NEHEMIAH 8:9 - Cho Bible Common Language 2016

⁹ Chang gui naw thukhän ah akthäh cu ng’ya u neta, hnün aih u neta kyap ci gui. Cun ah kyasei Nehemiah uktubawi, Ezra taigü la thukhän hmuhmat ci, thukhän phlan ciah Levit gui naw chang avan am m’thein ci gui, “Tuhngawi cu Bawipa nami Khanpughi ah theingcim ciah hnüüp ah kyak ci, cun ah kyasei kä nami thüi vai, kä nami kyah vai.

NEHEMIAH 8:9 Referans Kwoze

NEHEMIAH 7:70

Taigüim m’thawh ba nak vainak a phu cu bawm nak vai ah akda naw pek gui cu: Uktubawi 270 ghui ounces 50 Khawihnah nak ung mang ah khawk 530 Taigü gui ah suinu ng’zuung Pahta ng’vai gui naw 168 Ghui kilogram 1, 250 Ngui kilogram Ahei chang gui naw 168 Ghui kilogram 140 Ngui kilogram 67 Taigü gui ah suinu ng’zuung

NEHEMIAH 7:65

Jew uktu naw ngami ung ka Urim la Thummim mang hning ciah taigü kä a om pha ah chuih Khanpughi am douthak ah ei kä ami ei tu vai ah pyen na gui ci.

THULÄÄN NAK 12:12

Ani ah ma ah nami yeikyai vai, nami hta nau gui, nami changshäm gui la nami gawnu ung om ciah Levit gui awn a täng ah; Levit gui ung ami mät ah kaa vai khaw kä om ci, cicu nami shüm ba vai.

NEHEMIAH 8:2

Ezra naw cun cu la neta chang gui ami ng’bum nak ah hmun ah — pami, hnumi, a hmaw gui van hmat thei khai ah ng’vai ci phung;

THULÄÄN NAK 16:11

Bawipa ah ma ah yeikyai vä, nami hta gui, nami changshäm gui la Levit chang gui, a khaw hei chang gui, hmei hta gui, hmeinu gui, nami gawnu ung om ci gui a täng ah yei vä. Cun cu khawihnah nak hmun tumat ung bi vä.

ISAIAH 61:3

Thüikyah nak ah hnün ung yei kyak nak la hüithäw nak, A yä ci gui am m’hlüngtai nak ah ngäi cu, Zion ung thüi kyap kyap ci gui am pek gui vai nei. Ngami cu Bawipa amät naw ang lin ah sing ghing ah mäih ah kyak khai gui. Ngami ami van naw hman ci cu bik khai gui. Ani naw abi ah phäh ah khanpughi cu m’hlüng tai khai gui.

THUSHÄUTU 3:4

Ani naw m’hnüt ci, Thüi kyah nak ah akhin la yeinak ah khin om ci; Thüi kyah nak ah khin om ne, ng’lam nak ah khin om ci;

EZRA 2:63

Jew uktu naw a pyen nak gui cu, ngami ung ka Urim la Thummim mang hning ciah taigü kä ah om pha ah chuih ngami naw khanpughi am douthak ah ei cu kä ei khai gui, ciah kyak ci.

THULÄÄN NAK 12:7

Acun ah hriham ning pe gui ciah Bawipa nami Khanpughi ah ma ah nangmi la nami kyong chang gui naw nami bi ah hmawk ah akni gui cu ei u ne nami yeikyai khai.

ROMAN 7:9

Kei ka mät phi thukhän cu kä ka hmat man ci, thukhän ka hmat law vai am tün ne, katnak cu kei ung ghing lawk ci.

ROMAN 3:20

Thukhän läk nak awn a u chang phi Khanpughi ah maa ah kä ng’düng hlawt ci; Thukhän cu chang gui ah shetkat nak dang sak ciah kyak ci.

MALAKHI 2:13

Shin ung ahei nami bi om ba ci, Nangmi naw Bawipa ah mang kyang cu ng’phlitui la thüikyah nak awn nami lin ci. Cun ah kyasei nami law püi ah pek tak cu ani naw kä dou ba ci.

HOSEA 4:6

Kei ah ka chang gui cu ng’yiin ci gui. A i ah kyasei ci ung ngami naw kei cu a i ah kü na ngai ci gui. Nami taigü gui naw kei ami na shüm vai ah na ngai ci gui, kei ah m’theithang cu hnungtuk ci gui, acun ah kya sei, kei naw ning hnungtuk gui ne, nami hta gui cu ka taigü gui ah kä ka ngai gui khai.

NEHEMIAH 12:26

Shin ah chang gui cu Jehozadak ah tu Joshua ah hta Joiakim ah akhin, uktu Nehemiah ah akhin, taigü thukhän hmat ciah Ezra ah akhin ung om ci gui ah kyak ci.

