NEHEMIAH 8:6 - Cho Bible Common Language 2016

⁶ Ezra naw, “Bawipa m’hlüngtai vä, Dämduh ciah Khanpughi nei!” cik ci. Chang gui ami van naw ami kut shäng neta ami pyen cu, “Amen! Amen!” cun kawn ah ami hmai m’dek ung gawk khai ah kaawp u ne khawihnah ci gui.

NEHEMIAH 8:6 Referans Kwoze

1 TIMOTHI 2:8

Khritha gui ah bum nak phung ung, pami ng’vai gui ami taigü vai, ngahmi cu Khanpughi ah ng’ap pyi ci gui ah kya ne, m’lung she nak la cuhcan nak kä om men sei, ami kut chang ne ami taigü vai ah ka ng’ya hlük ci nei.

NG’ÄI KYAH 3:41

Mikmi naw khankho Khanpughi ah mi m’lung cu mi hmawng neta, mi taigü khai nei.

PHYAWN NAK 4:31

Ngami naw yum ci gui, ngami ah om nak ah Bawipa a law vai la aktä ah ami shedam nak gui cu ani naw hmu gui ciah ng’ya u neta, ngami naw m’khuukdong ne khawihnah ci gui.

2 SHONTÄP NAK 20:18

Cun kawn ah ghangpughang Jehoshaphat cu a hmai naw m’dek tawn khai ah kawp sei, chang gui ami van cu ani awn a täng ah kawp tu u ne, Bawipa cu khawihnah ci gui.

THU PHLAAN 7:11

Khankho chang gui ami van naw, mangkiaang ni, aghaampa gui ni, khiküi paphli ni gui cu, ‘Kium na ne ng’düi ci gui. Cun kawn ah ngami cu mangkiaang ah maa ah kawp u ne, Khanpughi cu khawihnah u netah,

SAM 134:2

Pum Im theing ung nami kut shäng ne, taigü ne, Bawipa cu m’taam vä!

NEHEMIAH 5:13

Cun kawn ah kei naw ka khei pat nak cu suut ne, k’thüng neta, “Nangmi ungka a shaitak kä k’pang cicu Khanpughi naw ashik cha ah bik khai. Khanpughi naw nami im gui la nami khawh gui avan cu ashik cha ah la yawp khai, nangmi cu ak plui ah ning nawng gui khai.” Cun ung om tuk ci phung naw pyen u ne, “Amen” cik ci gui, Bawipa m’hlüngtai ci gui. Ami ng’vai gui naw ami shaitak cu k’pang ci gui.

ATÜNNAK 24:26

Cun ah chang naw, m’khudong ne kawp ne Bawipa khawihnah neta,

1 SHONTÄP NAK 29:20

Cun kawn ah David naw chang gui thumkhän gui ci, “Nami Khanpughi Bawipa m’hlümtai vä!” Chang hli ami van naw ami pupa gui ah Khanpughi Bawipa m’hlüngtai ci gui, ngami cu kawp u ne Bawipa m’tamkhah u ne, ami ghangpughang phi m’tamkhah ci gui.

TAIGÜTHUM 9:24

Ang ghit ah Bawipa naw mei yuk chah sei, acun naw sonkiang khan ungka m’khih ne douthak la a thau gui cu ui yawp ci. Chang gui naw cun cu hmu u neta, ami van m’lau u ne, ami hmai naw m’dek tawn khai ah kawp ci gui.

PHYAWN NAK 12:27

Nami m’thein gui vai cu, “Shin cu Bawipa m’taam ne sonhnah nak ah phyawn nak pawi ah kyak ci, a i ah kyasei ci ung Bawipa naw Egypt khaw ah Israel gui ah im cu ak phyawn nak gui ah kyak ci. Ani naw Egypt chang gui cu ngawn gui ci, mikmi cu nak phyawn gui ci” cik ci. Israel chang gui naw m’khukdong ne khawihnah ci gui.

1 PETER 1:3

Mi Bawipa Jesuh Khrit ah Pa Khanpughi cu mi m’kümto khai nei! Khanpughi naw küikyang ciah ak chimgein nak awn, Bawipa Jesuh Khrit cu sih nak ungka thawh ba sak ne, mikmi am ghin nak ak thai cu na pe gui ci. Acun naw ghing ciah ngaih u nak awn na kümbe sak gui ci.

