NEHEMIAH 8:3 - Cho Bible Common Language 2016

³ cun ah m’kawt ah pei a awng nak ung, khaw thaih ung tün ne khaw hnüüp güt chang gui ah ma ah cun ah thukhän cu phat sei, chang avan naw tügüh ne ngai ci gui.

NEHEMIAH 8:3 Referans Kwoze

THU PHLAAN 3:22

“Khrithabum gui-am Mumcha naw am thein gui cu nami hnga a om ung ngai ne ng’ya vä!

THU PHLAAN 2:29

“Khrithabum gui-am Mumcha naw am thein gui cu, nami hnga a om ung ngai ne nami ng’yak vai nei!

1 THESSALONIAN 2:13

Cun kawn ah keimi naw angtäi sei Khanpughi kami m’hlüngtai nak ah mawng a hei tumat om ba ci. Cun cu, Keimi naw Khanpughi ah Thu Ni kami ning m’thein gui cu, chang ah ng’thu ah mäih ah kä kiak ciah Khanpughi ah ng’thu akcang ah ngai ng’yak ne nami dou nak ah kyak ci. Cun cu Khanpughi ah ng’thu akcang ah kyak ci. A i ah kiasei ci ung Khanpughi cu yum ciah chang gui ah kyong ah hnüntho ne om ci.

LAMKTU 28:23

Cun ah kyasei ngami cu Paul awn hnüüp ng’nüt u netah, ami ng’nüt nak ah hnüüp ung chang akda Paul ah om nak ah gawk law ci gui. Paul naw kho ngawi ah tün ne, mühun nah khüt khai ah khanpughi ah uknak ah mawng Thu Ni cu m’thein gui ci. Bawipa Jesuh ah a mawng cun phi, Moses ah thukhän la prophet gui ah cacim gui awn küm khai ah, ngami naw ami yum tu vai ah k’tha nah ne m’thein tu gui ci.

LAMKTU 17:11

Berea ah chang gui cu Thessalonika ah chang gui ah mä ami m’lung ng’htei pi ci. Cun ah kya ne Paul ah thu pyein cu k’tha na ne ngai ci gui. Paul la Silas ah thu pyein cu akcang la kä akcang ah ami hmat nak vai ah cacim cu ak hnüüp tä sei teng kheng ci gui.

LAMKTU 16:14

Cun ah chang gui ung Thiatira pigaw ung kaa, a phu küi suisak yoi ciah Lidia ming nak ciah hnumi tumat om ci. Ani cu Khanpughi yum ciah chang ah kya ci. Khanpughi naw Paul ah thu pyein a ngaih yaak nak tu kheng vai ah cun ah hnumi ah m’lung kyong pyan tham pek ci.

LAMKTU 15:21

A i ah kyasei ci ung, cau ä tün ne, apigaw päng pum im gui ung, kyin hnüüp phung ung Moses ah thukhän gui cu phat ne, thu awn phi pyein lä ah kya ci” cine pyein ci.

LAMKTU 13:27

Jerusalem ung om ciah chang gui la ami ng’vai gui naw cun ah Bawi cu Hunbawi ah a kyak kä hmat ci gui, kyin hnüüp päng ung ami phat ah prophet gui ah ca guk ah a mawng phi kä hmat ci gui. Cun ung phi ngah mi naw prophet gui ah ng’thu pyein a bä vai ah cun ah Bawi cu ngawn pyi ci gui.

LAMKTU 13:15

Moses ah thu khäm la prophet gui ah ca guk gui cu ami phat pyi kawn ah, Pum im ung ang vai gui naw, “Phäi nau gui aw, chang gui ah thamah nak vai thu nami pyein vai a om ah a kyak ung, nami pyein vai kami yaak hlük ci nei” cine chang tüi law ne pyein lawk ci gui.

LUKA 19:48

Cun ung phi chang akda naw Bawipa Jesuh ah ng’thu cu, aktung ah ngai ci gui kyasei, a i chaa ah ngawn vai cicu kä hmat ci gui.