NEHEMIAH 10:1

Ak htük bäi ung m’hnüt nak guk cicu uktubawi, Hakaliah ah hta Nehemiah, cun kawn ah Zedekiah naw guk ci. Cun kawn ah shin gui naw phi guk ci gui: Seraiah, Azariah, Jeremiah, Pashhur, Amariah, Malchijah, Hattush, Shebaniah, Malluch, Harim, Meremoth, Obadiah, Daniel, Kinnethon, Baruch, Meshullam, Abijah, Mijamin, Maaziah, Bilkai, and Shemaiah, Azariah ah hta Jeshua, Henadad pahta Binnui, Kadmiel, Shebaniah, Hodiah, Kelita, Pelaiah, Hanan, Mika, Rehob, Hashabiah, Zakkur, Sherebiah, Shebaniah, Hodiah, Bani, la Beninu. Parosh, Pahath, Moab, Elam, Zattu, Bani, Bunni, Azkad, Bebai, Adonijah, Bikvai, Adin, Ater, Hezekiah, Azzur, Hodiah, Hashum, Bezai, Hariph, Anathoth, Nebai, Makpiash, Meshullam, Hezir, Meshezabela, Zadok, Jaddua, Pelatiah, Hanan, Anaiah, Hoshea, Hananiah, Hasshub, Hallohesh, Pilha, Shobek, Rehum, Hashabnah, Maaseiah, Ahiah, Hanan, Anan, Malluch, Harim and Baanah.

EZRA 7:11

Artaxerxes naw Ezra am shin ah ca cu pek ci, Ezra cu taigü, cüvai chang Bawipa naw Israel gui am a pek ah thukhän gui la thumkhäm gui avan yüm yüm cu hmat ciah kyak ci.

2 SHONTÄP NAK 35:3

Ani naw shin ah m’shümthein nak gui cu Levit gui, Bawipa ung ap ah Israel saya gui am m’thein gui ci: “Theingthap ciah Thukhän M’küm cu David ah hta Ghangpughang Solomon ah cawh ah Taigüim kyong ah tha vä. Nangmi naw shin a hmun päng ung nami hteh püi shüi shüi vai kä kya ba ci, cun ung phi nami Khanpughi Bawipa la Israel a chang gui ah bii nami bi vai ah kyak ci.

2 SHONTÄP NAK 34:21

“Nang mi hteit ne kei la Israel la Judah ung om ba ciah chang gui ah phäh ah Bawipa cu ng’shi thäh vä. Shin ah ca-uk ung mi ng’theithang ah mawng cu nami shui vai. Bawipa naw na m’lungshe na gui ci, a i ah kyasei ci ung mi pupa gui naw Bawipa ah ng’thu kä ngai ci gui, shin ah ca-uk naw bi vai a pyen cu kä bik ci gui.”

2 SHONTÄP NAK 34:19

Ghangpughang naw ca a phat cu ng’ya neta, a sui gui shum ne, thüi neta

2 SHONTÄP NAK 30:22

Levit gui naw Bawipa khawihnah nak cu akni ah ami bi ah phäh ah Hezekiah naw m’hlümtai gui ci. Ami pupa gui ah Khanpughi Bawipa m’hlümtai nak ah khawihnah nak douthak nak a hnüüp chih kawn ah,

2 SHONTÄP NAK 15:3

Khawkum akshou ung Israel gui cu Khanpughi akcang awn kä om u ne, m’theithang gui khai taigü gui phi kä om sei, thukhän phi kä om sei om ci gui.

2 GHANGPUGHANG GUI 22:19

Nang cu ng’yuu ba ne, kei ah ma ah na m’lung na ng’neim sak ci, kei naw Jerusalem la a chang gui, ka m’kyuk gui khai, cicu ng’ya neta na sui k’teek ne, na kyap ci. Kei naw cun cu kyihkyawk vai ah ka bik khai, shin ah hmun ah aming cu chang gui naw plah tam nak ah mang khai gui. Cun ung phi nangmi ah taigü cu kei naw ka ng’yak ci,

2 GHANGPUGHANG GUI 22:11

Ghangpughang naw ca uk a phat cu ng’ya neta, ani naw thüi ne a sui k’teek neta,

THULÄÄN NAK 26:14

Kei ka thüi kyah yah ung cun gui api phi kä ka ei ci, kei kä ka theingthap yah ung cun gui api phi ka im ah k’pung ah kä ka hteh püi ci. Cun gui ungka api hta phi aksi ah hmawk ah kä ka douthak ci. Ka ning läk ci nei Bawipa, Bum gha bum ät ah mawng ung nang naw nang thumkhän a päng cu ka bi pyi ci nei.

JAMES 4:9

Thüisei vä, kyap m’lau vä; nami gaih nak cu, kyah nak ah ng’lat sak vä! Nami yei nak cu thüi nak ah ng’lat sak vä!