan ah ng’mei ng’von sak ne, mü ah dei gui khai ah mei pe gui ci.

SAM 78:14

Kho hnüüp ah ng’mei awn lam shüm gui ne, khomü pum ung mei awn khang gui ci.

PHYAWN NAK 15:13

Na shaitak ung na bekhüt ci, na gun ah chang gui cu lam na m’shüm gui ci; na thamah nak awn na khaw theing ah na hteh püi gui ci.

THULÄÄN NAK 1:33

Ani cu angtäi sei nami ma ung hteit ne, nangmi hmawk ah shaum pigaw nami co nak vai ana shui ci. Lam ning m’shüm gui khai ah khawmü ah mei däi ah kya ne, khaw hnüüp ung mei von ah kya ne nami ma ung hteit ci.

KHEI NAK 9:21

A hnü ät ung khaw ng’mei cu mühun ung tün ne a ngawi ung khaw ngawi güt bäng om ci. Ngami cu khaw ng’mei ang liim nak ah hteit tuk ci gui. A hawi ah phi khawng mei ang liim nak päng ah ngami cu hteit tuk ci gui.

EZEKIEL 20:6

Acun ah khin ung kei naw Egypt ungka ka la ba gui khai ah shaitak ne, ngami ah phäh ah ka ghü ah khaw ung ka hteh püi ba gui khai ah ka pyen ci, cun cu ng’büh mang ne ang lei nik ci, khaw avan ung aknipi ah kyak ci.