LUKA 8:18

Cun ah kyasei nami ngaih ng’yak cu geing na vä, om ciah kaa län ne k’be ba khai, kä om ciah kaa, a taak hta phung avan lak pek khai” cine pyein ci.

MAKUH 12:37

Shin ung David amät naw Messiah-am Bawipa cine khü ciah kyasei, a i cha ah Messiah cu David ah hta ng’shon ah kya hning khai ang?” cine m’theithang gui sei chang gui naw yeikyai ne ngai yak ci gui.

LAMKTU 20:11

Paul cu im khan ah hang kai ba netah ang khah püi gui awn a täng ah vunvai ne ei auk ci gui. Ami ei auk awn nah kho thai ghi ghi güt sei ak chang gui awn a täng ah ak shou ng’cecäk u netah cun ah pigaw ungka pawng ne hteit ci.

LAMKTU 20:7

Hnüüp chih hnüüp ung keimi cu vunvai ne ei auk vai ah kami ng’bum ci. Paul cu a ngawi ung hteit law ba khai ah kya netah cu mü kho cawih ung khüt sei thu pyein ne m’thei thang gui ci.

NEHEMIAH 8:1

A cha chih nak ung Israel chang gui ami van cu gawnu gui ung khäng ne om tuk ci gui. A cun ah cha a hnüüp ät hnüüp ung ngami ami van Jerusalem ah Tui m’kawt ah akyong täng a awngnak ung ng’bum ci gui. Bawipa naw Israel gui am Moses ung a pek gui ah thukhän ca uk cu la ne a law püi vai ah taigü ah kya ne thukhän hmuhmat ciah Ezra cu k’thäh ci gui.

NEHEMIAH 8:4

Ezra cu ng’thu pyen nak vai ah peen awn ami cawh ah chagä khan ah ng’düi ci. Shin ah chang gui cu akpat täng ah ng’düi ci gui: Mattithiah, Shema, Anaiah, Uriah, Hilkiah la Maaseiah; Malchijah, Hashum, Hashbaddanah, Zechariah, la Meshullam.

NEHEMIAH 8:5

Ezra cu chang gui ah hlüng tuba ciah chagä ung ng’düi sei chang gui ami van naw m’hteih ne teng ci gui. Ani naw ca uk cu hmawng khäta ami van ng’düi lawk ci gui.

THULÄÄN NAK 31:9

Cun ah kyasei Moses naw Khanpughi ah thukhän cu guk ci. Levit taigü gui am pe gui ci. Ngami cu Bawipa ah Thukhän M’küm m’htei ci gui. Israel gui ah ng’vaihta gui ah kyak ci gui.

JOSHUA 8:35

Moses ah thumkhän gui nü cu Joshua naw chang bum van ah ma ah phat ci. Acun ung hnumi gui la a hmaw gui ni, ami ng’lung ah om tuk ciah khuihei chang gui mah ah om ci gui.

NEHEMIAH 8:18

Pawi tün nak hnüüp ung tüi ne ang pyi ung khüt sei, Khanpughi ah thukhän avang cicu a hnüüp tä phat ci gui. Ngami naw cun ah pawi cu hnüüp chih ung bik ci gui, ak hnüüp cheit hnüüp ung thukhän naw ak thäh mäih ah khüüp pawi nak bik ci gui.

NEHEMIAH 10:29

kami ng’vai gui awn ng’dawn u ne kami ng’khän ci, cun ah ka ung plah tam nak kami bik ci, cun cu kami m’shet ung ka vai ah Khanpughi naw a changshäm Moses ung a pek ah Khanpughi ah thukhän ah mäih ah kami om khai; Bawipa, kami bawipa ah ang thumkhän avan cu kami läk khai; cun kawn ah ang thukhän avan la a k’thähchah nak gui cu keimi naw kami läk khai.

NEHEMIAH 13:1

Moses ah thukhän cu chang gui ah ma ah m’lau ne ami phat law ung cun ung chang gui gawk ne Ammonit gui la Moabit gui cu a i sang ung phi Khanpughi ah chang gui ung kä ng’dawn tuk khai gui, kä pe gui lawk ci.