NEHEMIAH 8:17 - Cho Bible Common Language 2016

¹⁷ Ami pha nak gui ung ka law ba ciah chang gui ami van cu phung tu u ne a cun ung om ci gui. Cun cu Nun ah hta Joshua ah khin ung tün ne, ak htük bäih ah bi ah chang nü cu cäicat ne yeikyai ci gui.

NEHEMIAH 8:17 Referans Kwoze

2 SHONTÄP NAK 8:13

Ani naw m’khih ne douthak nak cu Moses ah thukhän ung lawk ciah mäih ah theingcim ciah hnüüp päng ung douthak ci: cun ah hnüüp gui cu, Kyin Hnüüp, Cha Thai Cun Pawi, Kum ät ung Thumvei bi ah pawi gui — K’caw Kä Shum ah m’htut pawi, Geit khäm pawi, ng’yii nak ah pawi.

EZRA 3:4

Ngami naw ng’yiinak ah pawi cu thungyo man ah mäih ah bik ci gui. A hnüüp tä acu hnüüp khawihnah vai ah k’thäh phung cu ngami naw douthak ci gui.

HEBRU 11:13

Cun ah chang gui ami van cu yum nak awn sik ci gui. Ngami cu Khanpughi ah shaitaak kä gah tuk ci gui, cun ung phi a shou nak ah kaa naw hmuh u ne ana dou tuk ci gui, ngami cu khomdek khan ung akho hei chang, geinvai chang ah ami kyak ah mawng cu ng’kiaa ne pyein ci gui.

HEBRU 11:9

Ani cu Khanpughi ah shaitaak nak ah kho hei chang ah mäih ah a yum nak awn om tuk ci. Ani cu amät ah mäih ah Khanpughi ah shaitaak gah ciah Isaak la Jakob ah mäih ah phung tu ne om ci.

HEBRU 4:8

Joshua ah peit ah hüi nak cu Khanpughi ah shaitaak ah a kyak vai sü ung Khanpughi naw ak hnüüp hei cu kä pyein ba khai sü te.

JOHAN 1:14

Thu cu chang ah yung tüi law pyi ci. Abäkhäk nak la thutak awn be ne mikmi ung om pyi ci. Abämang nak phi mi hmu pyi ci. Cun ah bämang nak cu Khanpughi ah Htapa ah a kyak nak awn agah ah kyak ci.

2 SHONTÄP NAK 35:18

Prophet Samuel ung khüt ciah phyawn nak pawi cu cun ah mäih ah kä bi man ci gui. Cau a i ghangpughang naw phi shin ah mäih ah phyawn nak pawi cu kä bi man ci, Ghangpughang Josiah, taigü gui, Levit gui la Judah, Israel la Jerusalem chang gui naw hnü ät ami bi ah kyak ci,

2 SHONTÄP NAK 30:26

Jerusalem mang gaw cu yeikyai nak awn be ci. David ah htapa Ghangpughang Solomon ah khin ung phi shin ah mäih ah kä kya man ci.

1 SHONTÄP NAK 29:22

A cu ah hnüüp ung ngami cu Bawipa ah ma ah ami ei awk ah phäh ah anghtei ah yeikyai ci gui. Solomon cu ghangpughang ah kyak ci nei cine ak nih vei nak ah ng’shäu ci gui. Ani cu Bawipa ming awn ami uktu ah phyuh theh u ne, Zadok cu taigü ah tha ci gui.

JOSHUA 1:1

Bawipa ah changshäm Moses asih kawn ah Bawipa naw Moses ah ng’düihpüi, Nun ah hta Joshua cu ng’thu püi ci.

THULÄÄN NAK 16:15

Khawihnah nak ah hmun tumat ung shin ah pawi hnüüp chih ung bi ne Bawipa nami Khanpughi cu m’tamkhah vä. Yeikyai vä, Bawipa naw nami geit khäm la nami bilawh cu hriham pek ci nei.