NEHEMIAH 8:8 - Cho Bible Common Language 2016

⁸ Ngami naw Khanpughi ah thukhän cu k’phlan ne cun cu pyen u sei, chang gui naw hmat thei ci gui.

NEHEMIAH 8:8 Referans Kwoze

LAMKTU 28:23

Cun ah kyasei ngami cu Paul awn hnüüp ng’nüt u netah, ami ng’nüt nak ah hnüüp ung chang akda Paul ah om nak ah gawk law ci gui. Paul naw kho ngawi ah tün ne, mühun nah khüt khai ah khanpughi ah uknak ah mawng Thu Ni cu m’thein gui ci. Bawipa Jesuh ah a mawng cun phi, Moses ah thukhän la prophet gui ah cacim gui awn küm khai ah, ngami naw ami yum tu vai ah k’tha nah ne m’thein tu gui ci.

LUKA 24:45

Cun kawn ah ang düihpüi gui naw cacim ami hmat vai ah ami m’lung cu hmawn pe gui netah,

LUKA 24:32

Ngani naw lam ah ana ng’htau püi goi yah ung phi bäi, cacim ana m’thein goi yah ung bäi, m’lung kyong ah mei däi ciah mäih ah kiak ci nei, cine ani mät ng’htau ci goi.

LUKA 24:27

Cun kawn ah Bawipa Jesuh naw, Messiah ung tün ne profet gui naw, ngami ah mawng ami guk ah cacim gui cu tän ne pyein ne m’thein goi ci.

HABAKKUK 2:2

Bawipa naw shin ah na m’shang ci: “Chang naw akni ah a phat hning vai ah ka ng’thu m’than cu lung ng’htei khai ah na guk vai nei.

EZRA 4:18

“Nami na pek law ah ca cu k’phlan ne phat ne na m’thein ci gui nei.

NEHEMIAH 8:7

Cun kawn ah ngami cu tho ng’düi law ba u khäta, shin ah Levi chang gui naw thukhän ah mawng cu m’thein tu gui ci gui: cun gui cu Jeshua, Bani, Sherebiah, Jamin, Akkub, Shabbethai, Hodiah, Maaseiah, Kelita, Azariah, Joyabad, Hanan la Pelaiah ah kyak ci.

NEHEMIAH 8:9

Chang gui naw thukhän ah akthäh cu ng’ya u neta, hnün aih u neta kyap ci gui. Cun ah kyasei Nehemiah uktubawi, Ezra taigü la thukhän hmuhmat ci, thukhän phlan ciah Levit gui naw chang avan am m’thein ci gui, “Tuhngawi cu Bawipa nami Khanpughi ah theingcim ciah hnüüp ah kyak ci, cun ah kyasei kä nami thüi vai, kä nami kyah vai.

NEHEMIAH 8:12

Chang gui ami van ami im ah hteit ba u ne yeikyai ne ei awk ci gui, chang hei gui phi teipai tu ci gui, a i ah kyasei ci ung ngami ah ma ah ami phat cu ngami naw ami hmat pyi ah phäh ah kyak ci.

2 GHANGPUGHANG GUI 23:2

ngami cu a täng ah Taigüim ah hteit ci gui, ngami awn a täng ah taigü gui, prophet gui, om ba ciah ak pyam ang mang chang avan hteit tuk ci gui. Ghangpughang naw Taigüim ah ami hmuh ah thukhän ca uk avan cu ami ma ah m’lau ne phat ci.

NEHEMIAH 9:3

Bawipa ami Khanpughi ah thukhän cu nazi thum ung ami ma ah ami phat kawn ah, nazi thum bamä ung ami katnak ng’yu ba u neta, Bawipa ami Khanpughi cu khawihnah ci gui.

EZEKIEL 46:10

Manghta cu chang gui ami luh law ung lut law ne, ami hteh ba ung hteit tuba khai.