NEHEMIAH 9:1 - Cho Bible Common Language 2016

^1-2 A cun ah cha a hnüüp m’ku lei phli nak ung Israel chang gui cu ami hmakat nak thüi ne ami ng’yu ba ah mawng ami m’dang nak ah ei hlawi khai gui ah ng’bum ci gui. Ngami cu akhui hei chang van ami van awn ami mät ng’pai pyi ci gui ah kyak ci. Ngami cu ami thüisei nak dang khai ah suishe sui ne, ami lu khan ah m’vut tha u ne kyak ci gui. Cun kawn ah ng’düi law u neta ami mät la ami pupa gui ah m’cheishoh ah hmakat nak gui cu ng’yu ba ci gui.

NEHEMIAH 9:1 Referans Kwoze

NEHEMIAH 8:2

Ezra naw cun cu la neta chang gui ami ng’bum nak ah hmun ah — pami, hnumi, a hmaw gui van hmat thei khai ah ng’vai ci phung;

EZRA 8:23

Cun ah kyasei keimi cu Khanpughi naw ana shungvong gui vai ah ei hlawi ne kami taigü ci, ani naw kami taigü na m’shang gui ci.

JOSHUA 7:6

Joshua la Israel ng’vai gui cu ami sui k’teek ne thüi u ne, Bawipa ah Thukhän M’küm ah ma ah kawp u ne, ami thüi ami m’dang nak ah m’vut awn ami lu bu u ne, mühun güt acun ung ng’yän ci gui.

1 SAMUEL 4:12

Benjamin pakhui ung ka chang tumat cu ng’tuk nak ah hmun ung ka Shilon ah khüt ne dawng law ba ci, a cu hnüüp gawk law ba ci. A thüi aih am dang nak ah, a sui k’teek ne, a lu khan ah m’dek tha ci.

ISAIAH 22:12

Uktu m’gäi ciah Bawipa naw, thüisui sui ne, nami lu k’teiu ne, nami thüi kyah vai ah ning khü gui ci nei.

JOB 2:12

Ngami naw Job cu ashou nak ah ka naw hmu u ne phi ka hmat ba ci gui. Ani hmu law u neta ngami cu thuikyap ci gui. Ami sui teek ne kyap u ne m’vut phyang ne ami lu bu ci gui.

ESTA 4:16

“Hteit ne Jew gui avan Susa ung k’bum gui ä. Ei hlawi ne kei ah phäh ah taigü vä. Hnüüp thum la mü thum ung ei kä nami ei, tui kä nami awk en vai nei. Kei la ka changshäm hnumi hta gui phi acun ah kami bik khai nei. Cun kawn ah shin cu thukhän awn a hnungtuk ung phi, kei cu ghangpughang ah ka hteit khai. Shin bi ah phäh ah sih vai a kyak ung phi ka sik khai nei” ciah kyak ci.

ESTA 4:3

Khaw päng avan ung ghangpughang ah thu ng’shäu cu hmat u neta, Jew chang gui cu thüikyap ci gui. Ngami cu ei hlawi u ne, kyap ne m’lau ci gui, Akda pi cu suishe sui ne m’vut ung ng’yän ci gui.

2 SHONTÄP NAK 20:3

Jehoshaphat cu kyikyawk neta, Bawipa naw lam am shüm vai ah taigü ci. Ami khopäng avan ung chang gui ei hlawi ne ami taigü vai ah thu k’bäi ci.

2 SHONTÄP NAK 7:10

cun kawn ah a cha chih nak ah hnüüp m’ku lei thum hnüüp ung Solomon naw chang gui cu ami im ah tüi ba gui ci. Israel chang gui ni, David la Solomon ni am Bawipa naw a pek gui ah hriham avan ah phäh ah ngami cu yeikyai ci gui.

2 SAMUEL 1:2

A ngawi ung Saul ah phung ung ka chang nong tumat gawk lawk ci. A thüi am dang nak ah, a sui gui cu shum ne, alu ung m’dek awn bu ci. Ani cu David ah hteit ne m’dek ung bop ne chang m’sui ci.

SUKI GUI 20:26

Cun ung Israel chang gui ami van Bethela ah hang kai u ne kyap ci gui. Ngami cu a cu ah Bawipa ah ma ah ngaw u neta mühun güt ung ei kä ei ci gui. Ngami naw hmuhchum douthak nak cu douthak u ne, khawihnah nak along ah m’khih u ne, cun gui avan cu Bawipa ah ma ah bik ci gui.

TAIGÜTHUM 23:39

Nangmi naw nami lo ung geit nami khäm law ah a kyak ung, shin ah pawi cu hnüüp chih ung nami bi vai, a cha chih nak ah a hnüüp gha lei hma hnüüp ung nami tün vai. A hnüüp ät nak cu ng’düm nak vai ah aktung hnüüp ah kyak khai.

THU PHLAAN 11:3

Kei naw ka saksi pahnih ka tüi lawk khai nei. Ngani cu ng’yu nak sui sui ni ne, hnüüp 1, 260 ah kyong ung Khanpughi ah ng’thu cu shäu khai goi nei,” cine pyein ci.

1 SAMUEL 7:6

Cun ah kyasei ami van Mizpah ung lawk ci gui. Ngami naw Bawipa am douthak nak ah, tui than ne k’peh u ne, cun hnüüp mü ne ei hlawi ci gui. Ngami naw, “Mikmi cu Bawipa hnu ng’tuk püi ne mi hma ci nei” (Israel gui ah lung ah Samuel naw abi nak cu Mizpah ah kyak ci)

EZRA 8:21

Cä ah Ahava tui cawh pei ung mik mi ah phäh ah tuhbäi ka pek ci. Mi van ei hlawi ne mi Khanpughi ah ma ah m’lung mi ng’neim sak khai. Mihteh nak ah lam ung ma ana tawn gui vai ah mi k’thäh khai. Mi mät mi hta nau gui la mi khawh cham avan ana shungvong gui vai ah,

JOEL 2:12

“Cun ung phi tuhbäi, Bawipa naw pyen ci, Ei hlawi nak la thüi kyah nak awn, M’lung neim sak ne ng’yuu ba ne, kei ah ng’hlat law ba vä.