EPHESIAN 1:3

Mi Bawip a Jesuh Khrit ah Pa Khanpughi cu mi m’kümto khai nei! Mikmi cu Bawi Khrit ung mi kawng ät nak awn, ani naw khankho ah mümcha youshen nak cu nam shumphyuk gui ci.

1 KORIN 14:16

Nang cu nang mümcha bäng awn Khanpughi m’hlüngtai ne na k’taigü ah a kyak ung, pum tuk ciah chang tumat naw, nami ng’thu kä hmat ci kya ne, a i hawkchaa ah “Amen” a ci tu vai ang?

MATTHE 26:39

Cun kawn ah ama lam ah api vang nawn ne, khomdek ung ng’bawk netah, “Oh, Kapa bäpi khai a kyak ung shin ah yaica nak ah khap cu na hen pe ba ä, cun ung phi kei ah ng’yak hlü ah kä kyak ci, na mät ah ng’yak hlü ah kya sä,” cine taigü ci.

MATTHE 6:13

Tüihtok nak ung kä gawk vai ah, Kä nik ci phung ung nam htei gui ä. Uknak, hlüngtai nak la Bawimang nak cu, Nang ung ang täih ah om sä, Amen,’ cine nami taigü vai.

JEREMIAH 28:6

“Cäicat vai nei! Shin gui cu Bawipa naw bik khai ah kei naw ka ngaih u ci! Kei naw akcang ah ka ngaih u ci, ani naw nangmi ah ng’cäbang nak cu bä khai ah bik khai, Babilonia ah kaa, Taigüim m’küm khawh gui a van la pha ne ami hteh püi ah chang gui avan cu law püi ba gui khai gui.

SAM 141:2

Ka taigü cu ang ui ah mäih ah kakut ka shäng cu mühun lam ah khawihnah ah mäih ah na dou pe ä,

SAM 63:4

Ka ghin ah chuih ka ning m’hlüngtai khai nei; ka kut shäng ne taigü ne ka ning m’taam khai nei.

SAM 41:13

Israel Khanpughi, Bawipa cu m’taam nei! Tuhbäi la ngawi yä m’taam khah vä! Amen! Amen!

SAM 28:2

Na nam htei vai ah ka m’lau ung, Na pum im theing lam ah ka kut ka k’shäng ung, na ngaih pe ä.

2 SHONTÄP NAK 29:30

Ghangpughang la pakhui ung ami ng’vai gui naw, Levit gui ami pyen nak gui cu, David la prophet Asaph ah guk ah ng’äi gui cu Bawipa am ami m’cu vai ah pyen na gui ci gui. Cun ah kyasei chang nü naw akdämduh ah yei ne ng’äi m’cu ne m’khukdong ne, Khanpughi khawihnal ci gui.

2 SHONTÄP NAK 6:4

Ani naw, Bawipa Israel Khanpughi cu m’lümtai vä! Ani naw kapa David ung abi ah a shaitak cu k’pang ci, ani naw a pyen nak cu,

ATÜNNAK 14:22

Abram naw, “Khankho la khomdek tüisho ciah A hlüngtai Pikbäih Khanpughi Bawipa ah ma ah akni ah ka ng’kiaa pyi ci nei,

1 SHONTÄP NAK 16:36

Israel Khanpughi Bawipa cu m’tam vä! Ani cu tuhbäi la khonglän ung m’tam vä! Chang avan naw “Amen” cine Bawipa cu m’hlüng tai vä.

NEHEMIAH 8:7

Cun kawn ah ngami cu tho ng’düi law ba u khäta, shin ah Levi chang gui naw thukhän ah mawng cu m’thein tu gui ci gui: cun gui cu Jeshua, Bani, Sherebiah, Jamin, Akkub, Shabbethai, Hodiah, Maaseiah, Kelita, Azariah, Joyabad, Hanan la Pelaiah ah kyak ci.

1 SHONTÄP NAK 29:10

Acu ah changhli ah ma ah David ghangpughang naw Bawipa m’hlüngtai ci. Ani naw, “Bawipa, kami pupa Jakob ah Khanpughi, nang ah khan ah khonglä ung m’htüngtai nak om sä!

2 SHONTÄP NAK 29:10

“Tuhbäi kei naw Israel Khanpughi Bawipa awn ng’thukhän bi vai ah ka k’bäi ci nei, cun ah kyasei ani cu mikmi ah khan ah kä m’lungshe ba khai nei.

SAM 95:3

Bawipa cu m’gäi ciah Khanpughi, khanpughi gui avan ah khan ah m’gäi ciah ghangpughang nei.