NEHEMIAH 8:16 - Cho Bible Common Language 2016

¹⁶ Cun ah kyasei chang gui naw sing ban gui shui u ne, ami im vailang ung, ami im pei, Taigüim pei a awng nak la tui m’kawt pei la Ephraim m’kawt pei awng nak gui ung phung sham gui tuk ci gui.

NEHEMIAH 8:16 Referans Kwoze

NEHEMIAH 12:39

Cun ungka naw Ephraim m’kawt phlän ne, Jeshanah m’kawt nga m’kawt, Hananela tänghän, kum phia tänghän, phlän ne Htome m’kawt ung kami gawk ci. Kami ng’hleh nak cu Taigüim kawt pei ung kami khüt ci.

2 GHANGPUGHANG GUI 14:13

Jehoash naw Amaziah cu pha ne hteh püi ne, Jerusalem ung gawk ne, Ephraim m’kawt ungka naw vangkit m’kaw ung khüt khai ah mang gaw pang phye ne gäi ci, cun cu metre phia goi lawk ci.

NEHEMIAH 12:37

Tuikhawng m’kawt ung gawk u neta, David ah mang gaw täng hlaak ung hang kai u ne, David ah mang im han kan u ne, mang gaw ah ak kyang lam, tui m’kawt paang ung ng’hlat law ba ci gui.

JEREMIAH 32:29

mei awn m’khih khai gui chang gui naw im m’cung khan ah Baala am tui ng’ui m’khin ne, ahei khanpughi gui am sapyit tui douthak ne kei ami na m’lungshe nak sak ah im gui mah mah ah m’khik khai gui

NEHEMIAH 8:3

cun ah m’kawt ah pei a awng nak ung, khaw thaih ung tün ne khaw hnüüp güt chang gui ah ma ah cun ah thukhän cu phat sei, chang avan naw tügüh ne ngai ci gui.

JEREMIAH 19:13

Jerusalem ung im gui, Judah ghangpughang gui ah im gui, akcih khan ah aisi gui am ang ui gui m’khih pek nak ah im gui la ahei khanpughi gui sapyit tui kei ne douthak nak gui — cun gui avan cu Topheth mäih ah kä theingthap khai gui.”

2 SHONTÄP NAK 33:5

Taigüim ah akyong düm hnih ung aisi gui khawihnah nak vai ah sonkiang gui phi co ci.

2 SHONTÄP NAK 20:5

Ngami la Jerusalem ung chang gui cu Taigüim ng’vongkyong akthai ung ng’bum ci gui. Ghangpughang Jehoshaphat cu hteit ne ami ma ah ng’düi neta

2 SAMUEL 11:2

Hnüüp ät ung khaw k’awi nu ung; David cu ang yän nak ungka tho law ne, mang im k’cih khan ah hang kai ci. Ani cu hteit shüi neta tui ng’si ciah hnumi cu hmuk ci. Ani cu ang htei ah kyom ci.

THULÄÄN NAK 22:8

“Im thai na cawh ah a kyak ung khan khuih nak ak pei avan ung ng’hteicha khai ah shung ne na pyan vai. Cun ung chang ng’kya ne a sih ung phi nang ah om ah kä kyak khai.

NEHEMIAH 8:1

A cha chih nak ung Israel chang gui ami van cu gawnu gui ung khäng ne om tuk ci gui. A cun ah cha a hnüüp ät hnüüp ung ngami ami van Jerusalem ah Tui m’kawt ah akyong täng a awngnak ung ng’bum ci gui. Bawipa naw Israel gui am Moses ung a pek gui ah thukhän ca uk cu la ne a law püi vai ah taigü ah kya ne thukhän hmuhmat ciah Ezra cu k’thäh ci gui.