NEHEMIAH 8:12 - Cho Bible Common Language 2016

¹² Chang gui ami van ami im ah hteit ba u ne yeikyai ne ei awk ci gui, chang hei gui phi teipai tu ci gui, a i ah kyasei ci ung ngami ah ma ah ami phat cu ngami naw ami hmat pyi ah phäh ah kyak ci.

NEHEMIAH 8:12 Referans Kwoze

SAM 119:174

O Bawipa, na hun m’htei nak cu a i güt ka gin vai ang? Na thukhän ung yeikyai nak ka hmuk ci nei.

LUKA 24:32

Ngani naw lam ah ana ng’htau püi goi yah ung phi bäi, cacim ana m’thein goi yah ung bäi, m’lung kyong ah mei däi ciah mäih ah kiak ci nei, cine ani mät ng’htau ci goi.

SAM 119:171

Kei naw angtäi sei ka ning m’tam khai, nang naw na thukhän gui cu na na m’thei ci.

SAM 119:130

Khukhai ne na m’theithang nak naw akdei cu pek ci, chang k’ang gui cu cüivai sak gui ci.

SAM 119:127

Kei naw na thumkhän cu ghui ah ta ka m’hni pi ci, Ghui k’ni ah ta ka m’hni pi ci.

SAM 119:111

Na thumkhän gui cu ng’täi ciah ka khawh cham ah kyak ci; cun gui cu ka m’lung kyong ah yei nak ah kyak ci.

SAM 119:97

Na thukhän cu a i hlawk ah ka m’hni ci aw! A hnüüp pum ung ka ngaih-tüh ci nei.

SAM 119:72

Thukhän na pek cu kei ah hmawk ah khomdek khan ung ngui avan ah bä pi ci nei.

SAM 119:16

Kei naw na thukhän ung yei nak ka gah ci; Na thumkhän gui cu kä ka m’hnih khai.

SAM 119:14

Bä m’cam vai ah mä nang ah thumkhän gui läk vai cu kei naw ka yum hni pi ci nei.

JOB 23:12

Khanpughi naw ang thumkhän cu ang täi sei ka bik ci; ani ah ng’yak hlü cu ka läk ci, ka mät ah ng’yak hlü kä ka bik ci.

ROMAN 7:18

Hnicim chang ah ka kyak ciah kei ung akni kä om ciah kei naw ka hmat ci. A i ah kya sei ci ung kei naw akni ka bi hlü ung phi, akni cu kä ka bi hlawt ci.

JEREMIAH 15:16

Nang naw na na ng’thu püi ci, na ng’thu päng cu kei naw ka ngai ci. Kei cu nang naw na na khäm ci, Bawipa, m’gäi ciah khanpughi, cun ah kyasei nang ah thu lung naw kei ah m’lung naw kei ah m’lung cu zeikia nak ah lünlowi nak awn be sak ci.

THU PHLAAN 11:10

Cun ah purofet goi ani sih ah hmawk ah khomdek chang gui cu, yeikyai u ne, khawhchaam ng’khih ng’bah tu u ne, näng nak bik khai gui nei. A i ah kyasei ci ung cun ah purofet goi naw, chang ah hta gui cu ang htei ah ani geinvai sak ah hmawk ah kyak ci.

NEHEMIAH 8:10

Tuhbäi nami im ah hteit ba ne ng’ei awk vä. A ei vai kä büh ciam nami buh nami sapyit tui cu teipai tu vä. Tuhngawi cu mi Bawipa ah ma ah theingcim ci nei, cun ah kyasei kä nami thüi vai nei. Bawipa naw aning pek gui ah yeikyai nak naw nangmi cu ning khüighat sak gui khai nei.”

NEHEMIAH 8:11

Levit gui naw chang gui dimdeeih sak ne cun ah theingcim hnüüp ung kä ami thüisei vai ah m’thein gui ci gui.

NEHEMIAH 8:13

A ngawi ung ami pahta ng’vai gui, taigü gui la Levit gui cu thukhän ah m’theithang ng’thei tuk khai gui ah Ezra ah hteit ci gui.

ESTA 9:22

Cun ah hnüüp cu Jew gui naw ami ga gui ami hnim nak ah kyak ci, Cun ah cha cu thüisei, ayä nak ah khin ungka naw yeikyai lünlawi nak ah ng’hlah nak ah khin ah kyak ci. Cun ah kyasei cu hnüüp ung aküikyang ah ei awk pawi gui bi ne, ei ng’thak tu u ne, dukhaih ciam ei thak ne ami bi vai ah pyen na gui ci.

1 SHONTÄP NAK 29:22

A cu ah hnüüp ung ngami cu Bawipa ah ma ah ami ei awk ah phäh ah anghtei ah yeikyai ci gui. Solomon cu ghangpughang ah kyak ci nei cine ak nih vei nak ah ng’shäu ci gui. Ani cu Bawipa ming awn ami uktu ah phyuh theh u ne, Zadok cu taigü ah tha ci gui.