NEHEMIAH 8:10 - Cho Bible Common Language 2016

¹⁰ Tuhbäi nami im ah hteit ba ne ng’ei awk vä. A ei vai kä büh ciam nami buh nami sapyit tui cu teipai tu vä. Tuhngawi cu mi Bawipa ah ma ah theingcim ci nei, cun ah kyasei kä nami thüi vai nei. Bawipa naw aning pek gui ah yeikyai nak naw nangmi cu ning khüighat sak gui khai nei.”

NEHEMIAH 8:10 Referans Kwoze

NG'THU K'THUUK~ 17:22

Yeikyai hmai kyang naw gai nak pek ci, akphlütt ah hmai m’kyum ung sih nak ng’et ci.

THUSHÄUTU 9:7

Cun ah kyasei, na buh ei ne yeikyai ä, na sapyit tui aw ne lünlawi ä. Cun cu Khanpughi ung bä ci nei.

SAM 149:2

Nami ng’tüibawi ah hmawk ah Israel chang gui yei vä; Nami ghangpughang ah hmawk ah Zion chang gui yei vä;

ISAIAH 61:10

Bawipa naw bi a bi ah phäh ah Jerusalem cu yeikyai ci nei. Ani cu ceimah lawk khai ah ng’lami hta ng’sui ng’sak ciah mäih ah kyak ci nei. Khanpughi naw ani cu hun nak la näng nak suisak sak ci nei.

ESTA 9:19

Pigaw hta gui ung om ciah Jew chang gui naw Adar cha ah a hnüüp gha lei phli hnüüp cu yeikyai nak kyiin hnüüp ah k’bäi ci gui, acu hnüüp cu mang ei ami ei nak la ei ami ng’dou thak nak tu ah kyak ci.

2 KORIN 8:2

Ngahmi cu yaica nak ak nui ah aut ci gui. Cun ung phi ang htei ah yeikyai u ne, ang htei ah ami pyamthaam pang ung phi, peit taak nak ung, ng’khailang aih ci gui.

ESTA 9:22

Cun ah hnüüp cu Jew gui naw ami ga gui ami hnim nak ah kyak ci, Cun ah cha cu thüisei, ayä nak ah khin ungka naw yeikyai lünlawi nak ah ng’hlah nak ah khin ah kyak ci. Cun ah kyasei cu hnüüp ung aküikyang ah ei awk pawi gui bi ne, ei ng’thak tu u ne, dukhaih ciam ei thak ne ami bi vai ah pyen na gui ci.

THUSHÄUTU 3:13

Mikmi, mi van naw, ei ne, aw ne, mi bi lawh gah tang awn yeikyai vai ah kyak ci. Cun cu Khanpughi ah m’cümhnah nak ah kyak ci.

THUSHÄUTU 2:24

Chang tumat naw akni pikbäih abi hning cu ei vai, awk vai, gah tang ah khawh cham awn yeikyai vai ah kyak ci. Cun ung phi cun gui avan cu Khanpughi ung ka lawk ciah kei naw ka hmat ci.

THUSHÄUTU 11:2

Khohmun akda ung sumlei nak na bi vai, a i ah kyasei ci ung, shin ah khomdek khan ung a i ah mäih ah ng’yo yaw nak na buitang vai cu nang naw kä na hmat ci nei.

PHILIPPIAN 3:4

A i baw düt ngaih u vai a hlü ung cun cu kei ung om ci. Ak pung ah kiomsang nak ngaih u ciah chang a om ah a kyak ung phi, cun ah chang cu kei a om man hlawk ah kä kyak khai nei.

LUKA 11:41

Cun ah nami bi ung nangmi ah hmawk ah avan theingthap khai nei.

SOLOMON NG’Ä~ 5:1

Kei cu ka u-yin ung ka lut pyi ci, ka m’lung ung tuihlim ciah ka ng’lami hta. Ka tui ng’ui la ka muran cu ka k’bum pyi ci; Ka khoi tui la ka khoi phyai cu ka ei pyi ci; Ka seisuuk la sapyit tui cu ka awk ci nei.

THUSHÄUTU 5:18

Shin cu kei naw ka hmuh ah kyak ci; chang tumat naw akni pikbäih ah abi hning cu, ei ne, aw ne, hnünthaw ne, Khanpughi naw a pek ah ghin nak aktawi ung, abi lawh nak ung a yeikyai nak ah kyak ci; shin cu chang ah buitang ah kyak ci.

JOEL 2:23

Zion chang gui, yeikyai vä, Bawipa, nami Khanpughi naw nangmi ah phäh ah abi ah hmawk ah yei vä. Ani naw bä ciah khawtui akni ning pe gui ci; ani naw hting kho aa phi yuk chah lawk ci, kä cun pha ung htui khaw aa phi aa sak ci.

THU PHLAAN 11:10

Cun ah purofet goi ani sih ah hmawk ah khomdek chang gui cu, yeikyai u ne, khawhchaam ng’khih ng’bah tu u ne, näng nak bik khai gui nei. A i ah kyasei ci ung cun ah purofet goi naw, chang ah hta gui cu ang htei ah ani geinvai sak ah hmawk ah kyak ci.

1 SAMUEL 25:8

Ngami cu na ng’shi gui vai, ngami naw ning m’thein khai gui. Pawi hnüüp ung keimi kami lawk khai. M’gein nak awn na na dou gui vai ah David naw ning thäh ci nei. Na na changshäm gui la na teihpui David ung a i ah na bi hning cu na m’thein gui ä.”

NEHEMIAH 8:11

Levit gui naw chang gui dimdeeih sak ne cun ah theingcim hnüüp ung kä ami thüisei vai ah m’thein gui ci gui.

NEHEMIAH 8:12

Chang gui ami van ami im ah hteit ba u ne yeikyai ne ei awk ci gui, chang hei gui phi teipai tu ci gui, a i ah kyasei ci ung ngami ah ma ah ami phat cu ngami naw ami hmat pyi ah phäh ah kyak ci.

ZEKHARIAH 14:21

Jerusalem la Judah khaw avan ung ei shon k’am gui cu Hlüngtai ciah Bawipa khawihnah nak ung mang khai gui nei. Küikyan nak pek ciah chang gui naw küikyan nak ah asa shon nak vai ah mang khai gui nei. Cun ah a khin a gawk law ung, Hlüngtai ciah Bawipa ah Taigüim ung sumlei ciah chang a u kä om ba khai nei.

1 GHANGPUGHANG GUI 8:66

Ak hnüüp cheit hnüüp ung Solomon naw chang gui ami im ah tüi ba gui ci. Bawipa naw akchang David la akchang gui Israel gui am a pek gui ah hriham avan ah phäh ah ngami naw ani cu m’hlümtai u ne im ah zeikia u ne hteit ba ci gui.

1 SHONTÄP NAK 16:27

Bämang nak la huham mah nak naw ani cu koi ci nei, Huham la yeikyai nak naw ak Taigüim cu be sak ci nei.

SAM 89:17

Nang naw m’khüt nak akdäm na pe gui ci, na m’hni nak awn na na näng sak gui ci.

ISAIAH 49:5

Kei kä ka ng’tüi pha ung Bawipa naw na m’düih pyi ci; A chang gui ka law püi ba khai ah ani naw a changshäm ah na pyang ci, püi pyang ciah Israel chang gui ka law püi ba gui khai. Bawipa naw m’tamkhah nak na pek ci; Ani cu ka thamah nak ah ang yung ah kyak ci.