NEHEMIAH 8:7 - Cho Bible Common Language 2016

⁷ Cun kawn ah ngami cu tho ng’düi law ba u khäta, shin ah Levi chang gui naw thukhän ah mawng cu m’thein tu gui ci gui: cun gui cu Jeshua, Bani, Sherebiah, Jamin, Akkub, Shabbethai, Hodiah, Maaseiah, Kelita, Azariah, Joyabad, Hanan la Pelaiah ah kyak ci.

NEHEMIAH 8:7 Referans Kwoze

NEHEMIAH 9:4

Levit gui ah düih nak vai ah chagä om ci, a cun ah khan ah Jeshua, Bani, Kadmiela, Shebaniah, Buni, Sherabiah, Bani la Chenani gui ng’düi ci gui. Ngami cu Bawipa ami Khanpughi ah m’lau ne taigü ci gui.

TAIGÜTHUM 10:11

Kei naw Moses ung ka ning pek gui ah ng’thukhän avan cu Israel chang gui am na m’thein gui vai nei.”

NEHEMIAH 3:23

Benjamin la Hasshub naw am cawt co ci goi, cun cu ami im hmai ung ah kyak ci; Ananiah ah tu, Masseiah ah hta Azariah naw am cawt co ci, cun cu a im hmai ung ah kyak ci;

MALAKHI 2:7

Khanpughi ah akcang ah hmuhmat nak m’thei vai cu taigü gui ah bi vai ah kyak ci. Kei ah ng’yak hlü ng’thei tuk khai gui ah chang gui cu ngami ah hteit khai gui, A i ah kyasei ci ung ngami cu hlüngtai ciah Bawipa ah ng’shä tüih ah kyak ci gui.

NEHEMIAH 12:33

Shin ah taigü gui naw phyung heng tum ne ami hnu ah läk law gui ci gui: Azariah, Ezra, Meshullam, Judah, Benjamin, Shemaiah, la Jeremiah. Cun kawn ah Zekhairiah Jonathan ah hta, Shemiah ah tu naw läk lawk ci. (Ani ah pupa gui cu Mattaniah Mikaiah la Zakkur, Asaph pahta ah kyak ci gui.)

NEHEMIAH 11:16

Shabbethai la Joyabad, mingthang Levit chang gui Taigüim ah akpung täng ah bi nak ung tängpang ci gui.

NEHEMIAH 8:4

Ezra cu ng’thu pyen nak vai ah peen awn ami cawh ah chagä khan ah ng’düi ci. Shin ah chang gui cu akpat täng ah ng’düi ci gui: Mattithiah, Shema, Anaiah, Uriah, Hilkiah la Maaseiah; Malchijah, Hashum, Hashbaddanah, Zechariah, la Meshullam.

NEHEMIAH 3:19

Jeshua ah hta Ezera, Mizpah uktu naw sehnget im ah ma ung am cawt cu co ne mangpaang kit ah hlah nak ah hmun ung khüt ci.

NEHEMIAH 3:17

Shin ah Levit chang gui naw gawpaang ah angpai akda cu co ba ci gui: Bani ah hta Rehum naw am cawt co ci; Hashabiah, Keilah district a teih uk ci naw, a district chang gui ah hnün ung am cawt co ci.

EZRA 8:18

Khanpughi ah bä nak awn ngami naw Mahli pahta ungka Levit chang ni, Sherebiah cu na tüih lawk ci gui. A hta gui la anau gui gha lei cheit ani awn atäng ah law tuk ci gui.

2 SHONTÄP NAK 30:22

Levit gui naw Bawipa khawihnah nak cu akni ah ami bi ah phäh ah Hezekiah naw m’hlümtai gui ci. Ami pupa gui ah Khanpughi Bawipa m’hlümtai nak ah khawihnah nak douthak nak a hnüüp chih kawn ah,

THULÄÄN NAK 33:10

Ngami naw nang ah thukhän cu, na chang gui naw ami läk vai m’thein gui khai gui. Ngami naw khawihnah nak cu na sonkiang ung dou thak khai gui.

2 SHONTÄP NAK 35:3

Ani naw shin ah m’shümthein nak gui cu Levit gui, Bawipa ung ap ah Israel saya gui am m’thein gui ci: “Theingthap ciah Thukhän M’küm cu David ah hta Ghangpughang Solomon ah cawh ah Taigüim kyong ah tha vä. Nangmi naw shin a hmun päng ung nami hteh püi shüi shüi vai kä kya ba ci, cun ung phi nami Khanpughi Bawipa la Israel a chang gui ah bii nami bi vai ah kyak ci.

NEHEMIAH 8:6

Ezra naw, “Bawipa m’hlüngtai vä, Dämduh ciah Khanpughi nei!” cik ci. Chang gui ami van naw ami kut shäng neta ami pyen cu, “Amen! Amen!” cun kawn ah ami hmai m’dek ung gawk khai ah kaawp u ne khawihnah ci gui.

NEHEMIAH 8:8

Ngami naw Khanpughi ah thukhän cu k’phlan ne cun cu pyen u sei, chang gui naw hmat thei ci gui.

NEHEMIAH 8:12

Chang gui ami van ami im ah hteit ba u ne yeikyai ne ei awk ci gui, chang hei gui phi teipai tu ci gui, a i ah kyasei ci ung ngami ah ma ah ami phat cu ngami naw ami hmat pyi ah phäh ah kyak ci.

1 GHANGPUGHANG GUI 8:14

Chang gui cun ung ng’düi u khäta, Ghangpughang Solomon cu ngami täng ah ng’hlat neta, Khanpughi ah hriham cu ngami ah khan ah k’thäh pe gui ci.

NEHEMIAH 9:3

Bawipa ami Khanpughi ah thukhän cu nazi thum ung ami ma ah ami phat kawn ah, nazi thum bamä ung ami katnak ng’yu ba u neta, Bawipa ami Khanpughi cu khawihnah ci gui.